قدها يابو فيصل الى القدس قدها

طي
X
 
  • التوقيت
  • إظهار
مسح الكل
المشاركات الجديدة
  • أبو فيصل
    مشرف سابق
    • Dec 2004
    • 3538

    #1

    قدها يابو فيصل الى القدس قدها

    [poem=font="Times New Roman,4,darkblue,bold,normal" bkcolor="transparent" bkimage="" border="solid,1,black" type=1 line=0 align=center use=ex num="0,black"]
    يالله ياللي تغسل الارض بالسيل=اغسل قلوب اهل الحسد من حسدها

    وترد كيد اهل القلوب المغاليل=بنحورها وعن الوجود تحصدها

    واجعل لنا من باب يسرك تساهيل=مدات جودك نستمد بمددها

    بارك لنا بالمد والصاع والكيل=و نفوسنا عطها القناعه و زدها

    واحفظ فهد وامهل له العمر تمهيل=واحم البلاد المنعمه في رغدها

    من منبر المحفل بدعت اجمل القيل=أقطف من اطراف المعاني جددها

    الشعر سبك و حبك معنى و تجزيل=اسبك بيوت الشعر واحبك عددها

    اكحل عيون الشعر كحل بالميل=و امسح مدامعها و اداوي رمدها

    يا مرحبا بمجمّل الحفل تجميل=ترحيبة ٍ تبسط على الصدر يدها

    بالواصل اللي فيه للوصل توصيل=يمناه بالمعروف كل ٍ حمدها

    ركنه حجا يذري و ظله مقاييل=حاز المراجل كلها وافتردها

    بيته لعطران الشوارب مداهيل=من دون وجهه خزنته ما اقتصدها

    ينصونه العربان مشي وزرافيل=شمايله ما خيبت من قصدها

    فعلٍ عليه شهود ما هو باقاويل=نعم اليمين اللي وفت في عهدها

    يحيا الكريم و له معزه و تفضيل=يبقى وتبقى قيمته ما فقدها

    هذاك ابو متعب رفيع المنازيل=اللي بنا هام العروش و صعدها

    سارن اباكير المثايل محاميل=بحمولها تسعى جهدها جهدها

    ما بدلت عن منقع الطيب تبديل=ترسي تحت بيت المروه وتدهى

    بيت الشرف والفضل عذب المناهيل=فيه الشهامه سنها واعتقدها

    سلطان ابو خالد مغيث المقاليل=عاش فقرا و بحر ماله رفدها

    هذا وانا مستحضر الفكر بالحيل=تصحى الحواس الخمس مما وردها

    يا محلل الموقف نبي منك تحليل=وش خطة ٍ في خاطرك تعتمدها ؟!

    ذاب السلام وصار مسرح وتمثيل=سجدة سهو تاجب على من سجدها

    مافي الحقيبه للعروبه محاصيل=سوالف ٍ تصدى الكبود بكبدها

    وش منطق الاجيال من بعد هالجيل=يا حسرة التاريخ وأمر وادهى

    الله وانا سآله يدمر إسرائيل=نشي غضب ربي عشا و يهجدها

    يلقح بسحب مثل حمر الغراميل=عج ٍ مطرها والزلازل رعدها

    تمطر سخط منها الصواعق نوازيل=يسكر هواها و يتصلخ بردها

    يجتثها الرحمن بجناح جبريل=وتصبح معالم للعرب من بعدها

    تكتب على الخنزير طه وتنزيل !!=يا نجس مبداها وما اكبر حقدها

    والله جريمه منكره يا رجاجيل=حتى الدول بأعرافها تنتقدها

    الصبح فوق كلابها تلقى الانجيل=جرثومة ٍ دب المرض في جسدها

    استفحلت واللي عليها مهابيل=قامت على انقاض الخيانه عمدها

    من الفرات بخارطتها إلى النيل=وعصابةٍ تسرح وتمرح وحدها

    عنها الصواب بعيد جمله و تفصيل=عميانة ٍ في غيّها عن رشدها

    عقرب ثرى مسمومة الراس والذيل=من حر ما فيها تنفخ غددها

    عاشت على الكذبه دعايه و تضليل=جاها فناها يوم ربي قردها

    من حارب الله له مهونه و تذليل=في ساعة ٍ من غيب لا تبتعدها

    ألم ترى كيف اهلك الله هل الفيل ؟=دك ابرهه و جيوشه اللي حشدها

    جاه الجزا الصارم عقوبه و تنكيل=وينه و وين اصنام رجس ٍ عبدها ؟

    شافت فلسطين الجريمه بهاذيل=شابت قضيتها وشيّب ولدها

    خمسين عام علوم صحف و مراسيل=في حالها عن حالها من نشدها؟!

