ابيات نبطيه مشهوره ومنوعه

طي
X
 
  • التوقيت
  • إظهار
مسح الكل
المشاركات الجديدة
  • ابو الوافي كاسب المعالي
    عضو
    • Jan 2010
    • 26

    #1

    ابيات نبطيه مشهوره ومنوعه

    ابيات نبطية خالدة ( منقول )

    --------------------------------------------------------------------------------

    تركي بن حميد
    من ياخـذ الدنيـا برايـه بلا قيـس = مثل الذي في جـوف بحـر يعومـي

    * - * - * - *
    ما ينبنـي بنيـان من غيـر تاسيـس = ومـن لا تعلـم مـا تفيـد العلومـي
    ----------------------------------
    بداح العنجري
    ياغصن موزٍ ميلـه نسمـة الريـح = يا أبـو نهيـدٍ تقـل فنجـال صينـا
    ----------------------------------
    بديوي الوقداني
    قـومٍ إلى جيتـهم رفـت شواربـها = بالضحك واقلوبها فيها الردى كالـي
    وقومٍ إلى جيتـهم صكـت حواجبـها = وأبدت لي البغض في مقفاي واقبالـي
    ----------------------------------
    بركات الشريف
    أدّب ولـدك إن كان تبغيـه يشفيـك = واستسعفـه من بعـد مربـاه بـالآك

    * - * - * - *
    يا ذيب وان جتك الغنـم في مفاليـك = فاكمن إلى حيـث الرعايـا اتّعـداك
    مـن أولٍ يا ذيـب تفـرس بياديـك = واليوم جا ذيبٍ عن الفـرس عـداك
    ----------------------------------
    محمد السديري
    يابجـاد شـب النـار وادن الدلالـي = واحمس لنا يابجاد ما يقعـد الـراس
    ودقـه بنجـرٍ يـاظريـف العيالـي = يجذب لنا ربعٍ على اكـوار جـلاس

    * - * - * - *
    لاخـاب ظنـي بالرفيـق الموالـي = مالي مشاريـهٍ علـى نايـد النـاس
    لعـل قصـر مـا يجيلـه ظـلالـي = ينـهد مـن عـال مبانيـه للسـاس
    لاصـار ما هـو مدهـل للرجالـي = وملجا لمن هو يشكي الضيم والبـاس
    ----------------------------------
    أبو دباس
    يا الله يا اللي رد من عقـب مايـاس = يوسف على يعقوب وابصـر نظيـره
    ترد علي دبـاس يا محصـي النـاس = يـا عالـم مـا بالخفـا والسـريـره
    ----------------------------------
    شليويح العطاوي
    يـا ناشـدٍ عنـي ترانـي شليويـح = نفسي على قطع الخرايـم عزومـي
    لا قلّـت الوزنـة وربعـي مشافيـح = أخلّـي الوزنـة لربعـي وأشومـي
    ----------------------------------
    نوره الهوشان
    اللي يبينــا عيّـت النفــس تبغيـه = واللي نبـي عيّـا البخـت لا يجيبـه
    ----------------------------------
    نمر بن عدوان
    البـارحـة يـوم الخـلايـق نيـاما = بيّحـت من كثر البكـا كل مكنـون
    لـي ونّـهٍ مـن سمعـها ما ينـاما = ونّة صويبٍ بين الأطـلاع مطعـون
    ----------------------------------
    محسن الهزاني
    من ناظري دمعي على الخد مسكـوب = ومن الحوادث شاب راسي وأنا شـاب
    لا لـذ لـي زادٍ ولا حلـو مشـروب = ولا لموق العين طيـب الكرى طـاب

    * - * - * - *

    ----------------------------------
    فهد بورسلي
    حل الفـراق وخافـي السـد باحـي = حاولت أصبر والصبر عـذّب الـروح
    حالـي تـردى ومتكسـر جنـاحـي = حزين من كثـر الهواجيـس والنـوح

    * - * - * - *
    ألا يا عضيدي وين راحوا هل الثنـا = بنشدك حيثك باخـصٍ في أمورهـا
    تراني بجي للموت تسلـوم شرعـي = إن قلت لي قضت وفاتت عصورهـا
    ----------------------------------
    عبدالله بن سبيل
    وسـدك فلا تعطيـه عـمٍ ولا خـال = كـم واحـدٍ بالهـرج يبحـث كنينـه

    * - * - * - *
    قالوا نـدور لك من البيـض حليـاه = قلـت آه لـو غيـره بكفـي رميتـه
    قالـوا تـزوج كـود تدلـه وتنسـاه = قلت آه لـو خـذت أربـعٍ ما نسيتـه
    قالوا من أقصى الناس وين أنت ويـاه = قلت آه ما أنسا يـوم جانـي وجيتـه
    ----------------------------------
    صقر النصافي
    ماني بمن يطـرد سـرابٍ بمضمـاه = شاف السراب ويحسـب أنه غديـري

