ياركب من عندنا جمس اسود...جمس جديد ولا وطته المكده

طي
X
 
  • التوقيت
  • إظهار
مسح الكل
المشاركات الجديدة
  • الامير
    عضو فعال
    • Jun 2003
    • 113

    #1

    ياركب من عندنا جمس اسود...جمس جديد ولا وطته المكده

    شاعر هذه القصيده هو سعد سلطان الرخيمي



    احدى قصائده في الشيخ/هزاع بن عبدالعزيز بن ماجد الدويش.

    ياراكب من عندنا جمس اسود^^^جمس جديد ولاوطته المكده

    ليا دعست سريتره تقل يطرد^^^اقفى تقل خفر السواحل تحده

    كنه مهرب والمهرب مهدد^^^فالقتل تأبيد السجن مايسده

    حمل على الماخوذ حشيش اسود^^^فعله قبيح ولابه احد يوده

    عليه قوات السواحل تشدد^^^وتنطحوه بسهلة مجرهده

    عطوه فيها حول خمسة عشر رد^^^وتله يبي من حيث جاء يرده

    كبسله بوصه واحتمى العلم واشتد^^^واللي بطبلونه إنبيره يعده

    يوم استواله نابي الحزم الاجرد^^^روح حلال القوم محد يرده

    ويوم ارهوا انه راح ماعاد ينرد^^^جات الاوامر بإحرقانه بشده

    وعطو خبر لمسدد الرمي سدد^^^وخبط على الاخمس وهزه ومده

    يصلاه بالرشاش قرم مسدد^^^هذي هفت دونه وهذيك سده

    وقام يتعزوى يوم صارت معاند^^^وتساون الثنتين ماعاد وده

    صكه بثالث وارتفع فوق وإرتد^^^والويل ترزم وارزم الحزم قده

    ولالحم البنزين بثالث وصرد^^^عده يطير من الحزم فوق عده

    رقوه لاتسعين كيلو ورا الحد^^^مع سهلة حذف المرو فوق شده

    فوقه شجاع مورد الخال والجد^^^وعليه من وقته محفه وضده

    ماهو براعي شين لاشك محتد^^^والوقت له عن المناعير صده

    قليل مال ويطلبه هيس اربد^^^قبيح وجه من الوجيه المصده

    افقم فم ناشف طويل مجرعد^^^قابة فمه قرو ٍ قبيح مرده

    انخش عور وجهه من اللحيه اجرد^^^هيس ليا عبند عمى مترده

    والمال ضربة مال ماينتقاصد^^^واللاش عذره للوفا مايسده

    مهما تعذر مايفيد امتمرد^^^الاجودي عليه مالله يحده

    حده حداه الله على غير ماود^^^والا على ماصار ماهو بوده

    يشدا ونيت يم هزاع يسند^^^طير يدسم شارب اللي يهده

    هزاع ابن عبدالعزيز ابن ماجد^^^ابن الدويش اصله وفصله وعده

    شيوخ حمران النواظر موكد^^^اللي لهم على المناعير ضده

    لياصاحت الغوجاء وقامت تنجد^^^(...........)كل حبل صفراه مده

    كم واحد بنحورهم قام ثم كد^^^وخلي عشاء سحم الضواري اتهده

    ياغافل عن فعلهم قوم وانشد^^^وسايل لحدبان الظهور وتعده

    يوم انها ماغير محزم ومجند^^^وشلفاء وسيف وعالم مستعده

    لهم على احواض المنايا موارد^^^فوق المهار وفوق حمر الاشده

    يوم الجهل وافعالهم ماتعدد^^^واليوم سور وندرق دوم سده

    شيوخنا اللي في ذراهم نتمدد^^^نرقد وللروس مكبرين المخده ,,,






    الامير
  • فرهودي
    عضو ماسي
    • Feb 2004
    • 886

    #2
    أما اول الابيات شكل الشاعر يكتبها وهو يناظر فلم امريكي ؟؟!!!!

    بس الحق .. يازين آخر الابيات..
    شيوخ حمران النواظر موكد^^^اللي لهم على المناعير ضده
    يوم الجهل وافعالهم ماتعدد^^^واليوم سور وندرق دوم سده
    شيوخنا اللي في ذراهم نتمدد^^^نرقد وللروس مكبرين المخده ,,,

    يستاهلون حمر النواظر..
    صح لسان سعد الهطله

    يعطيك العافيه الامير

    فرهودي

    تعليق

    • ((الدلبحي))

      رابطة محبي الهيلا

      • Mar 2003
      • 6010

      #3
      الامير
      تسلم وصح السانك والسان الشاعر
      ولاتحرمنا من مثل هذه المشاركه

      تعليق

      • الامير
        عضو فعال
        • Jun 2003
        • 113

        #4
        [frame="7 80"]حياك الله يالدلبجي ومشكور على هالكلام الطيب






        الامير
        [/frame]

        تعليق

        العمل...