احد ابناء القبيلة يجسد معنى الاخوه و الفزعه عند عتيبه

طي
X
 
  • التوقيت
  • إظهار
مسح الكل
المشاركات الجديدة
  • مــجــري
    عضو
    • Jun 2007
    • 5

    #1

    احد ابناء القبيلة يجسد معنى الاخوه و الفزعه عند عتيبه

    بسم الله الرحمن الرحيم


    في عام 1415 هـ في مدينة الرياض (( الجنادريه )) وقعت مشاجره عنيفه بين كلٍ من مسفر بن

    عبدالرحمن ال شامر العجمي وكثير من الرشايده وحين وصول شقيقه سعد بن عبدالرحمن والذي كان

    برفقته المرحوم // مشعل بن عبود الكنيدش القسامي العتيبي الذان كانا يعملان في كتيبة الشرطه

    العسكريه الخاصه بالخرج فا اذا بالمشاجره قد وقعت قبلهم بدقائق مما ادى اشتباك المذكورين معهم في

    المشاجره فاخذا المرحوم مشعل الرشاش واطلق النار على الخصم الثاني مما ادى الى اصابة اربعةٍ منهم
    وادخل مشعل والعجمان السجن على اثر هذه المشاجره فتقدم احد شيوخ العجمان برهن ماله وحاله دون

    مشعل العتيبي وهذا إن دل فانما يدل على النخوه والشهامه التي ليست مستغربه على قبيلة العجمان

    وقبيلة عتيبه


    وقد وجه الشاعر سعد بن عبد الرحمن الشامر العجمي اثناء وجوده في السجن
    هذه القصيده التي يمتدح فيها مشعل عبود الكنيدش القسامي العتيبي في فزعته وشجاعته ونخوته

    فقال:


    [poem=font="simplified arabic,6,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    ابدا بذكر الله عليم السراير= الواحد المعبود جزل العطايا

    اللي خلق بالكون عادل وجاير = واللي عدل بالحق زين المزايا

    وأرسل تحياتي لولد العشاير = مبيض وجيه القوم يوم المنايا

    شيخ من العتبان ولد الحراير = ضاري على الامجاد وحسن النوايا

    يفدونك العجمان بدو وحضاير = عساي انا ما اشوف عندك بلايا

    مشعل شعلت اشعال نار السعاير= يوم انتخيتك قمت بحق النخايا

    اناشهد انه منك ماجاء قصاير = شيخ ولد شيخ ضريت الحمايا

    ماينهزم من فيك شد النصاير = شديت عزمي فيك ضد الرعايا

    كفيتني ووفيت كاين وصاير = وماضاع حقي وانت ماشي ورايا

    وابعث سلامي الحار من اقصى الضماير= لاخوي مسفر يوم ابدي غلايا

    عضيدي الي يوم تدور الدواير = يوقف معي مايوم ابدي شكايا

    واشكي عليك الحال وابدي السراير = وانخاك انا ياأخوك مت بضمايا

    زاد الحزن بالجوف وامري عساير = ما أدري مصيري كيف وشهي البقايا

    همي غدى بدم جاري وساير = وسبت اهمومي عنك بعيد الخلايا

    ضاري على مجلسك واخذ الخباير= واليوم مالي فيك غير الطرايا

    الحق علي ياخوك ذقت العباير = اجاهد العبرات داخل حشايا

    حاول تشوف احلول حد البصاير = الصبر طال وطال يمك عنايا

    القلب صار اقسام مقسم شطاير = اسرع قبل ما اموت وكتب وصايا

    وإن كان انا قصرت فمني عذاير = وارجي اسموحه منك جدت بخفايا

    وان صار ماترجيه فزف البشاير = لخوك سعد ان كان تحقق رجايا

    وصلاة ربي عدماطار طاير = على نبي الله حسين المزايا[/poem]


    ورد عليه مشعل بهذه القصيده

    [poem=font="simplified arabic,6,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    سر ياقلم وإكتب حروفن غزاير = يامرحبا بالخط وأبك البقايا
    اهلا هلابك عد ماطار طاير= وعداد من لبا وذكاء ضحايا
    ترحيبتن تضفي على كل شامر= أهل الكرم وأهل الفخر والحمايا
    وحنا فعايلنا بروس المناير = نرمي جثايا القوم وسط الهبايا
    وعلى الخوي والجار نضفي ستاير= وانا من الهيلا وساع النحايا
    ولي ماقفن معكم على كل باير = ورواحنا دون خويانا هدايا
    وراع الخطا نسقيه مر المراير = ونجزي هل المعروف بحسن مزايا
    ندفع على دوس الحرايب بشاير = والله لولا الحكم لجلب سرايا
    واطلع سعد من سجنته بذخاير = ولاشك تترجع علينا وهايا
    وماقدر المولا على العبد صاير = والصبر مفتاح الفرج للقضايا
    تنحل لو نخسر عليها خساير= والله يسويها حسين السوايا
    والله غفر ذنبه عن ام الكباير = يشهد على ماقول جزل العطايا
    لاتشتكي وهموم قلبي حضاير = ميرادها فالقلب ورد الضمايا
    وأفز مثل اللي بعظمة جباير = ساقه وفخذه غادياتٍ شظايا
    والدمع من عيني تهله عباير = ومنها عروق القلب تكوي كوايا
    ويسوقه الهاجوس والفكر حاير = ويسوقه الهاجوس سوق المطايا
    ولياعذلت القلب ماطاع شاير = خطرن علي ازور حوض المنايا
    والله على ما امشي بروس الزباير = في ماقعن ماشفت مثله تهايا
    وابعد عن الديره واشوف العماير = هذا منا قلبي وهذا دوايا
    في مرتعن لسهاف سحج العشاير = في ماقعن مادندسوه الشوايا
    وصلاة ربي عد ماسار ساير = على شفيع الخلق خير البرايا[/poem]
  • ابو محمد الدعجاني
    عضو مميـــز
    • Aug 2008
    • 3759

