يالربع تعالوا الله لايهينكم

طي
X
 
  • التوقيت
  • إظهار
مسح الكل
المشاركات الجديدة
  • الصارم00
    عضو
    • Oct 2003
    • 10

    #1

    يالربع تعالوا الله لايهينكم

    ياعين هلي صافـي الدمـع هليـه واليا انتهى صافيه هاتي سريبـه
    ياعين شوفي زرع خلك وراعيـه شوفي معاويـده وشوفـي قليبـه
    مـن أول دايـم الرايـه انماليـه واليـوم جيتهـم علينـا صعيبـة
    وإن مرني بالدرب ماقدر احاكيـه أمصيبة ياكبرها ياعرب من مصيبة
    اللي يبينا عيٌـت النفـس تبغيـه واللي نبي عيا البخـت لايجيبـه

    القصيده لنوره الهوشان

    هي من اي قبيله نوره ؟ واللي يعرف القصيده كامله لايبخل علينا
  • الخنفري
    عضو فضي
    • May 2003
    • 210

    #2
    اللي يبينا عيت النفس تبغيه .... واللي نبي عيا البخت لا يجيبه

    الاخ الصارم هذي طال عمرك لنورة الهوشان من قبيلة الرشايدة وشاعره معروفه

    تعليق

    • سلطان الرشيدي
      عضو
      • Jun 2005
      • 3

      #3
      [align=center]قصيدة خالدة تٌعد من روائع التراث لما فيها من عذوبة شعرية وصدق وإحساس وأصالة، وهي قصيدة واقعية تتجسد خلالها معاناة عظيمة.

      شاعرة التراث نورة بنت حوشان بن علي المضيبري الرشيدي، من قرية عين قنور الواقعة بين القصيم والدوادمي ، وقد توفيت في قريتها عام 1355 هجري. ولها العديد من القصائد والتي أغلبها تتحدث عن مواقف أو معاناة، مثل انتقالها من البادية والأستقرار في القرية وذكرها اهلها في ديارهم والتوجد عليهم.

      هذه القصيدة تصور موقف ومعاناة الشاعرة ،فقد وقع خلاف بين الشاعرة وزوجها عبود بن علي العازمي أدى إلى طلاقها طلاق لارجعت فيه وبعد طلاقها رفضت الكثير من الراغبين الزواج منها، وكانت أمرأة على قدر عال من الجمال والأخلاق بالإضافة انها من عائلة محافظة وقبيلة مشهورة وكانت ترفض في كل مرة من يتقدم للزواج منها. وذات يوم من الأيام كانت تسير بصحبة أولادها (حوشان وسارة ) ومرت على طريقاً يمر بمزرعة مطلقها وقد رأته فوقفت على ناصية المزرعة وانطلق الأولاد للسلام على أبيهم، وبقيت تنتظرهم حتى رجعوا ثم واصلت مسيرها. وقد تذكرت أيامها مع زوجها وعلاقتهما وماكان يسودها من حب ومودة وصفا وكيف وصل بهم الحال الى طريق مسدودة وقد صورت هذه الأحداث والمواقف بقصيدة خالدة تصف المعاناة وصف دقيق
      تقول الشاعرة نورة حوشان الرشيدي:




      يالعين هلي صافي الدمع هليـه
      واليا انتهى صافيه هاتي سريبه

      ويالعين شوفي زرع خلك وراعيه
      هاذي معاويـده وهـاذي قليبـه

      من أول خلـي قريـب ونرجيـه
      واليـوم جيتهـم علينـا تعيبـة

      يمرني بالـدرب معـاد احاكيـه
      ياكبرها ياعبرها مـن مصيبـة

      واللي يبينا عيٌت النفـس تبيـه
      واللي نبا عيٌا البخـت لايجيبـه [/align]

      تعليق

      • ((الدلبحي))

        رابطة محبي الهيلا

        • Mar 2003
        • 6010

        #4
        الصارم

        تشكر على الطرح والاخ سلطان الرشيدي تشكر على الاجابه

        تحيااااااااااااااااتي

        تعليق

        • أبو فيصل
          مشرف سابق
          • Dec 2004
          • 3538

          #5
          [align=center]هلا أخوي الصارم

          القصة و القصيدة أوردت من قبل و تجدها على هذا الرابط



          تحياتي
          [/align]
          لا إله إلا أنت سبحانك إني كنت من الظالمين

          تعليق

          • مروي العطاشا

            رابطة محبي الهيلا

            • Aug 2004
            • 1089

            #6
            مشكورين الاخوان

            تعليق

            العمل...