التقاعد

طي
X
 
  • التوقيت
  • إظهار
مسح الكل
المشاركات الجديدة
  • الذيب الذيب
    عضو
    • Jul 2010
    • 5

    #1

    التقاعد

    قالوا تقاعد قلت واصلني الدور=
    وقالوا وش أنت ليا تقاعدت ناوي
    قلت التقاعد زين يا مبدي الشور=
    ولا به لمن حاسب ضميره مساوي
    لا قمت في وظيفتي بأكمل الدور=
    ماني على راحة ضميري مراوي
    أرتاح واقضي تالي العمر مسرور=
    والسبت عندي والخميس متساوي
    العامل النفسي يقولون له دور=
    والأدمي مطلوب منه التداوي
    أمشي على خد من الوسم ممطور=
    نبته يخليني قصير الخطاوي
    مثل الحدائق محتوي ورد وزهور=
    لو كان ما رشو عليه الكيماوي
    جوه صفى واصبح متاهات وقفور=
    ما دوجت وسطه مطافيل شاوي
    ولا شفت جرتها تقل كتب دكتور =
    للعله اللي حار فيها المداوي
    مدهل مجاهيم تريض بمقهور=
    والا مغاتير تعدى الحراوي
    وهواتي جلسة هل العلم وأزور=
    ربعي وصدقاني وللشعر هاوي
    أغوص بأفكاري محيطات وبحور=
    وأجيب ما يبحث عنه كل راوي
    كم شاعر موجود لو كان مقبور=
    وكم شاعر ميت وحلقه يواوي
    ويا الله عسى ذنبي من الرب مغفور=
    لا قصت الأيام حبل الرجاوي
    الشاعر:فهد هجاج البشري الحربي
  • مشاري الحبردي
    ذيـب الـهـيـلا
    • Aug 2006
    • 4888

    #2
    صح لسان فهد



    لاهنت على النقل يالذيب

    تعليق

    • مقبل محمد
      عضو فضي
      • Nov 2009
      • 210

      #3
      صح لسان الشاعر فهد الحربي

      لاهنت على النقل يالذيب

      تعليق

      العمل...