قصيده في الشيخ /سلف بن غزاي الدعجاني

طي
X
 
  • التوقيت
  • إظهار
مسح الكل
المشاركات الجديدة
  • ابو هوازن الدعجاني
    عضو
    • Nov 2010
    • 1

    #1

    قصيده في الشيخ /سلف بن غزاي الدعجاني

    [align=center]الاحبه بهذا الصرح الراقي
    بعد السلام والتحيه والاحترام
    قصيده قيلت بالشيخ / سلف بن غزاي الدعجاني العتيبي

    بلسان الشاعر/ خالد بن حميد الذيابي

    يالله انى طالبك بالامر خيره = يا إلهٍ نعبده جلا جلاله
    ياكريمٍ ما عبدنا شي غيره = نسألك جنتك ودروب الجماله
    قال من غنا وعبر من ضميره = قدح راس ولاتسلم بالرساله
    وش كيان الشعر والا وش مصيره = كان ما نصخره دورنا بداله
    تو ما نسنس من الغربي عبيره = وشوش الخاطر وهوجاسه صفاله
    فى مديح اللى يمثله عشيره = أبلجٍ مضرب مثل لاهل الشكاله
    له مع العليا وفعل الطيب سيره = والقصيد بحضرته يأخذ جزاله
    المديح يلوق للاسماء الشهيره = وفى سلف يرقا من الممدوح طاله
    ذكر ابو غزاى فى شبه الجزيره = مثل ذكر اورنس لاطروا مجاله
    للعلا صيته وصل فى كل ديره = فى جنوب الدار والا فى شماله
    مفنى القعدان عن شبك الحضيره = يوم ولد الاش ما فرط رياله
    فيه من عنتر ومن ولد المغيره = الشجاعه والطناخه والعداله
    وفيه من حاتم ولو غير السريره = ذا عتيبيٍ عمامه من خواله
    ومن سلايل مرويت حد الشطيره = لاد مفلح لاصفق للحرب جاله
    عزوةٍ تقلط للافعال الكبيره = يشهد التاريخ ويثّبت مقاله
    العدو تسقيه من كاس المريره = والصديق تدلهه ويصير داله
    وفى سلف لو خضت بأمورٍ كثيره = شاب قافي ما قدرت أوفي فعاله
    مزبن اللى ضاق راسه بالبصيره = ينتهى همه ليا حظر قباله
    طايله يمناه ماهى بالقصيره = كفه المخروق مشتهرٍ لحاله
    وأن نخيته سل سيفه من جفيره = والله ليعطيك لو تطلب عياله
    راس روس وكل عاقل يستشيره = حكمته بالراي ماهى بالجهاله
    يازعيم الطيب مدرى يا وزيره = من بغا ياصفك ماهى بالسهاله
    والله ليتعب ولو جر الجريره = فى وصوف اللى يذرى فى ظلاله
    أختصرت القول بأبيات يسيره = وأنتهى قولى وعفوا للاطاله
    قلتها ما أرجيبها حبة شعيره = جعل أبو غزاى فال الخير فاله
    مير قدره دق وسط الصدر زيره = وأذكره وانا منه حسبت عياله[/align]
  • فايز بن سرحان الثبيتي

    مشرف منتدى قصائد الاعضاء

    • Nov 2008
    • 5247

    #2
    صح لسانك الشاعر خالد الذيابي "

    وبيض الله وجهك يابو هوازن "


    والشيخ سلف الدعجاني ان شاء الله انه كفو ويستاهل الطيب "
    [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

    إذا شئت أن تحيا سليما من الأذى=وحظك موفور وعرضك صين
    لسانك لا تذكر به عورة امرىء=فكلك عورات وللناس السن
    وعينك إن أبدت إليك معايبا = فصنهاوقل يا عين للناس أعين
    وعاشر بمعروف وسامح من اعتدى=وفارق ولكن بالتى هى أحسن

    [/poem]

    تعليق

    • محمد الذيابـــي

      مشرف منتدى قصائد الاعضاء

      • Mar 2011
      • 12133

      #3
      ,,


      يستااااهل الدعجاني,,


      ولا هنت يالغالي,,
      التوقيع

      محمد الذيابـــي

      تعليق

      العمل...