قصيدة الهـيـــ لا .. .. وانت تستاااااااهلون

طي
X
 
  • التوقيت
  • إظهار
مسح الكل
المشاركات الجديدة
  • إعلامي العصر
    عضو
    • Dec 2009
    • 5

    #1

    قصيدة الهـيـــ لا .. .. وانت تستاااااااهلون

    [align=center]

    هذه قصيدة
    بقبيلة عتيبة وهي تستاااااهل


    . : الهـيـــــــــ لا : .

    للشاعر

    براك بن صالح الجربا



    http://www.youtube.com/watch?v=UWJPqxlBSLE[/align]

    [align=center]الهـــــــــــــــــــــــيــ لا

    يا راكب اللي تقطع الدو ياهيب ><>< حمرا ويغري عاشق الهجن زوله
    حمرا تسولع بالفيافي تقل ذيب ><>< تاخـــذ على كـل السباق البطـــوله
    تفــج فخــوذه ياهله للمحاقــيب ><>< يلعب سبيبه مـــن عياها زعــوله
    و من الغيا تكسر قوي المصاليب ><>< مسطورةٍ زود سطاره قبوله
    تعشق مثل عشق البنات الرعابيب ><>< تغري ولو هي باركة ومعقولة
    ماهي وهي تطوي سهال عباعيب ><>< مع خايع ٍ واللي عليها دلوله
    يرشح عرقها من جسدها تقل طيب ><>< او زعفران بدلةٍ بهّروله
    تدلج بذرعانٍ سواة الدواليب ><>< اطيب ركاب القوم ماهيب بحوله
    الطبع تشذيب المسافات تشذيب ><>< يكفيك عن كثر الحكايا فعوله
    أبوَه هو اخوَه نافل الفطر الشيب ><>< وامه خناب الجيش يا حضبوله
    والعم خاله عرقهن منبع الطيب ><>< طويلة النسنوس ملساء عجوله
    ضامر وعينه قرص شمس المغاريب ><>< شولا ولا قد بركة للفحوله
    تقول زوره لازماته مقاضيب ><>< شاهر وخده ما هقى انك تـنوله
    عوجا توازن عجلةٍ بالتواثيب ><>< في سهلةٍ مثل الحرير اذرعوله
    مستطرمه تكتم كما يكتم الشيب ><>< عنقا تقود الجيش في كل صوله
    شيـبا غوارب ما بوصفه عذاريب ><>< وعند المشفـّح والمطافيق هووله
    واهل الحسد والبخل غيض وتحاسيب ><>< واهل القلوب الصافية بركوله
    عن الفحل تقضب ليا صار تضريب ><>< تموت لو تلقح بأبسط سهوله
    ياهازها تشلع مع الدو وتريب ><>< حذرا خريشٍ لو تفاجأ جفولة
    شملولة ٍ منجوبةٍ من مناجيب ><>< هي منوة الناطر لشوفة رسوله
    تعبا لقطع البيد لجل المناديب ><>< ياابطت عن المرواح يطق جوله
    ياراكبه ياجيت دار الاصاحيب ><>< دارٍ بها لطيب صوله وجوله
    تلقى بها العتبان نعم المعازيب ><>< هيلا تهايل في جموعٍ مهولة
    تتلي جناب الشيخ عطب المضاريب ><>< ابن حميد اللي تنومس فعوله
    لضد شر وللمكارم محاضيب ><>< وللعرف عرف وللمجنن خبوله
    لطامة العايل كرام المواجيب ><>< كم حايلٍ لضيف هم قدموا له
    بالمحمدية رتب الحفل ترتيب ><>< بجهد الرجال اللي ثـنو وارتكوا له
    بمضايفٍ مثل الجبال الغرابيب ><>< ولا البواخر يا قبلت في سطوله
    مابين برقا وروق جرحٍ و تطبيب ><>< وديان تكسر يا تجارت سيوله
    برقا .. اهل مركا كعام المطاليب ><>< و روق ٍ .. يرجح بالموازين غوله
    روق ٍ ..تعذب باللقى الضد تعذيب ><>< وبرقا .. تخرع بالمعارك عموله
    وفلاح اسند للمقدم تراحيب ><>< في درة يا خوان يا زين قوله
    يقول بالعتبان خمسة عذاريب ><>< الطيب والنخوة وتقدير الاجناب
    ودون الخوي ياطون حر اللواهيب ><>< وان حدت الدنيا يفكون الانشـاب
    صدق ابن شامان بالقول و مصيب ><>< وقبله رجالٍ بالصحيح اشهدوله
    عتبان ياعز الخوي منقع الطيب ><>< عتبان دون الدين تصهل فلوله
    كبيرهم ضاري على الطيب ويطيب ><>< وصغيرهم يكرم بسن الطفوله
    إن جيت اعد افعالهم والمناقيب ><>< لبـّـاسهم بالطيب تــُـلبس سموله
    فيهم رجالٍ مثل روس الشناخيب ><>< ولا كل من هاز المراجل يطوله
    ناس على كسب المراجل معاضيب ><>< طريقةٍ بالطيب على اصوله
    سعد الحضنه منهم إذا صار تـنقيب ><>< والمعترض شيخ ٍ تهيّب خـيـوله
    ومسواط نجد ٍ مع ابا الخيل والنيب ><>< مع ارحيان اللي تهابه رجوله
    والليث هندي هو ابا الروس تطبيب ><>< وباني لبيت العز من كان حوله
    وحماية الجاني كرامٍ عن العيب ><>< وحنان والخمري ودولي زحوله
    مع راعي العليا تطيب التطاريب ><>< وشايوش والطباق وعفار دوله
    والنثري اللي يذرّب الفعل تذريب ><>< وقطاع عر السلم يوم التجوله
    والثاني اللي مثل عكف المخاليب ><>< وابو عتيبة عونها يا شكواله
    مع رغوان اللي يموط الاداعيب ><>< وبريك راع الطيب كم وجهواله
    وعتبان اهل بقعاء ستار الدعابيب ><>< وخيال سبلا ما تهزهز حموله
    ودايخ يدوّخ بالفلاة المراكيب ><>< وراعي جبله مذكور حصه ولوله
    واذكر بعد حرباش والضيط يا صيب ><>< بالمعركة معروف يا صيحوله
    ومعهم ابو شوشه وكرناف وآنيب ><>< لوجه السعد ذباح الاتراك ذوله
    والضحيك ولحيان لامر المصاعيب ><>< مع اطرم السيف إن حكوله حكوله
    وإلا اشهب الغارب والازهر معاطيب ><>< مع الزلامي وابو عندي لفوله
    والذكير والخراص من دون تثريب ><>< وإن شفت للبراق يا حزموا له
    ومقطع الازرار طيب وتراحيب ><>< معهم عمودٍ للمطاليق طوله
    وسلطان لدين المنزه عن الريب ><>< ومنادي الجيعان تشهد زموله
    وقشعان ومساوي حزام المواجيب ><>< ومثعوبة ٍ للأسعدي كم عنوا له
    ذكرت من بحر النشاما تراتيب ><>< ولاني براجي من وراها عموله
    لاشك نبي الطيب ومذاكر الطيب ><>< والطيب واهل الطيب عندي بطوله
    وقولٍ بلا فعلٍ يجيله مقاضيب ><>< والقول عقب الفعل ماكذبوله
    وراع الكويت البدر جاله تعاتيب ><>< من ربعه الخاصين ما صفقوله
    والصدق زهرة والمثايل يعاسيب ><>< والكذب اهل المعرفة مالبوله
    ولافي خذا حكمة رجال لواعيب ><>< لطيب ناس وللعذارى فحوله
    والبيت ياقف بالعمد والاطانيب ><>< والحسد ما يبخس للاجواد توله
    واللي يكدر بالكلام المشاريب ><>< وانت بكرامه حسبته من هتوله
    ومن لا شكر لهل اللحي والاشانيب ><>< ما يشكر الله .. ثابتٍ عن رسوله
    قلته وانا راع القلم والمحاريب ><>< من روس شمر عرض عرضه وطوله
    على السهل مثل الجبال المراقيب ><>< واللي طلبهم بالسماحة عفوله
    وياجا نهار الكون شفت الاعاجيب ><>< ويا ويل اللي شمرٍ شمروله
    ولاهو بنقص ٍ للقبايل وتخبيب ><>< كل القبايل دون حقه زعوله
    كلن يفادي دون حرش العراقيب ><>< والضيف من ما عندهم قدموله
    واللي يبي ياخذ على الطيب تدريب ><>< يمشي مع اهل الطيب يا صوتوله
    وصلوا على اللي رتب الدين ترتيب ><>< المصطفى اللي حظ من كان حوله