    مراوحه بأقدامها فالمحابيل=عن راسها قام يتقطع زبدها

    إلى متى تصبر على الظلم والويل=ذتب ٍ على من هانها واضطهدها

    تبكي وتغرق بالدموع المناديل=تنخى فهد تنخى فهدنا فهدها

    تبي صباح به صياح وتهاليل=يقضي على الفتنه وهي في مهدها

    بقوة الايمان حنا هل الخيل=الالويه بأسم الجهاد نعقدها

    فالحرب نثبت في وجيه الاساطيل=مواقف ٍ من شافها ما جحدها

    حنا العرب حنا الرماه النواجيل=نضرب على قمع الرصاصه زندها

    من حبنا للموت نهذب له هواذيل=والنفس قبل تموت تأخذ سددها

    اليا ادبر المهزوم حنا المقابيل=كم وقعة ٍ وشعب الجزيره شهدها

    والآن ولى الزحف نزحف جحافيل=جحافل التوحيد في رأي اسدها

    بقيادة اللي يركي المتن للشيل= عنا ثقيلات المحامل صمدها

    فهد فهد ضاري شرب الفناجيل=اليا برزت دهم الجموع يعبدها

    حلاّل حيل الحلاحيل حلحيل= يحلحل اللي ما تحلحل عقدها

    دليلنا وإن غاب نجم الدواليل=على الهدى ديرة مساره رصدها

    نفداك ونصّر الرشا بالمحاحيل=ياللي حفرت لدفن الاعداء لحدها

    معك أمة الاسلام تصهل تصاهيل=قدها يا بو فيصل إلى القدس قدها[/poem]

    [poem=font="Times New Roman,4,white,bold,normal" bkcolor="transparent" bkimage="backgrounds/21.gif" border="solid,4,white" type=0 line=0 align=center use=ex num="0,black"]
    الشاعر / خلف بن هذال الروقي[/poem]
    لا إله إلا أنت سبحانك إني كنت من الظالمين
  • ابو فيصل فهد
    عضو
    • Jan 2005
    • 28

    #2
    تسلم يافهد الشيباني واختيارك دوماً في قمة الجمال
    ابن عمك
    ابو فيصل__فهد

    تعليق

    • الديحاني2005
      عضو
      • Dec 2004
      • 17

      #3
      تسلم يافهد
      قصيده جزله صح السانك والسان خلف

      تعليق

      • ((الدلبحي))

        رابطة محبي الهيلا

        • Mar 2003
        • 6010

        #4
        فهد
        قصيده جزله واختيار موفق

        تحياااااااااااااتي

        تعليق

        • ابن مشيب
          إدارة أقسام القبيلة
          • Nov 2002
          • 9791

          #5
          قصيدة جزلة الابيات وحماسيه , نسئل الله ان يحرر القدس وفلسطين من براثن الصهاينة الحاقدين


          صح السانك ولسان ابوهذال , الله لايهينك يافهد



          تحياتي

          تعليق

          • أبو فيصل
            مشرف سابق
            • Dec 2004
            • 3538

            #6
            [align=center]يعطيكم العافية على مروركم اللي يزيد من جمال الأنتقاء[/align]
            لا إله إلا أنت سبحانك إني كنت من الظالمين

            تعليق

            • مروي العطاشا

              رابطة محبي الهيلا

              • Aug 2004
              • 1089

              #7
              مشكووووووور يا فهد وبيض الله وجهك

              تعليق

              • بن بادي
                عضو فعال
                • Jul 2003
                • 112

                #8
                فهد يا فهد

                الله لا يهينك

                وصح لسانك ولسان خلف هذال

                إنتقاء راقي ينم عن ذوق راقي

                لك تحياتي العاطرة

                بن بادي

                تعليق

                • مشـــعل
                  شـــاعــر
                  • May 2003
                  • 39

                  #9
                  بيض الله وجهك يافهد على نقلك لهذي القصيدة والتي تعد من عيون الشعرالنبطي ويظهر ان الشاعر خلف قالها في أجواء مختلفه ويتضح أن هناك حساد لخلف يحاولون الوقوف في طريقه لذلك بداها بقوله:
                  يالله ياللي تغسل الأرض بالسيل ===اغسل قلوب أهل الحسد من حسدها
                  وهذا طبيعي فكل مبدع له حساد لذلك قال المتنبي لسيف الدولة:
                  أزل حسد الحساد عني بكبتهم ==فأنت الذي صيرتهم لي حسدا
                  أخوي فهد جزاك الله خير مرة أخرى على هذه المشاركة والتي تدل كذلك على ذوقك الرفيع
                  اخوك مشعل

                  تعليق

                  • ولد ذايب
                    عضو فعال
                    • Jan 2005
                    • 134

                    #10
                    تبـكـي وتـغــرق بـالـدمـوع المـنـاديـل
                    تنـخـى فـهــد تـنـخـى فـهـدنـا فـهـدهـا

                    الله لايهينك يافهد وصح لسان قايلها

                    تعليق

                    • إبراهيم الذيابي
                      عضو نشيط
                      • Jan 2005
                      • 45

                      #11
                      [grade="A0522D D2691E A0522D"][align=center]**
                      ***
                      ****
                      *****
                      ******
                      *******
                      ********
                      فـــــهد فهد ضاري شرب الفنــــاجيل ** مــاقصرت يافهـــد والله هذي من اجمل قصاااائد خلف
                      [/align][/grade]

                      تعليق

                      العمل...