روحي بروحه

طي
X
 
  • التوقيت
  • إظهار
مسح الكل
المشاركات الجديدة
  • نايف المغيبي
    عضو ماسي
    • Oct 2010
    • 454

    #1

    روحي بروحه

    [align=center]هذه قصيدة الشاعر عبدالمعين بن عقل بن ثعلي رحمه الله[/align][poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    يامل قلب من هوا العـذب متلـول=تلـه رشـاء ملحـآ طويـل قليبـه
    تله رشاء ملحآ على السيم مفتـول=تقبل وتقفي بـه تـروح وتجيبـه
    عليك يلـي حـط بالقلـب نشبـول=شبيت لك بقصاء الضمائـر لهيبـه
    روحي بروحه طول الايام مشغـول=وارخ بقلبي شـيء ماينحكـي بـه
    غرون تفاصيله على كـل مجمـول=شـره الحلايـا بالعـذارا غريبـه
    مربوع في قيماه بالقصـر والطـول=هافي حشاء كـل المناظـر عجيبـه
    مافطروه خبوز حضرن على فـول=يتلي سعاف الشول يشـرب حليبـه
    مايشرب الا من لبن عطف الشـول=علاه مـن شبـة شبابـه غذيبـه
    وصدر وحصيله بين الوسط مفصول=وان هب ذعـذاع النسيـم يغديبـه
    وعنقن طويل وقرنن اشقر ومجدول=ذيل اشقرن يكسر حوافـر سبيبـه
    وليا تبسم عن ثمانـن كمـا اللـول=يودع صناديـق الضمائـر حطيبـه
    والعين ياعين اشقر الريش ناجـول=حرن على برق الحبـاري مصيبـه
    خفاق صفاقن خطيرن على الجـول=اهواي مخلابـه جروحـه عطيبـه
    جاني يتهذلف له بمقطـع وبلبـول=مقطـع حريـر وسيلـة يغتطيبـه
    تهذلف الى وخرها الريـم جهجـول=مـع غبـة الربـه مسبـه مريبـه
    يرعى طرف خدن من الوسم مسيول=مجهول من غب المطـر ماوطيبـه
    خزت وفزت شافت الخـد منـزول=خافت وشافت وستـذارت رعيبـه
    حازت مع الحزم البراحه عن الغول=تعطي مصاقيـل البـراح وجذيبـه
    هاذي تفاصيله علـى كـل ماقـول=يفرق على غيره عنـا مـن بليبـه
    قالوا لي انسه قلت ماهـو بمعقـول=قالوا نسيـك وقلـت لـه مايعيبـه
    الحب بيـن المستحبيـن بوصـول=مرضى ولايرضـى علـي الغليبـه
    لاسلت عن غيره ولانـي بمسيـول=دايه دوايـه طـب روحـي طبيبـه
    ان عالج الداء بالدواء من مكفـول=وليـا نحمـل ذنبـي الله حسيبـه
    عليه باب القلـب مغلـق ومقفـول=ومفتاح باب القلـب لامـا حبيبـه
    ارسلت لي يمـه ثلاثيـن مرسـول=مامنهـم الـي راح ماقـال اجيبـه
    اول مراسيله لهـم قـارع الحـول=واتلاهم امس وكلهم فـي المغيبـه
    لاشك مايقضي الغرض كل مبـدول=ابطوا ومرسول البطـا مـن ريبـه
    ولا الرجال الي صناديـد وزحـول=عيـوا وخطوتهـم عليـه صعيبـه
    وانا تعرض لـي نشابيـل وشتـول=مدري نصيبـي فيـه ولا نصيبـه [/poem]
  • ابن بشيّر
    عضو نشيط
    • Sep 2010
    • 88

    #2
    الله يرحم ابن ثعلي

    ولاهنت يانايف على النقل

    تعليق

    • نايف المغيبي
      عضو ماسي
      • Oct 2010
      • 454

      #3
      ابن بشير شكرا لك على المرور

      تعليق

      • ابن صنهوت

        رابطة محبي الهيلا

        • May 2008
        • 1734

        #4
        الله يرحم عبد المعين ولاهنت يا نايف

        تعليق

        • نايف المغيبي
          عضو ماسي
          • Oct 2010
          • 454

          #5
          ابن صنهوت

          بكل صراحه اسعدني مرورك ولك تحياتي

          تعليق

          العمل...