معوض خير ياحي تهقوى فالزمان ومال ,,,

طي
X
 
  • التوقيت
  • إظهار
مسح الكل
المشاركات الجديدة
  • ابن صنهوت

    رابطة محبي الهيلا

    • May 2008
    • 1734

    #1

    معوض خير ياحي تهقوى فالزمان ومال ,,,

    [align=center]بسم الله الرحمن الرحيم

    مما راق لي وحببت مصافحكم به[/align]


    [poem=font="simplified arabic,5,darkblue,bold,italic" bkcolor="transparent" bkimage="" border="none,4,gray" type=1 line=1 align=center use=ex num="0,black"]

    معوّض خير ياحيٍ تهقوى في الزمـان ومـال=سنينك لو رقيـت بعدلهـا يطرحـك مايلهـا


    تعلّم وإعرف إن الدرب قدامك سهـل وجبـال =جبـال تطولهـا وجبـال بعيونـك تخايلـهـا


    ومعوّض خير ياحيٍ وردت الماء بدون حبـال=يطول بك الوقوف وشربة المـاء ماتحصّلهـا


    وقوفك عند راس البير مايسقيك لـو فنجـال =ولاينفعك شوف الجمـه اللـي منـت طايلهـا


    ومعوّض خير ياحيٍ خدعك من الرجال أشكـال=تشوف أشكالها وتحطها أرفـع مـن منازلهـا


    تعلّم من زمانك لاتصير مـن أجهـل الجهـال=ترى في كل يـوم تجيـك عبـره لاتجاهلهـا


    إذا ربي وهب لك عقل تلقى في الرجال رجـال=تعرف اللـي يطلّـع قيمتـك واللـي ينزلهـا


    ترى من بعض مايندي الجبين ويحرج الرجال=لياسـاق الميانـه فـي نفـوسٍ ماتقبّلـهـا


    ومهما شفت في صاحبك من نخوه وطيبة فال=ترى بعض السجايـا كثـرة الإلحـاح يقتلهـا


    معاريف الرجال ديون وديون الرجـال ثقـال=لياصرت متعافي ليش تغـرق فـي جمايلهـا


    رصيدك في حياتك سمعتك مع طيبيـن الفـال=رجال الطيب والمعروف بالمعـروف عاملهـا


    ولاتبدي بجاهـك فـي مقـامٍ مايسـر الحـال =ولاتشفـع لنـاسٍ ماتنومـسـك بفعايلـهـا


    لياجاتك تعذّرهـا مـدام العـذر لـه مدخـال=ووقت الجد قول لهـا الصحيـح ولاتجاملهـا


    وخذ منـي نصيحـه لاتصـدق كـل ماينقـال=يجـرك للنميمـه ليـن يطرحـك بحبايلـهـا


    يجيلك ناقـل النمّـات بهـروجٍ تغـث البـال =سوالف في قفاك وحظك أطيب يـوم تجهلهـا


    يبـرر بالحميـه والصداقـه شينـة الأفعـال=يجمّـل صورتـه بعلومـه اللـي ماتجمّلـهـا


    ولو كانت حميه فيك رد المخطيه فـي الحـال=ولاكان إستمعها فـي قفـاك وجـاك شايلهـا


    ترى من جاب لك ودّى وهذي عـادة النقـال=يحاول يقتنص من فمك كلمـه لأجـل ينقلهـا


    ومثل ماقال عندك راح عنك وعند غيرك قـال=وزوّد عشر فوق الكلمه اللـي كنـت قايلهـا


    تجنّب مجلسه لاتجلس إلا مع كريـم خصـال=تحمّـل ميلتـه وإن ملـت ميلتـك يتحمّلهـا


    ولاتصبر على الجار الردي لوهي ثلاث ليـال=تضـرك جيرتـه لوكـان بيبانـك تقفلـهـا


    وبيع الدار بأول سومةٍ تعرض علـى الـدلال=ورزقـك عنـد ربٍ كاتـب اللقمـه وكافلهـا


    وبنتك لاتزوجها الردي لوهـو كثيـر المـال =تربيهـا علـى الطـالات وتشـوّه سلايلهـا


    وكم من لاش يرمي خيبة إبنه فوق راس الخال=لوإن الخال من روس الرجال ومـن دلايلهـا


    ليامنك عرفـت تميّـز الطيّـب مـن البطـال=وفادتك التجارب في الحيـاة وفـي مسايلهـا


    وكشفت الفرق مابين الصحيح وحيلة المحتـال=وتعلمت الفراسه في الوجيـه اللـي تقابلهـا


    بعد هذي ترى مالك غنى عن صحبة العقّـال=يدلونـك بـرايٍ ينقـض الدعـوه ويفتلهـا


    يقولون الرجال اللي سوالفهـم حِكـم وأمثـال=ليامن ضاعت الحيلـه يـدل القـوم عاقلهـا


    نصيحة واحدٍ جرّب وشاف من الزمان اهـوال=يقدّم لـك خلاصـة هجـرةٍ جـرّب هوايلهـا

    [/poem]

    [align=center]عبدالله الطلحي الهذلي[/align]
  • أخو جوزا
    إدارة أقسام القبيلة
    • Jul 2003
    • 4189

    #2
    صح لسانه


    لاهنت يابن صنهوت
    قال الله تعالى:

    ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

    تعليق

    • ابو خالد النفيعي
      عضو نشيط
      • May 2010
      • 87

      #3
      صح لسانه
      وبيض الله وجهك

      تعليق

      • ابن صنهوت

        رابطة محبي الهيلا

        • May 2008
        • 1734

        #4
        تم النشر في الأصل بواسطة أخو جوزا عرض المشاركة
        صح لسانه


        لاهنت يابن صنهوت
        [align=center]لاهنت ياخو جوزاء على المرور العطر [/align]

        تعليق

        • ابن صنهوت

          رابطة محبي الهيلا

          • May 2008
          • 1734

          #5
          تم النشر في الأصل بواسطة ابو خالد النفيعي عرض المشاركة
          صح لسانه
          وبيض الله وجهك
          وجهك اببيض يا خالد ,, شرفني مرورك

          تعليق

          • عادل الهبيش
            عضو
            • May 2010
            • 4

            #6
            بيض الله وجهك وصح لسانك يالقلاع
            تحياتي : عدووول الهبيش

            تعليق

            • ابن صنهوت

              رابطة محبي الهيلا

              • May 2008
              • 1734

              #7
              تم النشر في الأصل بواسطة عادل الهبيش عرض المشاركة
              بيض الله وجهك وصح لسانك يالقلاع
              تحياتي : عدووول الهبيش
              وجهك ابيض يا عادل لاهنت على المرور

              تعليق

              • الـذيب

                رابطة محبي الهيلا

                • Sep 2007
                • 1002

                #8
                صح لسان الشاعر


                لاهنت يابن صنهوت

                تعليق

                • القلاع
                  عضو نشيط
                  • Sep 2007
                  • 86

                  #9
                  ابن صنهوت لافض فاك

                  تعليق

                  العمل...