يا شامخ اسمع جعل حظك يقومي **أنا على ماقيل. يا ابوك أوصيك..

طي
X
 
  • التوقيت
  • إظهار
مسح الكل
المشاركات الجديدة
  • الشاماني.
    موقوف لمخالفة الأنظمة
    • Jul 2009
    • 34

    #1

    يا شامخ اسمع جعل حظك يقومي **أنا على ماقيل. يا ابوك أوصيك..

    [align=center],,,


    السلام عليكم ورحمة الله و بركاته..

    ...[/align]





    [poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    يا شامخ اسمع جعل حظك يقومـي =انا على ما قيل يا ابـوك اوصيـك
    اعرف ترى ما فيه حـيٍ يدومـي =الا دوام الله مافـيـه تشـكـيـك
    والموت له حين ومكان محتومـي =تلفيـه والا تستضيـفـه ويلفـيـك
    وفيه الخلايق تستـوي بالقسومـي =اهل القصور العامرة والصعاليـك
    واعرف ترى قافي رحيلك قدومـي=واطلب لعـل الله يزيـن ملافيـك
    يذريك من نـارٍ لهيـب وسمومـي=وعساه عن برد الزمهريـر يدفيـك
    لله صل وزك وانسـك وصومـي=-واخلص لربك والريا لايجي فيـك
    احرص على دينك وصون السلومي=كمّل فروض الله وواجب عوانيـك
    وعن والديك ادرى الكدر والهمومي=واتبع رضاهم يتبع ابنك مراضيـك
    وخللك لربعك في نهار اللزومـي=حيدٍ على العدوان عسرة مراقيـك
    لا تحتري فيهـم تبيـن الوهومـي=من دونهم حـوّل بمالـك واياديـك
    والحق قارع به جميع الخصومـي=الحق حق وحجـة الحـق تنجيـك
    واليا بـلاك الله بخصـمٍ ظلومـي=عطه النحر قدام يقضـب علابيـك
    واليا استوالك في مرامي السهومي=ارمه قبـل لا تستويلـه ويرميـك
    وفي المرجله خللك قوي العزومي=لا تنسدح عنهـا وتـردي هقاويـك
    وحذراك لا تاخذ بنات الرخومـي=بعيالهـن تبلـش وتكثـر بلاويـك
    وترى النشاما ما عليهـم وسومـي=وافعالهم عنهـم بـلا شـك تنبيـك
    لا تصحب الا الطيبيـن القرومـي=اللـي مماشاهـم يعـزك ويعليـك
    وعن الخطا تراك ما انت معصومي=احذر خطاك ينوش جارك ويشكيك
    والضيف لو يلفيك في كـل يومـي=افرح ورحب به ليا جاك ناصيـك
    وتراه له في المال حـق معلومـي=وقراه لا مفقـر ولا هـو بمغنيـك
    ودون الدخيل ارقا السنود الزمومي=واحماه لو اللـي يبونـه بنيخيـك
    خله بعد جاك بحجاك محشومـي=ينشر لك البيضاء ليا حل طاريـك
    وابذل لهم حسناك قبـل العدومـي=وان عدّموا يا ابوك ماني موصيـك
    عليك باللي عقبهـا مـاش لومـي=والعمر لك مكتوب من عند باريـك [/poem]
    [align=center]وســــلامتكـــم[/align] .. [/color]


    [align=center]الشاعر/ سلمان هديان الشاماني[/align]
العمل...