اهداء الى ادارة المنتدى والاعضاء والزوار

طي
X
 
  • التوقيت
  • إظهار
مسح الكل
المشاركات الجديدة
  • نجد العرب
    عضو فعال
    • Nov 2009
    • 131

    #1

    اهداء الى ادارة المنتدى والاعضاء والزوار

    [poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

    الشعـر لـه فاتـل وناقـض وفـاروق =والسـوق لـه سايـم وشـاري وبـايـع

    واللي ربح ببضاعتـه يمـدح السـوق =والنـاس تطلـب نــادرات البضـايـع

    يامدور الطيـب تخيـر علـى الـذوق =واحفظ معك مـن قـول فـارس ودايـع

    لو كـان بالارشـاد والنصـح مسبـوق =ذكـرى لعـل لهـا تــرق السمـايـع

    جواهر معهـا شـذى المسـك مرفـوق =ومعهـا التجـارب مثبـتـه بالوقـايـع

    واللي لبس من جوهر المرجلـه طـوق =مثلـي مـجـرب والتـجـارب نفـايـع

    سافرت لي طرقة وطبيـت لـي سـوق =وخاويـت فـي دربـي جميـع النزايـع

    والله خلـق فالنـاس ميـزات وفـروق =النـاس شـتـى بالشـيـم والطبـايـع

    احـد علـى مبـدا ولـه نظـره فـوق =واحـد كمـا ثلـج علـى القـاع مايـع

    ولاني وكيـل ادم علـى كـل مخلـوق =لكـن اشـوف بخلـق ربــي نـوايـع

    اشفق على الطيب ولـي رفقتـه شـوق =غريـب والا مـن قـريـب الجمـايـع

    وراع الردى من دونـه البـاب مغلـوق =بينـي وبيـن اهـل السفـالـه قطـايـع

    الطيب واهل الطيب عاشـق ومعشـوق =والطيـب لـه مبـدا وحكـم وشـرايـع

    والمرجله وهبـه مـن الـرب ووفـوق =والـديـن راس المرجـلـه والطمـايـع

    والرزق من ربي وله فـرض وحقـوق =ومن يطلب ارزاقه مـن الخلـق ضايـع

    والاخـذ بالاسبـاب ثابـت ومـوثـوق= وتوفيـق ربـي هـو خيـار الـذرايـع

    ولاكـل مطـرود كمـا قيـل ملحـوق =قـول مبالـغ فيـه لـو كـان شـايـع

    ان ماجلبهـا والـي العـرش برفـوق =كثـر المـطـارد مايـحـوش النفـايـع

    ومن يحسن النيه مع النـاس مـرزوق =ومـن يتقـي ربـه دروبــه سنـايـع

    والكـذب ثـوب مـا يجمـل ومشقـوق =ولاينـرفـي شـقـه بكـثـر الرقـايـع

    ومن لايحـط اسـرار قلبـه بصنـدوق =ويجـود المفتـاح عـن كـل صـايـع

    يفتح علـى نفسـه مداخـل وخـازوق =وقناصـه الفرصـه تـزيـد الجـلايـع

    ومن يقـرب الانـذال لا يامـن البـوق =النـذل خايـن مـا يصـون الـودايـع

    عقرب ثـرى والا كمـا نـاب زاروق =لا صـادف الـغـرات للـسـم زايــع

    واحـذر تـرى النمـام للشـر ناتـوق =دايــم يـقـرب للـشـرار الـولايـع

    من المكـارم خـارب القصـد مسلـوق= وعقلـه لنزغـات الشياطـيـن طـايـع

    وترى الردي شمع على الحيط ملـزوق= لا اونس حميـم الشمـس جـاك متمايـع

    احذف ردي المعرفـه حـذف خملـوق =لاتنـخـدع بالـزبـرقـه واللـمـايـع

    عليك بالطيـب ليـا صـرت مزنـوق =الـلـي فعـولـه كلبـوهـا روايـــع

    يشيل عنك مـن الصعيبـات طـاروق =ولا يلحـق المنـه جمـيـل الصنـايـع

    لامن عن الواجـب هبـا كـل مزلـوق =يـقـوم بالـواجـب بعـيـد الرمـايـع

    والشارب اللي ساعه الضيـق محلـوق= وقت الرخاء ما احـد يبـي لـه فزايـع

    خله ولو شفته علـى الوجـه مصفـوق =ولاتستشـيـر مجالسـيـن الـربـايـع

    وان كان في صدرك قنا الوقت مـزروق =خلـك علـى الشـده قــوي البتـايـع

    واضرب على الكايـد لايلحقـك عـوق =واطلـع سنـود وخيـر ربـك طـلايـع

    والشمس لو غابت يجي صبح وشـروق= والحق لـه صيـت مـع النـاس ذايـع

    يقدم عزيز السـاس لـو كـان مفهـوق =وياخـذ عظيمـات المـراجـل قـلايـع

    وأبليـس اخـو مـره مربـط ومفلـوق =وفـي كـل يـوم يـزود حـر ولقايـع

