مشاري بن سلطان بن ربيعان

طي
X
 
  • التوقيت
  • إظهار
مسح الكل
المشاركات الجديدة
  • سيف الدوله
    عضو
    • Dec 2002
    • 18

    #1

    مشاري بن سلطان بن ربيعان

    مشاري بن سلطان بن ربيعان من شيوخ الروقه من عتيبه , وشيختهم قديمه , منهم الشيخ مسلط بن محمد بن ربيعان الشجاع الأول المشهور بالفروسيه.
    والشيخ مشاري هو والد الشاعر المشهور ذعار بن ربيعان.

    وهذه القصيده تعتبر من أشهر القصائد التي قيلت في القهوه


    مانيب هلباجٍ على النوم نعاس
    همه طعامه لين كرشه ملاها

    ادّرج الدنيا بالأفعال وقياس
    نسعد عيونٍ وعين نسحن دواها

    لاضاق صدري جبت نجرٍ ومحماس
    ودلالٍ بيض غاليٍ مشتراها

    قم سو فنجالٍ على خمسة اجناس
    احذر تجي حرقه وبالك نياها

    خلك لها عن كل عذروب حساس
    قيّس لها الطبخه على قد ماها

    حتى يجي فنجالها يجل الأعماس
    عقب الصلف والسهر مااكبر غلاها

    خصص مشاكيلٍ على النار جلاس
    حبوس الرجال اللي بعيدٍ مداها

    بدوا به اللي للمعادين نطاس
    مودع سمان الهجن يثلع حفاها

    والثاني اللي يثني العصب بالراس
    في ربعة يشبع بها من نصاها

    والثالث اللي يحتمي دن الأفراس
    لاروحت خيلٍ بخيلٍ حماها

    وباقي الملا لو ماتقهويه لاباس
    هذارة المجلس قليلٍ حلاها

    لانافعٍ ربعه ولاحاش نوماس
    ضبّاط مال ولايذّري ذراها
  • فرهــودي
    عضو فضي
    • Nov 2002
    • 231

    #2
    سيف الدولة

    يعطيك العافية وماقصرت والقصيدة رائعه جدا اشكرك عليها..
    الله لايحرمنا من ابداعاتك..

    تقبل تحياتي،،
    نسيم الليل

    تعليق

    • الصمصام
      عضو فضي
      • Nov 2002
      • 234

      #3
      وسبعين نعم بابن ربيعان

      تسلم ياسيف الدوله

      بس القصيده هاذي لمن لمشاري بن سلطان ولا لمن

      والله لا يهينك منهو اللي يقول

      يامعذربين التتن لولاه لولاه
      *************************** لولا شرابه ياعرب وين اروحي
      لولا شراب العظم يوم اني املاه
      ************************* اكويه بالجمره ويكوي جروحي
      مع دله ....الخ



      تقبل تحياتي

      الصمصـــــــــــــــــــام

      تعليق

      • سيف الدوله
        عضو
        • Dec 2002
        • 18

        #4
        أخوي نسيم الليل : الله يعافيك وما سوينا الا الواجب وننتظر الإبداع من الجميع

        أخوي: الصمصام:لا هنت والله يسلمك هذي القصيده هي لمشاري بن ربيعان

        وقصيدة ( يامعذربين التتن لولاه لولاه) هي ياطويل العمر لولده ذعار بن مشاري بن سلطان بن ربيعان.

        ولكم تحياتي
        سيف الدوله

        تعليق

        • بدوي
          عضو
          • Jan 2003
          • 13

          #5
          تحياتي للك ياسيف












          رحمه الله الشيخ مشاري بن سلطان

          تعليق

          • راعي الابل
            عضو نشيط
            • Dec 2002
            • 83

            #6
            يامعذربين التتن لولاه لولاه
            لولا شرابه ياعرب وين اروحي

            والله لولا العظم يوم اني املاه
            اكويه بالجمره ويكوي جروحي

            مع دلة صفراء على النار مركاه
            واقصر بصبتها على كيف روحي

            فنجالها كنه خضاب الخونداه
            الجادل اللي عند اهلها طموحي

            تســـلم يمينك ( سيف الدوله )
            على القصيده والايضاح

            تعليق

            • سيف الدوله
              عضو
              • Dec 2002
              • 18

              #7
              الأخ بدوي مشكور على الرد والتفاعل

              الأخ (راع البل) الله يسلمك ويعافيك ومشكور على التفاعل

              تعليق

              العمل...