    #2
    وحنـا فعايلنـا بـروس المنايـر
    نرمي جثايا القوم وسـط الهبايـا
    وعلى الخوي والجار نضفي ستاير
    وانا من الهيـلا وسـاع النحايـا
    ولي ماقفن معكم على كـل بايـر
    ورواحنـا دون خويانـا هـدايـا


    الله اكبر الله يفك عوقهم ويغفر لهم ويرحم الاموات

    تعليق

    • أبونواف

      رابطة محبي الهيلا

      • Nov 2008
      • 2163

      #3
      [poem= font="simplified arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
      وحنـا فعايلنـا بـروس المنايـر=نرمي جثايا القوم وسـط الهبايـا
      وعلى الخوي والجار نضفي ستاير=وانا من الهيـلا وسـاع النحايـا
      ولي ماقفن معكم على كـل بايـر=ورواحنـا دون خويانـا هـدايـا [/poem]
      [align=center]نسال الله العلي العظيم أن يفرج عنهم همهم [/align]

      تعليق

      • أبو مصلح 511

        رابطة محبي الهيلا

        • Sep 2008
        • 1132

        #4
        الله الله


        يا عتيبه



        الهيلا





        مشكور يا بن العم









        تحياتي

        تعليق

        • عبدالله الجـــذع
          مشرف منتدى قصه وقصيده
          • Sep 2007
          • 8093

          #5
          الله يعطيك العافيه يالغالي

          على هذا النقل المميز


          قصه تجسد معاني الفزعه والاخوه


          الف شكر

          محبك

          .,
          قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


          .
          قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
          فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

          .

          موقع يضم جميع القراء


          هنا

          تعليق

          • البريماني

            رابطة محبي الهيلا

            • Jan 2008
            • 1684

            #6
            الله يرحمه ويسكنه الجنه

            تعليق

            • بدر الكريزي

              مشرف سابق

              • May 2008
              • 2584

              #7


              ولي ماقفن معكم على كـل بايـر
              ــــــــــــــ ورواحنـا دون خويانـا هـدايـا


              الله الله ..

              هذي و الله الخوه الطيبه ..

              لا هنت يا مجري .. و عافاك الله ..
              [align=right]قرأت فيما قرأته من بلوغ المرام .,
              اللي ترك شيء لله ( عاضه الله بخير ) .,
              [/align]

              [align=center].,[/align]
              [align=center]استغفر الله العظيم , و أتوب إليه ‘.[/align]

              تعليق

              • ابو عطا
                عضو ماسي
                • Oct 2007
                • 975

                #8
                الله يرحمه ..

                قصه وقصيدة اعجبتني كثييرا .

                بيوتها جزله .

                بيض الله وجهك على الموضوع الرائع .

                تعليق

                • رايد الهديبي
                  عضو مميـــز
                  • Nov 2008
                  • 997

                  #9
                  [align=center]الله يرحمه

                  ولاهنت ياخوي علي القصه الرااايعه
                  [/align]

                  تعليق

                  • خوي عتيبه
                    عضو
                    • Feb 2009
                    • 2

                    #10
                    بسم الله الرحمن الرحيم
                    الي قبيلة عتيبه هذي غير مستغربه منهم فهم اهل نخوه واهل حميه واهل فزعه ولاقصور في باقي قبائل الجزيره العربيه .
                    هذي نتيجة تجربة مايقارب العشرين سنه من خوة العتبان الذي افتخر في خوتهم و مصاحبتهم طول هذه السنين .


                    خــــــــــــــــــــــــــــــــــوي عتيبه

                    تعليق

                    • ابوزعبه

                      رابطة محبي الهيلا

                      • Dec 2006
                      • 3969

                      #11
                      ورواحنـا دون خويانـا هـدايـا
                      وراع الخطا نسقيه مـر المرايـر

                      الله يرحمه

                      ولاهنت علي القصه والقصيده

                      تعليق

                      العمل...