مايطرح دموع الرجل غير ثنتين

طي
X
 
  • التوقيت
  • إظهار
مسح الكل
المشاركات الجديدة
  • عبدالله الدغيلبي
    عضو نشيط
    • Sep 2010
    • 42

    #1

    مايطرح دموع الرجل غير ثنتين



    يا صاحبي لا تزعجك دمعة العين

    بعض الدموع تعقّب القلب راحه

    اليا نزلت من ضيقةٍ فالشراييـن

    يعود للقلب الحزيـن انشراحـه

    بلاك من دمعٍ محدّر على ويـن

    ماله بساحات الرجولـه مساحـه

    اما نزل لعيون سـاره وداريـن

    والا بعد فوز الهـلال ونجاحـه

    ما يطرح دموع الرجل غير ثنتين

    ثنتيـن فيهـن دمعتـه مستباحـه

    الاوله لا من غـدا الليـل ليليـن

    في ساعةٍ كلٍ هجع في مراحـه

    لا فز من نومه زبـون الامرّيـن

    واعلن مع الرحمن ساعة صراحه

    عدّه سجين وقصّته عقب يوميـن

    لكن سبقْه العفو واطلِق سراحـه

    والثانيه لا فارق القلـب غاليـن

    فرقا مهي فرقا السفر والسياحـه

    فرقا الكفن والمقبـرة والمعزيـن

    فرقا سؤال المغفـرة والاباحـه

    في غيرهن يا صاحبي ريّح العين

    واستنقص الدنيا وتـزداد راحـه

  • محمد العتيبي

    مشرف منتدى شعراء قبيلة عتيبه

    • Mar 2005
    • 10789

    #2
    عبد الله الدغيلبي



    الله لا يهينك على النقل الرائع ..



    تحيتي لك
    ..
    [align=center][/align]








    [align=center]للتواصل عبر twitter تويتر


    al_bargawy@
    [/align]

    تعليق

    • خالد بن مورق

      رابطة محبي الهيلا

      • Dec 2008
      • 1059

      #3
      بيض الله وجهك على نقل

      تعليق

      العمل...