ليت العرب عند المـــفازيـــع عتبان

طي
X
 
  • التوقيت
  • إظهار
مسح الكل
المشاركات الجديدة
  • اسد التومان
    عضو ماسي
    • May 2008
    • 607

    #1

    ليت العرب عند المـــفازيـــع عتبان




    مسائكـــم شعـــر,,,
    أتيت لكم بقصيدة للشاعر والروائــي الكبير فواز بن غسلان
    في مدح قبيلة عتيبة
    وقد لاقت هذه القصيدة صدى كبيرا ورد عليها العديد من شعراء عتيبة
    أترككم مع القصيدة....

    من طاح ماحولـه مـن النـاس عتبـان
    او يسـمـعـه رجـــلٍ خـوالــه عتـيـبـه
    فهو طايح رجواهـ في كآن ماكـــــان
    يلقى الفـزع والا حدر في مصيبـــــة
    شهآدة يشهـد عليها ابن غســـلان
    ومن كان وسط الناس يدرى نصيبــه
    من عقب مآخاويت عالم وعربـــــــان
    شباب واللي لاح بالوجــه شيبــــه
    ولقيت بالعربان زووود ونقصــــــــان
    مثـل الخيول ملافحات السبيبـــــه

    لكــن سنام أهل الفزايـع والأكــوان
    وأهل المواقف بالوقوت العصيبـــة
    في روق مع برقـــا صواريم عدنــان
    اللي بوقت الكون تجــدع حريبـــــــه
    لاصاح صيــاح الأجاويـد بلشــــــان
    وبيبان حـل القوم ماهــي قريبــــــة
    يشكي دروب به ثمانين شيطــــان
    وجرح عجـز ياصل حراوي طبيبـــــــه
    ونخواه ضاعت بالهواء تقل دخــــان
    مع عاصف بالصيف يدفن قليبــــــــه
    ياكثر من يبقى من الناس نعسـآن
    أو قال بلشات العرب وش نبي بــه

    الا العتيبي ينفجـر فيه بركــــــان
    وكبده على الفزعات يقدح لهيبـــــه
    أصغرهـم اللي ليافزع طير حورآآن
    والا تشوفه مثل سرحـــان ذيبـــــه
    حاديـه طيب عايشـه طول الأزمان
    مع وآلد يشـفق لطيبـه نسيبــــــه
    وقلب بموج الطيب يسقيـه شريان
    وجيل قديم شاع بالناس طيبـــــــه
    شبابهم تغني عن الناس شيبان
    وجنودهم فاقت مرآتب نقيبــــــــه
    ولاطاع بدروب الردى نصـح كوبــان
    والطيب لامطمـع ولاهو غصيبـــــه
    لاشـك ماله بالمهاريب بيبـــــان
    ونفس تشوف الهـون عآر ومعيبـــه

    والناس كله بالفراغــات شجعـــان
    وتسمع هروج بالخلايق عجيبــــه
    والكود لطبوع المخاليق ميــزان
    لاقام وقت الكــود يقرى خطيبـــــه
    يظهـر لكـ اللي يحتمي تال الأظعان
    ويمناه تغنـي عن جيوش وكتيبــــه
    يذري عن الشده ضعافـى ويتمـان
    ورجل وقع بالناس ساقـه حطيبــه
    ونسـل الردى يبنى مخابي وجدران
    ويشرب من دلال الفزايــع سريبـه
    من لاذ به في ساعـة الكود خسران
    ويابعد مشرق شمسها عن مغيبــه

    ولالـي مع العتبان مطمـع وخـلان
    لاشـك جحد الطيب يانآس خيبــــــه
    وأنا أشهد انه بالفزع شانهم شان
    ومن يجحد أهل الطيب ربي حسيبـه
    وليت العرب عنـد المفازيع عتبـان
    وياقرب طيب اللي خوآله عتيبـــــه



  • عبدالله هادي ناشي الفليت.

    رابطة محبي الهيلا

    • Sep 2007
    • 1791

    #2
    صح لساااااااااانه وعزالله ابياااااات قويه . .

    لكــن سنام أهل الفزايـع والأكــوان
    وأهل المواقف بالوقوت العصيبـــة
    في روق مع برقـــا صواريم عدنــان
    اللي بوقت الكون تجــدع حريبـــــــه
    :
    :

    وليت العرب عنـد المفازيع عتبـان
    وياقرب طيب اللي خوآله عتيبـــــه



    لاهنت اخوووي

    تعليق

    • اسد التومان
      عضو ماسي
      • May 2008
      • 607

      #3

      اخي عبدالله ,,,,,,,


      سلمت ودمت

      تعليق

      • سيف الجعدة
        عضو ماسي
        • Jan 2010
        • 470

        #4
        صح لسان ابن غساان
        وتسلم يدينك
        لاهنت الله يعطيك الف عاافيه

        تعليق

        • جراح الروقي
          عضو نشيط
          • Nov 2006
          • 30

          #5
          صح السان بن غسان ولاهنت على النقل مع التحيه للجميع

          تعليق

          • أبوثنتين

            رابطة محبي الهيلا

            • Nov 2005
            • 1379

            #6
            أسد التومان لا هنت

            وصح لسان بن غسلان


            والحمد لله على الحظ الطيب


            بين القبائل ولا قصور في الجميع



            تحياتي

            تعليق

            • ولد عمهوج
              عضو فعال
              • Dec 2008
              • 176

              #7
              صح لسان ابن غساان
              وتسلم يدينك
              لاهنت الله يعطيك الف عاافيه

              تعليق

              • يزيد الهقاوي
                عضو
                • Mar 2010
                • 6

                #8
                صح لساااانه وبيض الله وجهك على هالبيات

                تعليق

                • اليزيد
                  عضو فعال
                  • Aug 2006
                  • 146

                  #9
                  يعطيك العافيه انت وشاعرها

                  تعليق

                  العمل...