    نركي علـى كبـده مراقيـع وحـروق =وعـروق قلبـه مـن وحمنـا مـزايـع

    وصلوا على الهادي عدد ما أرمش الموق= وعسـى لنـا مـن جـود ربـي شفايـع[/poem]
  • آنآ كريزي
    عضو نشيط
    • Jan 2010
    • 35

    #2
    اولآ اللهم صلي وسلم على نبينا محمد وعلى اله وصحبه ومن اهتدى بهديه الى يوم الدين


    الله الله ماشالله عليك عزالله انك كفيت و وفيت يالغآلي بيض الله وجهك


    وصح لسانك وياجعل من جابك للجنه وجزآآآك الله خيرآآآآ

    تعليق

    • علي الشهراني

      شـــــاعــر

      • Sep 2009
      • 2702

      #3
      اشهد بالله انها جواهر



      صح لسانك و علا شانك



      موفق خيرو فالك الجنه
      [poem= font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
      يا بو محمد وش عليه أتحسّر=لا مرقدٍ دافي و لا ماكلٍ حار
      احسلّي اقصْر في شفوفي و اكسّر=اخير لي من عيشة الغار و النار[/poem]

      تعليق

      • حسن إبراهيم الدجيماء

        شـــــاعــر

        • Jun 2009
        • 1983

        #4
        الله اكبر ... اللهم صل على محمد وعلى ال محمد وعلى صحبه ومن سن بسنته ..!!

        صح لسانك .. وبيض الله وجهك ... درر الله ينصرك .. أخوكـ : الدجيماااء ..!!!

        تعليق

        • خلف الروقي

          رابطة محبي الهيلا

          • Jun 2009
          • 6080

          #5
          صح لسانك واعتلى شانك

          تعليق

          • نجد العرب
            عضو فعال
            • Nov 2009
            • 131

            #6
            لاهنتوا على المرور وتحياتى لكم

            تعليق

            • مشاري
              مشرف شؤون الأعضاء والتفعيل
              إدارة قسم الشكاوي والاقتراحات
              • Oct 2002
              • 1831

              #7
              الله الله

              صح لسااااااانك على هذه الدره


              قصيده لايكتبه سوى شاعر كبير


              لك مودتي وتقديري

              تعليق

              • نجد العرب
                عضو فعال
                • Nov 2009
                • 131

                #8
                مشاري لاهنت على المرور وتحياتى لك

                تعليق

                • نجد العرب
                  عضو فعال
                  • Nov 2009
                  • 131

                  #9
                  لاهنتوا جميعا على المرور وهذه القصيده لشاعر فارس العصيمي وتحياتى لكم

                  تعليق

                  • ابن صنهوت

                    رابطة محبي الهيلا

                    • May 2008
                    • 1734

                    #10
                    صح لسان فارس وبيض الله وجهك يالذيب واهنيك على ذائقتك المميزه

                    تعليق

                    • سيف الجعدة
                      عضو ماسي
                      • Jan 2010
                      • 470

                      #11
                      صح لسانك يانجد العرب وبيض الله وجهك ولاهنت

                      تعليق

                      • نجد العرب
                        عضو فعال
                        • Nov 2009
                        • 131

                        #12
                        ابو صنهوت لاهنت على المرور وتحياتى لك

                        تعليق

                        العمل...