المراشده قصه وقصيده

طي
تم إغلاق هذا الموضوع.
X
X
 
  • التوقيت
  • إظهار
مسح الكل
المشاركات الجديدة
  • ابن مورق
    عضو فعال
    • Mar 2004
    • 133

    #1

    المراشده قصه وقصيده

    [poet font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
    السلام عليكم ورحمه الله

    هذي قصه المراشده السبعه اللى افتكوا الابل

    من القوم (حسب علمى انهم من قبيله مطير) والابل

    للحفاه مااطولها عليكم لاكن الابيات تشرح القصه وارجوا

    من الذين يعرفون القصه والقصيده ان يفيدونى اكثر لان

    هذه معلوماتى عنها واتقبل منكم الايضاحات 0


    هاضنى قبل امس يوم اذن نصيب 000 قال جاكم صايح ستر راسه في عصاه

    ثم توضينا من الماعلى جال القليب 000 وقوم المذن وعجلنا الصلاه

    يوم لدينا ليا بنت ماقد جابت بصيب000 كن حب نهودها فلنحر جمره غضاه

    قلنا وش العلم يابنت والتبريج عيب 000قالت ان المال ياألاد روق اقفي علاه

    يوم جانا صايح البل وحنا نصتصيب 000ميدنا قل الجماعه واللى وراه

    والله انك تزهم الرجل بأسمه مايجيب000 مغلق درب النسم زربه مثل الحصاه

    ثم دنانا المعارك لعجلات الهذيب 000 كل وحده قد طلع قرحها وهيه فتاه

    زادهن الدر والبر وعمور الهذيب 000 لين راحت وحدتهن تشاذي للمهاه

    ثم جا مركاضنا سيرته وامره عجيب 000 يوم ياطن الدعث كنهن مع صفاه

    جعل ذرعان لحقنا عليهن ماتعيب 000 الحذا فيهن ولاوحده تشكى الحفاه

    سبعتن والكل منا على مثل القضيب000 طاير من كف راعيه يطردله قطاه

    سبعتن كم فرقوا حبيب عن حبيب000 سعد منهو لاذ فيهم يبا درب النجاه

    ثم لحقناهم ليا شيخهم رايه صعيب000 ثم خلينا الرمك بالحذا تاطا علاه

    يوم قسمهم صليبين جيناهم صليب000 جا يبى يخيب رجانا وخيبنا رجاه

    كم صبي طاح رايحتن عضاه حطيب000 ماتثور المارتين لين تلحس قفاه

    ثم جا نطل الجنايز مثل نطل الخشيب000 مثل نطلان الخشب فرضن فلاه

    ياهبيل القلب حنا كفايه من يعيب000 دون وبران العشاير نرد حوض المناه

    حشمت اللى يوم جا الوقت تعطينا حليب000يوم لان الزاد وطعومنا تحت الرغاه

    هجمتن وخذت لبرقا من المضما عزيب000 مايجيها طامع غير نرثع في شواه

    هجمتن من وقت عالي وشباب وشبيب00 هم جنبنا ماتلاها الردى ساحب عصاه


    وسلامتكم



    [/poet]
  • ابو ماجدالمرشدي
    عضو ذهبي
    • Sep 2003
    • 320

    #2
    الاخ الكريم ابن مورق

    تسلم والله يعطيك العافيه ولا هنت

    ولكن للتوضيح ذكرت ان الابل الي اخذوها القوم للحفاه والصحيح انها ابل شبيب ابن حجنه النفيعي

    والشاهد من القصيده

    هجمتن وخذت لبرقا من المضما عزيب000 مايجيها طامع غير نرثع في شواه


    هجمتن من وقت عالي وشباب وشبيب00 هم جنبنا ماتلاها الردى ساحب عصاه


    ولك جزيل الشكر

    تعليق

    • ابن مورق
      عضو فعال
      • Mar 2004
      • 133

      #3
      اخوى ابو ماجد

      صدقت والله مدري كيف راحت عليه

      ماقصرت وشكرا لك على التوضيح

      وبيض الله وجهك

      تقبل حياتى قبل تحياتى

      تعليق

      • المورقي22
        مراقب سابق
        • Sep 2003
        • 493

        #4
        تسلم والله يابن مورق


        قصه وقصيده رائعه


        ونحن في انتظار جديدك


        من القصص


        ولك خالص تحياتي

        تعليق

        • التاريخ
          عضو نشيط
          • Feb 2004
          • 34

          #5
          الاخ بن مورق
          السلام عليكم ورحمة الله وبركاته

          ما قصرت ومشكور على القصيده وقائل القصيده هو / سيف الحكره المرشدي غفرالله له ولأموات المسلمين والبل لشبيب بن حجنه

