طبيت فى سوق الفنون وتنقيت*اجنب الغارب لراس السنامى

طي
X
 
  • التوقيت
  • إظهار
مسح الكل
المشاركات الجديدة
  • الحطيم
    عضو مميز
    • Jan 2005
    • 407

    #1

    طبيت فى سوق الفنون وتنقيت*اجنب الغارب لراس السنامى

    [poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    هاض الغرام بخاطرى واستحسيت=وغنيت يومنه تهيض غرامى
    هاجوس قلبى مثل ضرب الدنميت=يضغط على اعصابى ويوقظ منامى
    كنه ليا منه قبس عود كبريت=والا وهج نار اكسجين اللحامى
    واليا دعانى داعى منه لبيت=وافطرت بعد ايام طول الصيامى
    فلهمت واستلهمت مما توريت=واخترت للمعنا سمين الكلامى
    سميت وارويت القلم واستعديت=وحطيت كلمة كل نقاد امامى
    تفاعلت كل المشاعر وخليت=راس القلم فى بيض الاوراق حامى
    وطبيت فى سوق الفنون وتنقيت=اجنب الغارب لراس السنامى
    وليا تحدانى زمانى تحديت=وحطيت فى جال الكريم اعتصامى
    حامت بى الافكار واقبلت واقفيت=وفى خاطرى ضيقه ولا ادرى علامى
    ارهيت بالهقوات واصبت واخطيت=وياما رمى واخطا الهدف كل رامى
    ياجاهل الدنيا على كف عفريت=سود لياليها وظلم وظلامى
    مر عسل صافى ومرات حلتيت=ماقط قر الها قرار ونظامى
    كم شفت منها حال واحوال اوحيت=وقام يتغير حالها كل عامى
    وتشتتوا فيها هل الكار تشتيت=وحل المرض بقلوبهم والخصامى
    راحوا صماصيم الرجال العناتيت=اللى مجالسهم بها الانسجامى
    محمودة الاذكار مرفوعة الصيت=اللى لهم فى كل عليا مقامى
    راحوا وجانا بعدهم قرد ونهيت=ناس مغير اجسام نفخه واسامى
    كم واحد تسمع علومه كلاميت=وليا بغيته فى اللزوم انهزامى
    ولانى بعم الناس من غير تثبيت=تكرم سبال الطيبين الحشامى
    ياللى سمعت العلم ياليت ياليت=كانك نبيه وعالى الاهتمامى
    بالك تفوت فرصة العمر تفويت=لا سانعت لك فاغتنمها اغتنامى
    حتى تسد افواه كل الشماميت=اللى عليك يدورون الملامى
    والكلمه اللى ما عليها تثابيت=لا تشتريها لوها ما تسامى
    هذا الكلام اللى من اجله تفانيت=من فيض هاجوس سريع الولامى
    اقولها للحى مهوب للميت=لعل تفهمها القلوب الفهامى
    ولو ينفع العبد التمنى تمنيت=مير التمنى ما يفيد الانامى
    تمت وانا فى شانها ماتقاصيت=اقضب رسنها لا تزم العدامى
    وتقبلوا من غالى الدر ما ابديت=وازكى تحياتى وطيب سلامى
    ________________________

    الشاعر:- عبدالله بن سعد المقاطى[/poem]اتمنى ان تنول على اعجابكم
  • مهنا الدلبحي
    عضو نشيط
    • Feb 2005
    • 60

    #2
    اقولهـا للحـى مـهـوب للمـيـت
    لعـل تفهمهـا القلـوب الفهـامـى
    ولـو ينفـع العبـد التمنـى تمنيـت
    ميـر التمنـى مـا يفيـد الانامـى

    صح السااااااااااااان قايلها مليون ويسلم ناقلها ولاهنت
    لك التحيه والاحترام
    أخوك ــــ مهنا الدلبحي

    تعليق

    • دريد ابن الصمة
      شـــاعــر
      • Aug 2004
      • 341

      #3
      [poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
      حامت بي الافكار واقبلت واقفيت = وفي خاطري ضيقه ولا ادري علامي
      ارهيت بالهقوات واصبت واخطيت = وياما رمى واخطا الهدف كل رامي [/poem]

      الله الله على هالابيات الجزله .... سلمت يمينك يا يوسف على النقل الرائع....
      وصح السان الشاعر عبدالله بن سعد المقاطي ...
      وتقبل تحياتي ...

      تعليق

      • ((الدلبحي))

        رابطة محبي الهيلا

        • Mar 2003
        • 6010

        #4
        صح السانك

        وتسلم ياغالي


        تحيااااااااتي

        تعليق

        • الحطيم
          عضو مميز
          • Jan 2005
          • 407

          #5
          [align=center]مهنا الدلبحى
          دريد ابن الصمة
          والدلبحى
          لاهنتوا على المرور
          وتستاهلون اللى يتعب الكم
          وابشروا بزود ان شاء الله
          وتقبلوا تحياتى
          [/align]

          تعليق

          • أبو فيصل
            مشرف سابق
            • Dec 2004
            • 3538

            #6
            صح لسانك و لسان قايلها ولاهنت ياخوي على النقل الطيب
            لا إله إلا أنت سبحانك إني كنت من الظالمين

            تعليق

            • راعي الشعلا
              عضو
              • Aug 2004
              • 13

              #7
              قصيدة جزلة

              صح لسان الشاعر وسلمت يد الناقل

              تعليق

              العمل...