قصيدة للشاعر خالد بن عقاب الكسر المرشدي العتيبي

طي
X
 
  • التوقيت
  • إظهار
مسح الكل
المشاركات الجديدة
  • عبدالله الدغيلبي
    عضو نشيط
    • Sep 2010
    • 42

    #1

    قصيدة للشاعر خالد بن عقاب الكسر المرشدي العتيبي

    الله يا برق ٍ سمر حال دونه= ناس ٍ حدوني عن حراويه لا أنصاه

    يا مل عين ٍ كن يلعب ب نونه= راموس لاح ب داخل الجفن و أعماه

    أمس الضحى لي ماقف ٍ تعلمونه =حار القدم في ماقفي ما أتعدّاه

    أخيل برّاق ٍ تلاعج إمزونه = يا ليت من يقطع ظما الكبد من ماه

    هاضني ورع ٍ ضواحك إسنونه= درّ ٍ و ياقوت ٍ تضمّه شفاياه

    تكفون يا أهل الورع لا تنهرونه = خلّوه ياقف لين يكمل مراعاه

    أنا هواي إصغيّر ٍ ما يجونه = ورع ٍ عذاب اللي براسه مماراه

    الف صباح الخير قزّت إعيونه = و الف صباح الخير مفلّجات ٍ ثناياه

    والف صباح الخير صفّة إقرونه = و الف صباح الخير وصفه و حلياه

    زملوق عشب ٍ ناعمات ٍ غصونه = من وقع سيله ما وطت به رعاياه
  • احمد منير الواصل
    عضو ماسي
    • Mar 2009
    • 945

    #2
    تسلم والله ياعبد الله
    وصح لسان خالي خالد الكسر وقصيده جميله

    تعليق

    • محمد العتيبي

      مشرف منتدى شعراء قبيلة عتيبه

      • Mar 2005
      • 10789

      #3
      الله الله


      صح لسااان خالد بن عقاااب الكسر ..



      شاعر مصيبه ..



      ومن المفترض وضع القصيده في قسم شعراء عتيبه ..


      تحيتي
      ..
      [align=center][/align]








      [align=center]للتواصل عبر twitter تويتر


      al_bargawy@
      [/align]

      تعليق

      العمل...