معاناااااااة شاعر((مظلووووم))

طي
X
 
  • التوقيت
  • إظهار
مسح الكل
المشاركات الجديدة
  • مرزوق الجعيد

    رابطة محبي الهيلا

    • May 2004
    • 1318

    #1

    معاناااااااة شاعر((مظلووووم))

    السلام عليكم ورحمة الله وبركاته

    اهدي لكم القصيده معااااااناه شخص

    ارجو ان تحوز على اعجابكم

    [poet font="Simplified Arabic,5,crimson,bold,normal" bkcolor="transparent" bkimage="backgrounds/18.gif" border="groove,4,gray" type=0 line=200% align=center use=ex length=0 char="" num="0,black" filter=""]
    قلت اه انا ياعين وش فيك تبكين=قالت بكايه من بكا الي بكانا
    اهل دمعاتي على شان شخصين=واعيونهم بالليل تسهر معانا
    شيبان قصر طاعنينن مسنين=وابعادهم عنا يزايد شقانا
    امك وابوك الي بشوفك شفيقين=ما منهم الي في حياته شنانا
    يوم انت طفل(ن)في حوالك لطيفين=ياما شقو ياما اتعبو من ورانا
    واليا بكيت بتالي الليل صاحين=وامك تطقطقلك بروس البنانا
    رضعت فوق اصديرها وقم حولين=وتحملك فوق اعضودها وانت نانا
    واحضينها بالليل لك مرقد زين=تسهر بشد البرد لجل دفانا
    وابوك لانك غبت لو انه اشوين=يذهل عليك يدورك وين كانا
    تركب على متونه بوسط المصلين=يركع لارضا الله ويبغا رضانا
    عليك حنو مثل خلج البعارين=وحفوك بالاكرام هو والحنانا
    والهم عليك الحق ما توفي الدين=واتجازي المحسن بمثله حسانا
    قلت اه انا طولتي الشرح ياعين=والي حصل ياعين لنا كفانا
    ياعين ما حنا على الوضع راضين=غلطة عمر شيطان وابها بلامنا
    لكن اسكتي ياعين تكفين تكفين=حنا بليا شمت نعرف خطانا
    ياعين لو انا حرار وطليقين=النوم قبل شوفهم مايهنانا
    حصلت بدل درس ياعين درسين=وعرفت انا عدوانا واصدقانا
    وياعين بعض الناس لو هم قريبين=عن قول كيف الحال صد ونسانا
    ولو كنت انا بضاعه وبسعر قرشين=مامنهم الي مدها واشترانا
    ولا جولي ازياره وهم امتعنين=ولا جو عيالي يوم طول بطانا
    وعن مدة ايديهم ترانا غنيين=لكن من الواجب امام اقبلانا
    وصل الرحم حق وخص القريبين=اولاك اولا فاية(ن)من سمانا
    وفي محكم التنزيل خص التقيين=بمواصل الارحام سر وعلانا
    وامي وابوي اطلبلهم فارض الدين=يبني لهم بيتن بخضر الجنانا
    في جاه منهو للاوامر مطيعين=ومنهو يسبح في صباح ومسانا
    والسجن ماهو عيب والناس دارين=ولا قصتي عيب ولاني هدانا
    العيب بالي فالوازم ضعيفين=لا احتجت واحد قيل ماهو بهانا
    في خيرهم عن لحمهم مستكنين=ولوهم اقارب نعتبرهم اعدانا
    [/poet]

    اخوكم ومحبكم

    مرزوق الجعيد ابو نواف
  • الدهاسي
    عضو ماسي
    • Jan 2003
    • 547

    #2
    صح لسانك اخوي
    قصيدة جدا رائعه
    يعطيك العافيه

    تعليق

    • شبل الأسد
      عضو
      • May 2004
      • 14

      #3
      صح لسانك مليون

      تعليق

      • ابوسليمان
        عضو فضي
        • May 2004
        • 247

        #4
        صح لسانك

        صح لسانك
        قصيده رائعه والاروع موضوعها
        يعطيك العافيه



        الف تحيه لك

        تعليق

        • ذيـب طـويـق
          عضو نشيط
          • May 2004
          • 90

          #5
          صح لسانك اخوي الغالي مرزوق الجعيد ..

          قصيدة جزله .. من شاعر جزل ..

          لا عدمناك يا خالي مرزوق .. وبيض الله وجهك

          وبانتظار جديدك ... والف شكرا لك


          ذيـب طـويـق ...

          تعليق

          • مرزوق الجعيد

            رابطة محبي الهيلا

            • May 2004
            • 1318

            #6
            الله يسلمكم

            اشكر الاخوان الي مرو على القصيده

            واشكرهم على تسجيل اعجابهم

            ويشرفني وضع تواقيعهم تحت مواضيع مرزوق الجعيد



            لا هنتو وصحة ابدانكم

            اخوكم ومحبكم
            ابو نواف

            تعليق

            • شيباني نت
              عضو ذهبي
              • Jan 2004
              • 321

              #7
              كاتب الرسالة الأصلية ذيـب طـويـق
              صح لسانك اخوي الغالي مرزوق الجعيد ..

              قصيدة جزله .. من شاعر جزل ..

              لا عدمناك يا خالي مرزوق .. وبيض الله وجهك

              وبانتظار جديدك ... والف شكرا لك


              ذيـب طـويـق ...

              نفس كلام ذيب طويق
              للاخ الجعيد


              اخوك شيباني نت

              تعليق

              • مرزوق الجعيد

                رابطة محبي الهيلا

                • May 2004
                • 1318

                #8
                صح بدنك

                الاخ شيباني نت صح بدنك

                ومشكور على التعليق الطيب
                ((كله كسل لا تكتب الا لازم تسوي اقتباس ))هههههههههه

                يعطيك العافيه ويشرفني مرورك على الموضوع



                اخوك ابو نواف

                تعليق

                • صـويب الرمـــش*
                  عضو ماسي
                  • Jan 2004
                  • 419

                  #9
                  صح لسانك اخوي الغالي مرزوق الجعيد ..
                  والله يعطيك العافيه,,, ويسلم ذوقك على القصيده الاكثر من رائعه,,
                  والله يعين الشاعر .
                  وياعين بعض الناس لو هم iiقريبين عن قول كيف الحال صد iiونسانـا

                  تعليق

                  • الهضيباني
                    موقوف لمخالفة الأنظمة
                    • Jun 2007
                    • 401

                    #10
                    لا هنت على القصه والقصيد وتقبل مروري

                    تعليق

                    العمل...