ياليتنا من حجنا سالمينا

طي
X
 
  • التوقيت
  • إظهار
مسح الكل
المشاركات الجديدة
  • طنايا
    موقوف لمخالفة الأنظمة
    • Aug 2009
    • 57

    #1

    ياليتنا من حجنا سالمينا

    الســـلام عليكــم ..

    مســاءكم ..|.. صبحكم .. بالخيــر جميييييييع

    القصيـدهـ نابعهـ من موقف حصل للشاعر بصري الوضيحي الشمري وهو رجل مسن ( عود )

    كان بصـري من أجمل الرجال في صباه فاوغل في هواء البنـاتـ ومضى به
    قطار العمر ويومن كبــر الرجال خذوهـ عيـالهـ للحج واثناء الطواف ويومن جاء بيحب الحجر الاسود
    إلا بخد بنت ٍ فيها الجمال اوصاااااف اقرب لهـ من الحجر فقبل خدها ، وعــاد اللي حولهـ صاحو بهـ ..:

    تاه العود !!

    تاه العود !!

    تايه يالعود تايه ..

    فقــال : التايه اللي حججني وهو يعرف أن غبار السنين مامحا خضـار قلبي ،
    بعد هالحادثهـ قال متـذكر ..::



    التايـه اللـي جــاب ..بـصـري يقـنـه
    جدد جروح .. العود و العـود قاضـي

    جيـنـا نـحـب ..ونطـلـب الله.. جـنـه
    جنة نعيمٍ .. يوم يبس .. اللحاظـي

    ياليت ..كانت حبتـي .. فـي معنـه
    يوم العيـون عـن الخوامـل غواضـي

    يامـن يعاونـي ..علـى وصــف كـنـه
    اشقح ..شقاح ..ولاهقٍ ٍ بالبياضي

    لا ريحـتـه .قـشـرا ولا هي..مصـنـه
    ريح النفل بمطمطمات .. الفياضي

    ونـهـود.. للـثـوب الحـمـر شولعـنـه
    حمرٍ ثمرهـنٍ واقفـاتٍٍ.. غضاضـي

    و الخـد .. ذابـوح ..القـلـوب المـرنـه
    بـراق مـزنٍ لاعــج الـلـون ..يـاضـي

    ياليت .. لو سني على وقم سنـه
    بايـام مـا بينـي .. وبينـه .. بغاضـي

    ايام جلـد.. الذيـب عنـدي .. محنـه
    نصبح وزرق الريش لهـن انتفاضـي

    وا جـرح قلبـي جــرح وادٍ .. وطـنـه
    غـر المـزون اللـي وطـنـه وفـاضـي

    والبيـض قبلـي محسـنٍٍ.. عذبنـه
    ونمرٍٍ على وضحا جرا له عراضـي

    والبيض .. كم مـن واحـدٍٍ يبسنـه
    يبست شماليل العذوق النفاضـي

    عـزي . لمـن غـر ..الثنـايـا .. كـونـه
    واركـن علـى كبـده كوايٍـا اعراضـي

    شوفي بعينـي و الخـدم .. يركبنـه
    بنـت الشيـوخ مخدميـن الحياضـي

    على اشقحٍٍ من زمل ابوها مظنه
    ركبت عليـه اتشنطـحٍٍ باعتراضـي

    بمشجرٍٍ من سـوق هجـرٍ ..مغنـه
    علـى خياطـه نـاب الارداف راضــي

    وين انت يالمشفٍي على طردهنـه
    انا طويـت ارشـاي واقفيـت قاضـي

    أحــدٍ يطـيـح بـنـار وأحـــدٍ ..بـجـنـه
    وترى الحظيظ اللي له الرب راضي



    ويقال ان بصري يومن رجع لأهله انشـدوهـ جماعته وشلون الحج معكـ يا بصري..!!

    فقال مقولته المشهوره:




    ياليتـنـا مــن حجـنـا .. سالميـنـا
    كان الذنوب اللي علينا خفيفـات

    رحنـا نبـي نخفـف ذنــوبٍ عليـنـا
    وجينا وعلينا كثرها عشر ..مرات
  • مشاري الحبردي
    ذيـب الـهـيـلا
    • Aug 2006
    • 4888

    #2
    ياليتـنـا مــن حجـنـا .. سالميـنـا
    كان الذنوب اللي علينا خفيفـات

    رحنـا نبـي نخفـف ذنــوبٍ عليـنـا
    وجينا وعلينا كثرها عشر ..مرات



    الله الله

    لا هنت يالشمري


    ونعم والله بشمر

    اليا زبنت ازبن عند فكاكين الانشاب = = = فيهم سطا شمر ونخوة عتيبة

    تعليق

    • أخو جوزا
      إدارة أقسام القبيلة
      • Jul 2003
      • 4189

      #3
      سلمت يالطنايا على ايراد قصة بصري الوضيحي
      قال الله تعالى:

      ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

      تعليق

      • طنايا
        موقوف لمخالفة الأنظمة
        • Aug 2009
        • 57

        #4
        هلابك يامشااري وستين نعم في عتابة ولولا طيبهم ماجينا عندهم

        ونخوة عتيبة يشهد بها القاصي والداني ...وسلملي على النقيب طلال الحبردي بجوازات بريدة والله ونعم الرجل....فزع معي ويستاهل المدح ولد حبرود

        هلا ياخو جوزا شرفني مرورك

        تعليق

        • سعد بن عون
          عضو فعال
          • Aug 2009
          • 109

          #5
          الله الله تهيض العود وخربها



          صح لسانه وتسلم على القصه والقصيدة الحلوهـ

          تعليق

          • سيف عنزه

            رابطة محبي الهيلا

            • May 2009
            • 1015

            #6
            ياليتـنـا مــن حجـنـا .. سالميـنـا
            كان الذنوب اللي علينا خفيفـات

            رحنـا نبـي نخفـف ذنــوبٍ عليـنـا
            وجينا وعلينا كثرها عشر ..مرات



            الله يعطيك العافيه على القصه والقصيده

            بيض الله وجهك

            ولاهنت يا الغالي

            تعليق

            • طنايا
              موقوف لمخالفة الأنظمة
              • Aug 2009
              • 57

              #7
              شرفنا مرورك يابن عوون

              سيف عنزة شرفتنا اكثر يابن وايل

              تعليق

              • ابو محمد الدعجاني
                عضو مميـــز
                • Aug 2008
                • 3759

                #8
                والبيض .. كم مـن واحـدٍٍ يبسنـه
                يبست شماليل العذوق النفاضـي

                عـزي . لمـن غـر ..الثنـايـا .. كـونـه
                واركـن علـى كبـده كوايٍـا اعراضـي




                الله الله الله


                الله يرحمه ويغفرله


                الله يبيض وجهك يالشمري على هالسالفه
                تم التعديل الأخير بواسطة ابو محمد الدعجاني؛ 09-Sep-2009, 11:42 PM.

                تعليق

                • خلف الروقي

                  رابطة محبي الهيلا

                  • Jun 2009
                  • 6080

                  #9
                  الله يعطيك العافيه على القصه والقصيده

                  بيض الله وجهك

                  ولاهنت يا الغالي




                  دمت بود

                  تعليق

                  • ابو نشمي العتيبي
                    عضو نشيط
                    • Sep 2009
                    • 77

                    #10
                    [align=center]التايـه اللـي جــاب ..بـصـري يقـنـه
                    جدد جروح .. العود و العـود قاضـي


                    تسلم يمناك على اخترت فاصبت

                    ومشكور كل الشكر على نقل القصيده وقصتها

                    تقبل تحياتي
                    [/align]

                    تعليق

                    • مقبل محمد
                      عضو فضي
                      • Nov 2009
                      • 210

                      #11
                      ونـهـود.. للـثـوب الحـمـر شولعـنـه
                      حمرٍ ثمرهـنٍ واقفـاتٍٍ.. غضاضـي



                      هذه القصه والقصيده من اشهرالقصص عند الباديه ومن افضلها

                      تعليق

                      • العمري اول
                        عضو نشيط
                        • Oct 2011
                        • 66

                        #12
                        قصيده مولفته للنظر في معانيها

                        وتلعب على الحبلين ولكن مثيره جداً

                        بيض الله وجهك ياولد شمّر

                        تحيااااااااااااتي

                        تعليق

                        • محمد الذيابـــي

                          مشرف منتدى قصائد الاعضاء

                          • Mar 2011
                          • 12133

                          #13
                          ,,

                          رحم الله بصري الوضيحي.

                          لا هنت يالغالي...
                          التوقيع

                          محمد الذيابـــي

                          تعليق

                          • ابو ضيف الله
                            مشرف عـام
                            • Feb 2003
                            • 8888

                            #14
                            ويقال ان بصري يومن رجع لأهله انشـدوهـ جماعته وشلون الحج معكـ يا بصري..!!

                            فقال مقولته المشهوره:

                            ياليتـنـا مــن حجـنـا .. سالميـنـا
                            كان الذنوب اللي علينا خفيفـات

                            رحنـا نبـي نخفـف ذنــوبٍ عليـنـا
                            وجينا وعلينا كثرها عشر ..مرات

                            للتوضيح: هذين البيتين ليست للوضيحي وانما
                            للشاعر عسكر المصعوك الغنامي
                            قال الشافعي رحمه الله: أركان الرجولة أربع: الديانة والأمانة والصيانة والرزانة.

                            قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة.




                            اللهم أنصر من نصر الدين وأخذل من خذل الدين

                            تعليق

                            العمل...