حيــــاة الــمــعــاريـــس

طي
X
 
  • التوقيت
  • إظهار
مسح الكل
المشاركات الجديدة
  • أبو فيصل
    مشرف سابق
    • Dec 2004
    • 3538

    #1

    حيــــاة الــمــعــاريـــس

    [align=center]السلام علاكم

    هذي نصيحة للي ماتزوجوا [/align]


    [poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    قال العزوبي يوم شـاف المعاريـس=الرابـح اللـي لاقـعـد مايقـومـي
    أول سنـة كـلٍ يبـث الأحاسـيـس=وثاني سنة تجلـب عليـك الهمومـي
    وثالث سنة حط الرمـل والمتاريـس=لابـد مـن حـربٍ تقـوم وتدومـي
    لامن دخلـت الـدار لاكنهـا بليـس‏=متلفلـفٍ فـي غاليـات الهـدومـي
    تأخذ من المخباة وتسحب من الكيـس=وتغيـر الموديـل شـيٍ لـزومـي
    وان قلت ما أملك يامره لوهو فليـس=قالـت تديّـن لا تكـثـر بلـومـي
    ولاجيت مـرة نـاويٍ لـك ب(؟؟؟؟)=قالت تصّبـر خـل قلبـك رحومـي
    ليتك تساعدنـي تصحـح كراريـس=زادوا علينا أربع حصص في العلومي
    أزوارة في العصر والصبح تدريـس=والليـل تصحـيـحٍ وودي أنـومـي
    تبكي إذا جاها وجع لوهـو ضريـس‏=وتقول أبي دكتـور ماهـو حكومـي
    يروح عمرك بين عـرسٍ وتأسيـس=واربـع سنيـن والبزاريـن كومـي
    وسط المطابخ بيـن قـز ومحاميـس=هـذا صحـن رزٍ وهـذاك ثـومـي
    والا خلصـت إمنظـفٍ الملالـيـس=جتك تقول انهـج نبـي زود لومـي
    ولا جبت قالت اكنس الحوش تكنيـس=خل البلاط يصيـر مثـل النجومـي
    ومكرسٍ جهدك من الخوف تكريـس=وان نادتك بالصوت اقبلـت مومـي
    يجيـك تـال الليـل دايـم كوابيـس=ويشيبنـك مزعـجـات الحلـومـي
    هذي حياة اللي ركض باغي العـرس=‏ضيع حيـاة أول وصـار محرومـي
    تعيـش يالمعـرس حيـاة المحابيـس=وشف العزوبي بكل شارع يحومـي
    من مفرق جلاجل إلى جوي الونيـس=‏وان حار حايرهم بوسطـه يعومـي
    يفرح إذا شاف الوتـر والمراويـس=وفي كـل يـومٍ كاشـتٍ ومعزومـي
    شف العزوبي مايعـرف الهواجيـس=ولا يـودي حرمتـه كـل يـومـي
    يا عنك ماحاش الفخـر والنواميـس‏=إلا عزوبـيٍ يـعـرف السلـومـي
    إذا اعرس المعرس غدا عندنا هيـس=ونزيل اسمه مـن سجـل القرومـي
    والـى بغيـت البهذلـة والدحاويـس=فأعرس وخلك من عـداد الرخومـي
    وش صابكم من عرسكم يا المفاليـس=‏وش استفدتـوا غيـر دق الخشومـي
    اللي تزوج أشهد انـه غـدا تعيـس=والرابح اللـي ماخـذٍ لـه عمومـي
    ترى عناق العام نطت علـى التيـس‏=والحرعقب العـرس يصيـر بومـي [/poem]
    لا إله إلا أنت سبحانك إني كنت من الظالمين
  • منصور بن فهيد
    مشرف سابق
    • Dec 2004
    • 3451

    #2
    ههههههههههه صح لسانك يافهد الشيباني وبالعون مافانت ومشكور ماقصرت
    man.9.our@hotmail.com

    تعليق

    • ((الدلبحي))

      رابطة محبي الهيلا

      • Mar 2003
      • 6010

      #3
      تسلم يافهد
      صح السانك واتعبتنا معك يالعزوبيه
      مشكور على القصيد الجزل

      تحياااااااااتي

      تعليق

      • أبو فيصل
        مشرف سابق
        • Dec 2004
        • 3538

        #4
        [align=center]الله يعافيكم ومشكورين على المرور[/align]
        لا إله إلا أنت سبحانك إني كنت من الظالمين

        تعليق

        العمل...