(راعي الأجرب) والاجرب هوسيفه

طي
X
 
  • التوقيت
  • إظهار
مسح الكل
المشاركات الجديدة
  • صبي عتيبه
    عضو فعال
    • Jan 2003
    • 127

    #1

    (راعي الأجرب) والاجرب هوسيفه

    تركي بن عبدالله آل سعود

    (راعي الأجرب) والاجرب هوسيفه

    طـارالكرى عن موق عيني وفرّا *** وقزيت من نومي طرالي طواري

    وابديت من جاش الحشا ماتدرّا *** واسهرت من حولي بكثر الهذاري

    خـط ٍ لـفاني زاد قلبي بحرّا *** من شاكي ٍ ضيم النـيا والعـزاري

    سـر ياقلم وإكتب على ماتـورّا *** أزكي سلام لإبـن عـمي مشاري

    شيّخ ٍعلى درب الشجاعة مضرّا *** من لابـة ٍ يوم الملاقـا ضواري

    ياما سهـرنا حـاكم ٍ ما يطرّا *** واليـوم دنيـاً ضاع فيها افتكاري

    أشكي لمن يبكي له الجودطرّا *** ضـرّاب هامـات العـدا مـايداري

    يـاحيف ياخطوالشجاع المضرّا *** في مصر مملوكٍ لحمر العتاري

    من الزاد غادٍ له سنامٍ وصرّا *** من الذل شبعان ٍمن العـزعـاري

    وش عـاد لوتلبس حريرٍ يجرّا *** ومـتوّج ٍ تاج الذهـب بالـزراري

    فـ دنياك يابن العم هذي مغرّا *** ولاخير في دنيـا تـورّي العزاري

    تسقـيك حلو ٍثم تسـقيك مرّا *** ولـذ اتـها بين البـرايا عـواري

    إكفـخ بجنحان السعد لاتدرّا *** فـا لعمر ما ياقـاه كثر المـداري

    مـافي يدالمخلوق نفع ٍوضرّا *** مـا قدر الباري على العبد جاري

    وإسلم وسلم لي على من تورّا *** وأذكر لهم حالي وماكان جـاري

    إن سـايلوا عني فحالي تسرّا *** قـبقـب شراع العز لو كـنت داري

    يوم إن كل ٍ من خويه تبـرّا *** حطيت (الأجـرب) لي عميل ٍ مباري

    نعم الرفيق إلى سطا ثم جرّا *** يـودع مناعـير النـشامى حـباري

    رميت عني برقع الذل بـرّا *** ولاخـير في من لايدوس المحـاري

    يبقى الفخر وأنا بقبري معرّا *** وأفـعال تـركي مثل شمس النهاري

    أحصنت نجدعقب ماهي تطرّا ***مصيونة ٍ عن حر لفـح الضـواري

    ونزلتها غصبٍ بخير ٍوشّـرا *** وجمعت شـمل ٍ بالقـرايا و قـاري

    والشرع فيهاقدمشىواستمرّا *** ويقـرا بنا درس الضحى كل قـاري

    زال الهوى والغيّ عنها وفرّا *** ويقضي بها القاضي بليـا مصاري

    وإن سلت عمن قال لي لاتزرّا *** نجـد ٍ غدت باب ٍ بـليـا سواري

    ومن آمن الجاني كفى ماتحرّا *** وتـازي حريمة بالقـرايا وقـا ري

    واجهدت في طلب العلالين قرّا *** وطاب الكرى مع لابسات الخزاري

    من غاص غبات البحرجاب درّا *** ويحمد مصابيح السرى كل ساري

    وأنا احمد اللي جاب لي ماتحرّا *** واذهب غبـار الذل عني وطـاري

    والعمـر مايزداد مثـقال ذرّا *** عـمر الفتى والرزق في كف باري

    وصلاه ربي عـد ماخط بالرّا *** على النبـي ماطاف بالبـيت عاري
  • ابن عاصم
    عضو ادارة سابق
    • Nov 2002
    • 415

    #2
    تسلم يمينك


    علي الانتقاء الجميل


    لاخلا ولا عدم ياصبي عتابه من ذوقك واختيارك الجميل

    تعليق

    • داهية عتيبة
      عضو مهم
      • Jul 2003
      • 961

      #3
      حمر العتاري

      تسلم على نقلك الرائع


      ولاكن بودي أن أسأل؟؟؟

      يـاحيف ياخطوالشجاع المضرّا *** في مصر مملوكٍ لحمر العتاري

      ماهي حمر العتاري
      أجيبوني جزاكم اللع خير لأني أبحث ولم اجد من فترة طويلة
      تكفون ياعيال عمي

      تعليق

      • ابو وعيل
        مراقب سابق
        • Aug 2002
        • 1707

        #4
        تسلم على نقلك الجميل ...

        ومااقصررررت ..

        تحياتي

        تعليق

        • الدحدوح
          عضو نشيط
          • Apr 2007
          • 39

          #5
          بن العم فيما يبدو ان حمر العتاري هن المغاتير من البشر وليس الابل والله اعلم

          وافهمها تحياتي

          تعليق

          • سيف عنزه

            رابطة محبي الهيلا

            • May 2009
            • 1015

            #6
            الله يعطيك العافيه على النقل الراائع
            ماقصرت يا الغالي
            ننتظر جديدك

            تعليق

            • أبونواف

              رابطة محبي الهيلا

              • Nov 2008
              • 2163

              #7
              [align=center]الله يعطيك العافيه على النقل الراائع[/align]

              تعليق

              • البريماني

                رابطة محبي الهيلا

                • Jan 2008
                • 1684

                #8
                كفو على النقل ياصبي عتابه والله يعطيك العافيه

                تعليق

                العمل...