          تحياتي للجميع

          تعليق

          • ابن مورق
            عضو فعال
            • Mar 2004
            • 133

            #6
            اخوى التاريخ

            العفو وماسوينا شىء

            والله يرحم اموات المسلمين

            وحنا ماودجنا هنا الا لخدمه منتدى الهيلا

            لك اصدق التحايا والود

            تعليق

            • راعي الحرشا
              عضو نشيط
              • Feb 2003
              • 55

              #7
              السلام عليكم جميعا00 ومشكور ياابن مورق على هذه المشاركه واسمح لى ببعض الاضافات00
              البل هى ابل الشيخ شبيب بن حجنه والقصيده للشاعر سيف الحكره المرشدى 0
              واللذين ردوها هم ال تنيبيك وعبدهم نصيب 00 واختلف الرواه على القصه 0
              والمراشده على الشيخ ضيف الله ابن مدوخ ابن تنيبيك ومعه سته فرسان هم00
              1- ركيان بن مطلق ابن تنيبيك0
              2-سحمان ابن حزام بن تنيبيك0
              3-تركي ابن عقاب ابن تنيبيك0
              4-مترك ابن عقاب ابن تنيبيك0
              5-الفارس نصيب عبد التنابيك0
              6- الشاعر سيف الحكره المرشدى0
              وللجميع تحياتى0

              تعليق

              • ابن مورق
                عضو فعال
                • Mar 2004
                • 133

                #8
                هلا وغلا براع الحرشا

                مشكوووووووووور ولاقصرت

                بالنسبه للتوضيح ماقصر اخوى ابو ماجد

                وضح جميع مالا ادركه وبالنسبه لى تراها غلطه

                مطبعيه بس خليتها عشان ماتقولون رجع وصححها

                <========= مسوى فاهم

                اخوى راعي الحرشا

                بيض الله وجهك ولاقصرت انت والاخوان

                دمتم لنا ولمنتدى الهيلااااااا نبراساّ

                تعليق

                • براق
                  عضو
                  • Feb 2004
                  • 12

                  #9
                  الشباب ماقصروا في الأيضاح ولاكن الاخ راع الحرشا وفا وكفا وهذا ماسمعته من شيبانا ودمتم

                  تعليق

                  • ابن مورق
                    عضو فعال
                    • Mar 2004
                    • 133

                    #10
                    اخى البراق

                    شكرا لحظورك وتشريفك

                    تعليق

                    • ابو ماجدالمرشدي
                      عضو ذهبي
                      • Sep 2003
                      • 320

                      #11
                      اخوي راعي الحرشا بيض الله وجهك ومشكور على جهدك لكن لي تصحيح

                      هو الثابت ان الي ردو الابل هم ذو عبيد من المراشده لكن الاسماء الي ذكرتها ماهي

                      كلها صحيحه

                      الثابت المعروف من الي ردو الابل اربعه من السبعه والثلاثه الباقين غير معروفين

                      وموضع خلاف

                      والمعروفين والي ثابت انهم كانو من الي رد الابل هم

                      1- دعسان بن هليل المرشدي
                      2- عبدالهادي بن جحيد ل المرشدي
                      3- ركيان بن مطلق بن تنيبيك المرشدي
                      4 نصيب عبد ركيان بن مطلق

                      اما الثلاثه الباقين فهم غير معروفين حتى الشاعر سيف الحكره لم يكن حاظر

                      ولكن بما انه شاعر مرشدي قال القصيده يمدح ربعه وفعولهم


                      هذا ما احببت ان اوضحه


                      ولكم جزيل الشكر

                      تعليق

                      • راعي الحرشا
                        عضو نشيط
                        • Feb 2003
                        • 55

                        #12
                        ههههههههههههههههههههههههه0
                        الله يجزاك خير ياابو ماجد 00 مالقيت الا هاالسالفه اللى كل عتيبه يعرفونها0
                        بصراحه لو قلت غير هاالكلام يمكن يمشى لكن كلامك هذا هو من العجائب فى هذا الزمان0
                        هؤلاء الابطال وعلى راسهم الامير الشهير ضيف الله ابن مدوخ ابن تنيبيك ليسوا فى حال التشكيك بهم والسبعه كما ذكرتهم فى ردى السابق باتفاق ال تنيبيك
                        ولو الحكره ماهو معهم كان قالو ذلك وحطوا مكانه من فرسان قومهم اللذين ذكرتهم انت لانهم الاقرب لهم ولكنه التاريخ وافعال الرجال التى لاتنسى0
                        بعدين الكارثه فى ردك انك تنفى وجود الامير ضيف الله ابن تنيبيك رغم انه لوكان هناك شك فهو لغيره لانه قائدهم وهو اللذى قتل المندهه شيخ بنى عزيزمن مطير وهم اللذين اخذوا الابل0

