قصيدة شاب فقير خطب بنت عمه المليونير

طي
X
 
  • التوقيت
  • إظهار
مسح الكل
المشاركات الجديدة
  • خوي الرجال
    عضو نشيط
    • Dec 2008
    • 33

    #1

    قصيدة شاب فقير خطب بنت عمه المليونير

    سبحان من يرزق بتوع الملاييـن*** الرازق اللي ما يخيب الرجـا بـه

    لي عم عنده معـرضٍ للصواليـن ***أموت واعرف بس من وين جابـه

    وإذا سألته قـال بعـت الدكاكيـن***ما يدري إني ما هضمت الإجابـة

    الشاهد إني رحت له قبـل يوميـن***في قصره العامـر ودقيـت بابـه

    قال أرحب أرحب عدّد ورد البساتين***يا مرحبا باللـي لفـا يـا هلا بـه

    قلت البقا عـدّ النفـل والرياحيـن ***يا شيخ شمل أهل الكرم والذرابـه

    قال اسلم الله يحفظك لي من العين***وآمر أوامر حضرتـك مستجابـة

    قلت الصراحة طالبٍ قرب غاليـن*** ودي تزوجنـي كريمتـك يـابـه

    ثنّى وقال أهليـن والله وسهليـن***والكون ترخص لجل عينك رقابـه

    لكن ترا عندي شـروط وقوانيـن***قلت اشرط اشرط يا حبيب الغلابـة

    قال أولاً مهر العروسـة ثمانيـن***غير الرسوم وغير حق العصابـة

    والثانية عمك يبي منـك سبعيـن***رسم الأبـوّة والنسـب والقرابـة

    وأم العروسة حقها منـك ستيـن***عشانها ست الحسـن والمهابـة

    وإخوانها كلن يبي منـك خمسيـن***عداً ونقـداً تنـدرج فـي حسابـه

    وخواتها الخمس عطهن من ثلاثين***عشان تتوثـق عـروق النسابـة

    وتجيب طقم عيار واحد وعشرين***وخاتم من الماس المصفى ترابـه

    وأكياس متروسة كعوب وفساتيـن***ألوانهـا وأشكالهـا مـا تشابـه

    وموتر بسواقـه وفيـلا بدوريـن***أثاثهـا مـن بطرتـه ينحكـى بـه

    واحجز لنا قاعة بقصر السلاطيـن***واحجز بهـا رقاصتيـن وربابـه

    هذي الشروط اللي على بالي الحين***وذكرني اللي ما حسبنـا حسابـه

    قلت اذكر الله يا عـدو المساكيـن***واستغفـره لا يبتلـيـك بعـذابـه

    الظاهر إنك منت عارف أنا ميـن ***أنا لو أرقى فـوق متـن السحابـه

    ما جبت حتى نص درزن مواعيـن***واضحك بكيفك واعتبرهـا دعابـة

    شروطكم هذي شـروط المجانيـن***شروطكم شغـل ابتـزاز ونهابـه

    شروطكم تقصم ظهـور البعاريـن***شروطكـم همّـن وغـم وكآبـه

    شروطكم والله سيوف وسكاكيـن***تذبح بنات المجتمع مـع شبابـه

    وين الرضا والعطف واليسر والليـن***اللي ذكرهـا الله بمحكـم كتابـه

    وين الصفات اللي أمرنا بها الديـن **وين اختفى نهج النبي والصحابـة

    يا عم جعل اللي خلقنا من الطيـن**يرد عقلك مـن خطـاه لصوابـه

    ويجعل نصيبي عند غيرك قل آمين**ويحسن عزا الصابر ويجزل ثوابه

    قال أنت لو فكرت تفكير صاحيـن***ما شفت في مجمل شروطي غرابه

    حنا بعصـر العولمـة والمزاييـن *** ماهوب عصر الفلسفة والخطابـة

    الناس تسعى للرتـب والنياشيـن***وأنت اهتمامك بالشعـر والكتابـة

    والشعر ما ينفعك لو هو دواويـن***ما دام جيبك مثـل بيـت الخرابـة

    يا بوك لا تسمع كلام المصاخيـن***واسأل مجرب عاش في وسط غابه

    قلت الله أكبر يا محـرر فلسطيـن ***من يسمعك يحسبك ذيـب الذيابـه

    تراك شايب رأس مالـك رياليـن ***والبنت ما تسوى جنـاح الذبابـة<<< خربت الأخلاق

    قال انقلع مالت على وجهك الشين****لا عاد أشوفـك عندنـا يالزلابـه

    قلت ابشر أبشر لكن الباب من وين**وأقفيت من عنده على صوت بابـه







    الله لابلانا قولوا امين

    والله انها مشكله الى الان لم تعالج

    بالتوفيق يغالين
  • محمد الشامان الحشيبري
    عضو ذهبي
    • Feb 2007
    • 385

    #2
    [align=center]الله الله

    صح لسانك

    والله يرزقك العروووس

    والقاري

    والكاتب

    لاتشكي

    نبكيلك
    [/align]

    تعليق

    • ابن طامي
      عضو ماسي
      • Mar 2007
      • 661

      #3
      ههههههههههه

      والله مدري وش اقول


      صح لسانه والله يعينه .. مشكله ، خص لاصارت مثل كذا بين بناخي وعم



      الله يعينه



      لاهنت ..

      .

      تعليق

      • خوي الرجال
        عضو نشيط
        • Dec 2008
        • 33

        #4
        الشامان

        أسعدني مرورك يالغالي

        دمت بالود أينما كنت

        تعليق

        • خوي الرجال
          عضو نشيط
          • Dec 2008
          • 33

          #5
          ابن طامي


          الله يعطيك العافيه يالغالي


          رعاك المولى

          تعليق

          • عبدالله هادي ناشي الفليت.

            رابطة محبي الهيلا

            • Sep 2007
            • 1791

            #6
            قصيده جميله يالذيب..



            لاهنت

            تعليق

            العمل...