    * - * - * - *
    لواهنـي اللـي ليـا ضـاق له يـوم = اليـوم الآخـر خاطـره ما يضيقـي
    ما هو بمثلـي ضيقتـه دايـم الـدوم = أبي المليق شـوي وأزريـت اليقـي
    ----------------------------------
    شالح بن هدلان
    ما ذكـر به حيٍ بكـى حي يا ذيـب = واليـوم أنـا ببكيـك لو كنـت حيـا

    * - * - * - *
    ياذيب انا بوصيـك لا تأكـل الذيـب = كم ليلـةٍ عشّـاك عقـب المجاعـة
    كم ليلة عشـاك حـرش العراقيـب = وكم شيـخ قـوم كزته لك ذراعـه
    ----------------------------------
    سليمان بن شريم
    هبـي بريحـه يا هبـوب الشمالـي = كود الجنوب ومطلع الشمس ينصـاه
    يـامـا ويـامـا فرقتنـا الليـالـي = وعزي لمن يصفـق شمالـه بيمنـاه
    ----------------------------------
    زيد الحرب
    ما تنفع الدنيـا بلا شـوف الأعيـان = وعـزي لمن مثلي عيـونه عصاتـه
    ----------------------------------
    راشد الخلاوي
    نعـد الليـالـي والليـالـي تعدنـا = العمـر يفنـا والليـالـي بـزايـد
    قولـوا لبيت الفقـر لا يامـن الغنـا = وبيت الغنـا لا يامـن الفقـر عايـد
    ----------------------------------
    الدقيس
    من لا يستشيـرك لا تباديـه بالشـور = ومن لا يـودك سعـد عينـك فراقـه
    ----------------------------------
    سعود بن بندر
    منـهو حبيبـك غايتـي بس أهنيـه = على حسـن حظـه عشانـك حبيبـه
    أنـا أشهـد إن الله يحبـه ومعطيـه = اللي هـداك الـرب تصبـح نصيبـه

    * - * - * - *
    كرهني بنفسـك ولو بذنـب صغيـر = القى به اعـذاري واعـود لزمانـي
    المشكل انه ما بـدى منـك تقصيـر = وهـذا يـزود واقعـك فـي كيانـي
    ----------------------------------
    محمد بن لعبون
    عـلامـه مـا ينابينـي عـلامـه = ويخفـي مـا بقلبـه من غرامـه
    ويخلـف سنـة العشــاق فيـها = ومثلـه مـا يغابـي فـي كلامـه

    .................................................. ....................
    ابو الوافي ............ كاسب المعالي ......................
  • ((الروقي))ابن فهيد
    عضو فضي
    • Mar 2010
    • 241

    #2
    تسلم تخوي ومشكور على الابيات الرئعه وصح السان الشعراء

    تعليق

    • محمد الحميدي
      كبار الشخصيات
      • Jul 2008
      • 1372

      #3
      مــن لايدوس الراي من قبل ماديــــس =. عــلــــيه داســــــوه الـعــــيال القــــرومي

      ومـن لاي يقلطّ شذرة السيف والكـيس=تبـــــــدا عليه من اللـــــــيالي ثـــلــــومي

      والقــــصر مايصلح على غير تأسـيس =. ومـــــــن لا تـعــــــلّم ماتـــسـر الـعـلومي

      ومــن لا خذا الدنيا بميز(ن) وتـقـيـيس=مـــثــــل الــــذي يسبح بليل(ن) يـعـــومي

      والشـــيخ من يعطي الفقارا المفالـيس=يــــبــــــدّل الســـــــاعة بعزّ(ن) يقـــومي


      تصحيح لأبيات الشيخ الفارس تركي بن حميد

      ولاهنت على النقل

      تقبل مروري

      تعليق

      • عبدالله غازي المغيري
        عضو نشيط
        • Apr 2010
        • 62

        #4
        ماقصرت اخوي

        بيض الله وجهك

        تعليق

        • الصارم 511
          عضو نشيط
          • Apr 2010
          • 50

          #5
          مشكووور والله يعطيك العافيه

          تعليق

          • الأمير الفارس
            عضو ذهبي
            • Apr 2010
            • 365

            #6


            ابو الوافي

            شكراْ لك

            تحياتي

            تعليق

            • خالدالبلوي"الكثير"
              عضو نشيط
              • May 2010
              • 95

              #7
              ابيات وحكم يستفاد منها رحم الله اصحابها

              تعليق

              العمل...