    للشاعر
    براك الفريسي الجربا[/align]
    .
    تم التعديل الأخير بواسطة إعلامي العصر؛ 26-Dec-2009, 07:32 PM.
  • ساااامي***
    عضو
    • Feb 2008
    • 3

    #2
    صح السان الشاعر




    براك بن صالح الجربا



    وشكرا ً لك على النقل



    تقبل تحياااااااااتي

    تعليق

    • خيال الأصيله
      عضو فضي
      • Feb 2009
      • 251

      #3
      صح اللسان الجربا مليون شاعر وافي


      لا هنت على النقل اخوي

      تعليق

      • ولدعساف

        مشرف سابق

        • Sep 2008
        • 4749

        #4
        صح اللسان الجربا مليون شاعر وافي


        لا هنت على النقل اخوي
        [flash=http://assa97.jeeran.com/azzoz.swf]WIDTH=450 HEIGHT=350[/flash]




        قال أبوبكر الصديق - رضي الله عنه -
        ( الموت أهون مما بعده، و أشدّ مما قبله )



        حسبي الله ونعم الوكيل

        كتبت وقد أيقنت يوم كتابتي .. بأن يدي تفنى ويبقى كتابها
        فإن كتبت خيراً ستجزى بمثله .. وإن كتبت شرا عليها حسابها

        تعليق

        • خالد الرويسي
          عضو فعال
          • Jul 2009
          • 168

          #5
          [align=center]صح لسان الجربا

          ولا هنت

          تقبلوا خالص تحياتي
          أخوكم خالد الرويسي[/align]

          تعليق

          • احمد منير الواصل
            عضو ماسي
            • Mar 2009
            • 945

            #6
            صح السان الجرباء وبيض الله وجهه
            ويعطيك العافيه اخوي على النقل
            تم التعديل الأخير بواسطة احمد منير الواصل؛ 27-Dec-2009, 12:01 PM.

            تعليق

            • مشاري الحبردي
              ذيـب الـهـيـلا
              • Aug 2006
              • 4888

              #7
              صح لسان الشيخ الجربا


              ولاهي غريبة عنكم ياشمر يالطنايا

              تعليق

              • إعلامي العصر
                عضو
                • Dec 2009
                • 5

                #8
                [align=center]أشكر الجميع

                على

                مرورهم العطر و إطلاعهم المستمر
                [/align]

                تعليق

                • ابورازن فالمريخ

                  رابطة محبي الهيلا

                  • Sep 2009
                  • 1558

                  #9
                  صح لسان الشاعر وانعم بحاله ولاهنت ع النقل





                  تحيه

                  تعليق

                  العمل...