الاسامي

طي
X
 
  • التوقيت
  • إظهار
مسح الكل
المشاركات الجديدة
  • نسيب امطير
    عضو نشيط
    • Jan 2007
    • 41

    #1

    الاسامي

    قصيدة رائعة لشاعر المبدع مشعل عوض المقعار
    بعض الاسامي ماتوافق وراعيـه =نطقه حـرام وظالمينـه ظليمـه
    ماهو على قـدّه ولا الله بحاليـه =الاسم طيّـب والمسمّـا بهيمـه
    وبعض الاسامي وفّق الله مسمّيه =يستاهله راعيـه شيمـه وقيمـه
    الاسـم ودّك لاتسمّـا لآهالـيـه =اللي لهم بالجاه قـدر وحشيمـه
    ماهو لخبلـن نافخـاتٍ علابيـه =لاكفّ شـرّ ولارجـع بالغنيمـه
    متصاغيّ ٍ مايلتفت لـو تحاكيـه =والكبر من طبع العقول السقيمـه
    ماتعرف الرجّـال حتـى تخاويـه =والحكم قبل العرف غلطه جسيمه
    والرجل يُعرف من صديقن يباريه =ويكفيك عن ذيخ المجالس نديمـه
    مايشره الاّ من يعرف المشاريـه =شرهات بعض الناس مثل الشتيمه
    ولايكرم الاّ طيّبن مـن مجانيـه =طبع الكرم لآهل النفوس الكريمه
    ولايبخل الاّ من بخيلـن موصّيـه =جوّد وصاته بالرسن والشكيمـه
    البخل صبخـا ماتبـارك نواميـه =والجود غرس وراعي الجود ديمه
    والطبع يغلـب للتطبـع مباديـه =كلمه حكيمه من رجالـن حكيمـه
    بعض المواقف للرياجيـل تنبيـه =واللي يعرف العلم عقله خصيمـه
    ماكلّ من يضحك بسنّـه تجاريـه =ومجامل اللـي مايـودّك جريمـه
    من لايبيك اترك جنابه وطاريـه =الذيب لاضاقـت يـدّل الخريمـه
    ولاكلّ هرجن بين الاصحاب تبديه =بعض السوالف عاقبتها وخيمـه
    تبلش بخبلن بس دوبـك تهاديـه =لا حاشمن نفسه ولا فيه شيمـه
    بعض الاسامي زيلة اجسام ووجيه =وان جيت للواقع عظامن رميمـه
    وبعض الاسامي وفّق الله مسمّيه =يستاهله راعيـه شيمـه وقيمـه

    سلامه الملافخ
  • الصويت الثبيتي العتيبي
    عضو ماسي
    • Nov 2010
    • 749

    #2
    صح لسان الشاعر


    ولاهنت

    تعليق

    • المـرشدي
      عضو ماسي
      • Dec 2010
      • 647

      #3
      صح لسان قايلها

      ولاهنت يالي ناقلها

      تقبل مروري

      المرشدي

      تعليق

      العمل...