السلام عليكم ورحمة الله وبركاته

طي
X
 
  • التوقيت
  • إظهار
مسح الكل
المشاركات الجديدة
  • سيف عبدالله العتيبي
    عضو
    • Apr 2009
    • 3

    #1

    السلام عليكم ورحمة الله وبركاته

    [align=center]أخواني اعضاء منتدي عتيبه يسرني ان اكون بينكم ويسرني انت

    تكون بداياتي في شخص يفعل الطيب وهو الشيخ / سلطان بن هزاع

    الدويش لدوره الكبير وفزعته مع شاعرنا ناجي الروقي الذي لم يعرفه

    آنما قام الشاعر بدخول إلي بيت فاتح ابوابه فسئل عن بيت قريب له

    بالحاره فقال له اقلط ونعلمك فدخل الشاعرفقال اسئلك بالله يارجال من

    بيته فرد فقال بيت هزاع الدويش فقال وصلت خير اجل فقدمو لشاعر

    الافطار وتبادلو الاحاديث القديمه فسئله الشاعر مره اخرئ عن قريبه

    فقال الامير والله مانعرف خويك بس إذا انت مسير تراك عندي وإذا لك

    لزوم انشالله نحله فابتسم الشاعر وقال صدقت ولزومي تحله يالدويش

    بس انت ماعرفتني ولاسئلتني من انا قال الرياجيل من كلامهم ولايحتاج

    اسئلك الضيف ثلاث ايام ماينسئل فقال الشاعر متمسك بالعاداة يالامير

    فضحك وقال لزومك وحليناه وواجبك وطاح امر ياولد فقال له الشاعر انا

    الشاعر ناجي الروقي فرد بونعم بعتيبه الهيلا انت من يستحق النعم

    يامكرم الخطاطير وياقاضئ الحاجات اترككم مع قصيدة الشاعر

    ويستاهل الدويش ولايستغرب الطيب من اهله ....................

    اليكم القصيده[/align][poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    ياربعي الروقه طويلين الأيمان=يوم العزاوي واعتقاب السهومي

    ردو سلامي لصميدع كحيلان=ابن الدويش الليث قرم القرومي

    سلطان ابن هزاع والعلم وكدان=بالطيب زامي مثل ضلع البقومي

    تنشر له البيضا علي كل مابان=شيخن ولد شيخن يسد اللزومي

    انا اشهد انه قرم والعلم نيشان=وعزالله انه حرن اشقر يزومي

    جدانه الابطال والخال سلطان=وبوه مقدامن شجيعن عزومي

    إلي بداء لازم تنصيت دوشان=وكبيت جمع الخايبين الرخومي

    يشفونك الدوشان في كل ميدان=أهل الفعول وحافظين السلومي

    اشيوخً أبطالً صناديد فرسان=يومن عج الخيل يغطا الحزومي

    يردون حوض الموت ميراد عطشان=يجحدهم اللي مايعرف اليمومي

    يالله يالمعبود ياقاضي الشان=يارافعن سبعً تحتها النجومي

    احفظ لنا الي كنه السيف شامان=سلطان ابن هزاع وانت الرحومي[/poem]
  • محمد العتيبي

    مشرف منتدى شعراء قبيلة عتيبه

    • Mar 2005
    • 10789

    #2
    [align=center]وعليكم السلام ورحمة الله وبركاته

    الله يحييك يالغالي تحية المطر ..

    وتشرفنا بوجودك بيننا ..

    ونعم في الشيخ / سلطان الدويش .. وبيَض الله وجهه

    على حسن الأستقبال ..

    وصح لسانك على القصيده الجزله وماقصرت

    تحيتي لك
    ...[/align]
    [align=center][/align]








    [align=center]للتواصل عبر twitter تويتر


    al_bargawy@
    [/align]

    تعليق

    • @ـايل

      مشرف المنتديات العامة

      • Jan 2008
      • 9251

      #3
      وعليكم السلام ورحمة الله وبركاته ...

      حياك الله ياسيف ابن عبدالله العتيبي...في محلك وعند ابناء عمومتك ...متمنين لك وللجميع التوفيق..

      وبدايه موفقه ...ويستاهل هزاع الدويش ..ونعم فيه ..رجل مواقف والطيب لايستغرب على اهله ...وكذلك شاعرنا ناجي الروقي ابيض وجه ..صح لسانه على القصيده الطيبه ..

      واشكرك على ايرادك القصه ...
      وياهلا ومرحبا ...

      اخوك/هايل العتيبي...

      ...........
      تويتر : AlHooL@

      تعليق

      • سيف عبدالله العتيبي
        عضو
        • Apr 2009
        • 3

        #4
        هلا ومرحبااا اخوي محمد سعدت بوجودك وتشريفك الكريم

        هلا أخوي هايل وسعدت بوجودك وبيض الله وجيهكم

        تعليق

        • عبدالله الجـــذع
          مشرف منتدى قصه وقصيده
          • Sep 2007
          • 8093

          #5
          لاهنت ياسيف

          قصه وقصيده تدل على مكارم الرجال
          وشهامتهم وحفظهم للعادات والتقاليد


          كل ممدوح يستاهل

          الف شكر لك

          محبك
          .
          قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


          .
          قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
          فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

          .

          موقع يضم جميع القراء


          هنا

          تعليق

          العمل...