القهوة

طي
X
 
  • التوقيت
  • إظهار
مسح الكل
المشاركات الجديدة
  • نجم شامي
    عضو فعال
    • Sep 2007
    • 186

    #1

    القهوة

    الشيخ هايس بن مجلاد من شيوخ قبيلة عنزة تطرق لوصفها ومن يستحقها في قصيدته الشهيرة :




    [poem=font="simplified arabic,5,black,bold,normal" bkcolor="white" bkimage="" border="double,10,green" type=2 line=0 align=center use=ex num="0,black"]

    قم سو ما يصبغ على الصين لذياب=بـدلال يشـدن البطـاط المحاديـب
    احمس اليا من العـرق فوقهـا ذاب=واستدن مايجذب عليك الشواريـب
    نجرن يصيح من الطرب تقل بحجاب=يصبر على طول الدهر للمواجيـب
    واليا انطلق من مذلقه كنه خضـاب=ورس ٍ صبغ بكفوف بيض الرعابيب
    صبه لمن قـاد السبايـا للأجنـاب=له مفرس ٍ يشبع به الطير والذيـب
    والثاني اللي يا لفـا بيتـه ركـاب=قدام بيته تقـل مجـزر قصاصيـب
    والثالث اللي يا غشا الزمل ضبضاب=يرخص بعمره دون زمل الرعابيـب
    وباقي العرب يكفيهم التول لو شاب=قضابة المقعـد حميـر المشاعيـب
    اللي نهار الكون يفـزع بمصـلاب=كبار النفوس وساهجيـن المواجيـب

    [/poem]








    والشيخ عجران بن شرفي السبيعي له هذه الأبيات الجميلة :


    [poem=font="simplified arabic,5,black,bold,normal" bkcolor="white" bkimage="" border="double,10,green" type=2 line=0 align=center use=ex num="0,black"]

    يا فهيد صك النجر يوحيك بتـال=صكه كفـاك الله جميـع الأذايـا
    استدن نجر في الدهر يعول اعوال=اعوال سبـع حاديتـه الضرايـا
    وعليه كيف لي من البن فنجـال=جعل الرخوم ونسلها لـك فدايـا
    وعده لحماي النوايـب والأثقـال=في الضيق لامن إلتقـن المنايـا
    واللي يحزب زاد بيته ليا اكتـال=وحط المعاني الطيبة لـه شرايـا
    واللي ليا رد البرا بين الأعمـال=لا رفعـوا لقطيهـن بالهـوايـا
    واللي يروي حربتـه بالتجيـوال=له عادةٍ يرخص سمـان العطايـا
    وباقي العرب خله ولو كان زعال=هذا وبالمجلـس كثيـر الحكايـا [/poem]



    هذي قصيدة قديمة للشاعر مدوخ بن ضمنه وهي عن نقد ( وصف) القهوة العربيه
    أحببت أشارككم بها إن شاء الله تعجبكم


    [poem=font="simplified arabic,5,black,bold,normal" bkcolor="white" bkimage="" border="double,10,green" type=2 line=0 align=center use=ex num="0,black"]
    البـــن كــيـــفه عــند من يشترونه=والمشكل اللي جــابها من بلدها
    يامــســـوي الفـــنجال لاتحرقونه=واحذر عن الشعلة تعدي صمدها
    حتى يـجيك مــحــمــر كــــن لونه=مـحـــة جــراده طاير من جسدها
    عـــده على اللي ماضيات طعونه=زبن اللــدوح اللي تـرادا جــهدها
    وعده عــلى اللي لابته يـدهلونه=في ربــعة من راح منها حـمـدها
    وعـده على اللي لابــته يـتـبعونه=مع دربه الخلفه تــفاخت ولــدها
    وكفه عن اللي عند فرقه بشونه=يمسي ويصبح ضابط لك عددها
    وعلى ربـــوعه طـــــايرات عيونه=ان باع شاته جاك حزة وعـــدها [/poem]





    وهذه القصيده الرائعه .. لمبارك بن عبيكه بن رمال



    [poem=font="simplified arabic,5,black,bold,normal" bkcolor="white" bkimage="" border="double,10,green" type=2 line=0 align=center use=ex num="0,black"]
    قم يالمقهوي دن نجر ومحماس =واحمس لنا من حب صنعا نماها
    احمس وزين حمسة البن بقياس =دقــه ولقمهـا وعـجل سواهـا
    وصبه لممرور على الخيل مدباس=تقفي عنه صم الرمك لانصاها
    من فوق ماتاخذ على الخيل مرواس=لاجدعت خبثات الانفس حذاها
    واثنه لمن حوله على الزبر جلاس=اهل السموت اللي بعيد مداها
    ابن عبيكه هرجته مابها باس=تطرب لها كرام اللحى من حلاها
    طول الجدار وقصرة الرجل نوماس=لا صار ما للرجــل داع دعاهــا
    تصير بعيون الرفاقه معك باس=لاصار ماتدعى تره من عناها
    يصير قالات ويصير لولاس =ونوبن من الادنين ياتي بلاها
    قلبك يصير ويضرب القلب عوماس=والنفس تقدح عقب زايد غلاها
    خلك على بابك تقل لون حراس=لاجو عليهن محترين عشاها
    لاجن مع الخل الشمالي لها اضراس=والكل تشكي رجلها من حفاها
    نرحب بهم من قبل تجديع الالباس =ونقلط لهم تمر الحلا من نماها
    ونذبح لهم كبش مربى بالاطعاس=ونقلطه من قبل يقرب مساها
    هذي سلوم جدودنا قبل من راس=واللي بعدنا كــان ربي هداهـا[/poem]
    تم التعديل الأخير بواسطة نجم شامي؛ 30-Jun-2010, 05:11 PM.
  • ابو جزا العصيمي
    عضو
    • Mar 2010
    • 18

    #2
    والله الواحد اذا ماشربها يصكه راسه ومثل ماقال [blink]خلف[/blink] والله لو من وراء صنعاءعنيناله يعطيك العافيه وشكر خاص من ابو جزا العصيمي

    تعليق

    • محمد العضيانـي
      عضو
      • Jul 2010
      • 7

      #3
      مشكور نجم شامي .. ولا هنت يالغالي

      تعليق

      العمل...