وصية الأب لأبنه( مرشد بن سعد).<

طي
X
 
  • التوقيت
  • إظهار
مسح الكل
المشاركات الجديدة
  • خالد نوار العتيبي
    عضو ماسي
    • Feb 2009
    • 751

    #1

    وصية الأب لأبنه( مرشد بن سعد).<

    السلام عليكم ورحمة الله وبركاته


    وصية الأب لأبنه:

    فيه واحد من الشعراء له عيال وينصحهم بقصيدة والعيال يسمونهم أول (غوش) إذا صاروا أربعة أو خمسة وهم صغيرين متوالين ورى بعض.

    ففيه قصيدة جيدة للشاعر المعروف شاعر الكويت مرشد البذال الرشيدي يسند علي ولد له اسمه عبد الله ويصغره ويسميه عبيد وهو تراه كفيف

    ويبي بين من القصيدة...





    «®°·.¸.•°°·.¸¸.•°°·.¸.•°®»القصيدة:«®°·.¸.•°°·.¸¸.•°°·.¸.•°®»


    يالله يارب الضعوف المساكين ____ ياللي لك المخلوق يحسن صلاته

    تستر علي غوش صغار مكفين _____ أكبرهم العارف دليله عصاته

    لا ياعيالي كل أبوكم حبيبين _______ عـنـدي وعـنـد كـل وذاتـه

    عندي غلاكم يدفن الزين والشين ___ وعند العرب كل تشاف خملاته

    ياعبيد أنا خابرك ورع لهالحين _____ داو بغبات الجهل وظلماته

    لا شك علمي لك محبه وتفطين ___ تسمع الوالد وثبت وصاته

    ياعبيد أنا بوصيك مني بثنتين ___ ثنتين هن سو البشر وحسناته

    انذرك لاتبحث سدود المغيبين ___ لا تجهر باللي غارق بغفلاته

    ترى النميمه تمحق الرزق والدين ___ والمنزل العالي تهدم طبقاته

    لا تحسب أن أهل الظليمه بخيتين __ كلٍ يوافق ماعمل في وفاته

    وأنذرك عن حق الضعيف والمسكين ___ اللي علي حقه يهل عبراته

    ترا الضعيف لا غدا الليل ليلين _____ يدعي وعند الله توافق دعاته

    الظلم فان الظلم يفني السلاطين ___ ياويل راع الظلم من مقبلاته

    وأنذرك عن ربعة رخوم هايسين ____ اللي سوالفهم بوده وهاته

    ياعبيدالأقشر لو صفى لك نهارين ___ نهار ثالث جاك يرفع قناته

    والله يا عندي ربعة الناس الأقصين ___ ولا صديق يبلشك في حياته

    ترى الرجال بهم فهود وحياوين ___ جاك كلام اللي صحيح ثباته

    وإن كان ماتدري ترى الناس دارين ____ الرجل مدحه بالمجالس طراته

    رجل تعلق به رجال مسمين ____ عــز الرفيق ولا بته ولحماته

    ورجل تشوفه جسم وعيون ويدين ___ ولو لا الشعر ماتفرقه عن خواته

    كم واحد في البيت يضرب بسفين ___ وإن جا حزم كلاب يكبع عباته

    والحلم عند الغيض ينحي الشياطين ___ يكفيك شر أبليس هو ودحراته


    ............

    هذي هي قصيدة مرشد بن سعد البذال الرشيدي اللي يسند فيها علي ولده عبد الله ( عبيد)

    نقل عن الراوي محمد الشرهان

    ومليئة بالحكمة والنصح وإن شاء الله أن فيها الفائدة..


    تحياتي لكم..
  • عبدالرحمن الهيلوم
    عضو
    • Apr 2007
    • 21232

    #2
    مشكوووووووووووووور يالغالي

    تعليق

    • خالد نوار العتيبي
      عضو ماسي
      • Feb 2009
      • 751

      #3
      عبد الرحمن الهيلووم


      شاكر لكـ


      مرووووركـ العطر


      نورت صفحتي نور الله دربكـ


      تحياتي لكـ

      تعليق

      • عبدالله الجـــذع
        مشرف منتدى قصه وقصيده
        • Sep 2007
        • 8093

        #4
        ابو نوار

        الله لايهينك

        قصه وقصيده مهمه في وقتها وفي كل وقت

        الله يصلح النيه والذريه

        الف شكر لك يالغالي

        محبك


        .,
        قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


        .
        قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
        فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

        .

        موقع يضم جميع القراء


        هنا

        تعليق

        • خالد نوار العتيبي
          عضو ماسي
          • Feb 2009
          • 751

          #5
          عبدالله الجذع


          مشكور علي المروور العطر


          نورت متصفحي نور الله دربكـ


          تحياتي لكـ توصلكـ حيث انت

          تعليق

          العمل...