                        تعليق

                        • ابو ماجدالمرشدي
                          عضو ذهبي
                          • Sep 2003
                          • 320

                          #13
                          اخوي راع الحرشا الله يكفينا شر الكوارث

                          ومن قال اني اشكك في ال تنيبيك ولا اقول فيهم شي الله يصلحك واذا تقول ان السبعه باتفاق ال تنيبيك فهذا ماهو دليل لان الي انا ذكرته باتفاق ذوي عبيد من المراشده
                          والسبعه فيهم من التنابكه ركيان بن مطلق بن تنيبيك وعبده نصيب لكن انك تقولي انهم كلهم من التنابكه فهذا الي انا رديت عليه

                          والشيخ ضيف الله معروف واذا كان ماحظر فهذا ماهو تشكيك فيه لكن وارجع واقولك باتفاق شيبان ذوي عبيد انه ماكان موجود ولا حظر

                          واذا تقول ان الحكره معهم فهذا كلام اخر تقوله ماله دليل لان قول شيبان الربع وبلاتفاق بينهم انه ماهو معهم ولكن شاعر قال القصيده لتخليد فعل ربعه

                          ارجو اذا انه عندك مصدر ثاني غير كلام التنيبيك انك تذكره لاني انا مثل باقي الاخوان

                          اطلب العلم الاكيد وكلنا ما بحثنا ها الامر وغيره الا لتحقيق الحقيقه

                          انا ذكرت لك كلام شيبان ذوي عبيد بعد ما سالتهم واعتقد انهم عندهم خبر اكيد وشرح وافي


                          وارد واقول الله يكفينا شر الكوارث وانا اخوك وزياده الحماسه في الرد ترى ماهيب مطلوبه

                          نسال الله انه يهدي الجميع

                          تعليق

                          • راعي الحرشا
                            عضو نشيط
                            • Feb 2003
                            • 55

                            #14
                            هلا ياابوماجد0000 ومع احترامى لك كل ماذكرته غير صحيح ومن الواضح انها من الروايات الجديده لاحد المخربين لتاريخ ال تنيبيك خاصه وتاريخ عتيبه عامه وانت تعرفه بالتاكيد0
                            هذه القصه وابطالها معروفه ولااحد ينكرها اوينكرهم0
                            لايوجد فى كافة ذوى عبيد والمراشده عموما من قال كما قلت 00 وكيف ذالك وقد سمعتها من الكثيرين من رواة المراشده وذوى عبيد بالذات ولم اسمع بالفرسان اللذين ذكرتهم قد اشتركوا فيها علما ان المعركه هذه ليس فيها مجال لاضافة احد فهم سبعه معروفين وقائدهم ضيف الله ابن مدوخ ال تنيبيك 000
                            كما ان الرواه حين يذكرونها يقولون (التنابكه اللى ردوا البل)0
                            وعموما اتمنى منك ان تتحرى الحقيقه بعيدا عن هذا الاسلوب اللذى اصبح مكشوفا للجميع0000000000000000000000000000000000000000000

                            تعليق

                            • ابو ماجدالمرشدي
                              عضو ذهبي
                              • Sep 2003
                              • 320

                              #15
                              اخوي راع الحرشا هلا بك

                              الله يهديك اخرب تاريخ ال تنيبيك !!!! ؟؟؟ نتجازو عن ها النقطه لانها قووويه شوي ولا وش رايك

                              بالنسبه للقصه فهي معروفه وما فيها شك او جدال اما بالنسبه للاضافه فهي ماتمت من ناحيتي وارجو انك تراجع مصادرك وتتاكد منها وحاول تنوعها لاتعتمد على مصدر واحد0 0 0 0 اعتقد انك فاهم قصدي

                              اما ان الرواه يقولون التنابكه الي ردوو الابل فهذي اول مره اسمعها منك وحصر رد الابل في التنابكه موضوع جديد الي يقال انه المراشده الي ردوو الابل لا يقال ذوي عبيد او يقال التنابكه

                              اما بالنسبه للاسلوب الي صار واضح للجميع فاانا مافهمت قصدك ولو انه باين ان فيه تليمح ارجو انه يصير تصريح تلافي لسوء الفهم


                              انا ماذكرت الي ذكرته الا من باب حفظ التاريخ ماهو تخريبه وما عندي اي موقف ضد ال تنيبيك او غيرهم ارجو ان النقطه ذي تكون واضحه للجميع


                              ولكم خالص تحياتي

                              تعليق

                              العمل...