قبيلتي قحطان وابكي عتيبي .::. أبكي على ريف النشاما إلى غاب

طي
X
 
  • التوقيت
  • إظهار
مسح الكل
المشاركات الجديدة
  • عــ الد ـــيـــ لبحي ـــد
    عضو فعال
    • May 2008
    • 132

    #1

    قبيلتي قحطان وابكي عتيبي .::. أبكي على ريف النشاما إلى غاب

    السلام عليكم ورحمه الله وركاته :.


    قصة من قصص الوفاء والتمسك بالصداقة

    قصه جرت من حوالي ثلاثين سنة حيث كان الشاعر الشيخ حمد بن سمعان من قبيلة قحطان ساكنا بجوار ه أمير اللواء الثامن بالحرس الوطني سابقا المرحوم الشيخ محمد بن مناحي الهيضل شيخ الدعاجين من عتيبة ويقضون وقتهم في تبادل القصص والاشعار وفي يوم من الايام جاه رجل ويبكي ويقول صديقك محمد توفي ويطلب الحل فتأثر حمد وسكت قليلا ثم راح وربعه لدفنه وعندما انتهو من دفنه بقى حمد عند قبره فأخذ يرثي خويه وقال ابياتا من الشعر ذكر فيها خصاله الحميدة حيث يقول





    [poem=font="simplified arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

    يا الله ياللي فـوق خلقـه رقيبـي=يا مدبـر كـل المقاديـر باسبـاب
    عنا على الدنيا ولأمـر الصعيبـي=واغفر لنا يا اللي على العبد تـواب
    أمس الضحا غافل وقلبـي مغيبـي=واوحيت حس مصيح صاح مرتاب
    قلت الخبر قالـوا فـراق الحبيبـي=قالوا محمد ميـت والقـدر صـاب
    فريـت فـرة مستخـف رعيبـي=وجضيت جضة من كلا رجله الداب
    والصدر بالعبرات ينحـب نحيبـي=والدمع من عيني على الخد سكـاب
    قبيلتـي قحطـان وابكـي اعتيبـي=ابكي على ريف النشاما إلى غـاب
    مادبر الله كـان غصـب وطيبـي=ولا احد بحكمه له نكيـف وطـلاب
    مرحوم ياللي مـا شكـاه القريبـي=ولا شكوا منه الرفاقـة والاجنـاب
    سهل الجناب ومحضره مـا يغيبـي=له مجلس يـرده عيـال وشيـاب
    يامـر لهـم بمهيـلات وطيـبـي=دايم دوام وراعي الكيـف صبـاب
    ويدني خويـه بالمكـان القريبـي=ما يتركه محقور يجلس ورى الباب
    والى هـرج كـل لهرجـه يجيبـي=مافيه من بعض القشر زود ورهاب
    شيخ ولد شيخ وساسـه عريبـي=والطيب له من ساس جده والانساب
    ماله جنيس كـود حلـو الحليبـي=من الملا ما يكرهـه كـل شـراب
    عسـاه بالجنـات مالـه حسيبـي=والحـور يلقنـه بفـزة وترحـاب
    ولامات شيخ مـرث لـه عقيبـي=فرخ تنهض بين صايـح وجـذاب
    خالد ترى كسب المراجل صعيبـي=يكود من عض النواجـذ بالانيـاب
    حاذور من خطوى جليس غضيبـي=يودعك شيـن بالرفاقـه وسبـاب
    مجالس اهل الشـر ذنـب وعيبـي=ومجالس اهل الخير يدخلك الابواب
    باب المعـزة وارتفـاع ا لنصيبـي=باب الهدى والرشد للخيـر كسـاب
    وصلوا على سيد العبـاد الحبيبـي=اعداد ما خط القلـم حبـر وكتـاب[/poem]






    وتقبلوا خالص تحياتي



    عـيــد الــدلبحــي
  • عبدالرحمن الهيلوم
    عضو
    • Apr 2007
    • 21232

    #2
    بيض الله وجيه الرجال شرواك ولاغرابه قحطان وعتيبه هل الطيب والنخوه وعلوم المرجله والجيره
    ولامهونتن بكل القبايل
    فالطيب للجميع

    تعليق

    • فهد العطاوي555
      عضو ماسي
      • Jul 2008
      • 533

      #3
      بارك الله بك , شكراً أخي الكريم

      تعليق

      • نزهان الروقي
        عضو ذهبي
        • May 2008
        • 303

        #4
        الله يرحمه




        وبيض الله وجهه القحطاني اللى مانسى خوويه





        واشكرك علي الموضووع الجميل

        تعليق

        • عبدالله الجـــذع
          مشرف منتدى قصه وقصيده
          • Sep 2007
          • 8093

          #5
          بيض الله وجهك يالغالي

          ورحم الله الشيخ

          وهذي عادات الرجال الاوفياء

          الف شكر

          محبك
          .,
          قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


          .
          قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
          فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

          .

          موقع يضم جميع القراء


          هنا

          تعليق

          • ابن طامي
            عضو ماسي
            • Mar 2007
            • 661

            #6
            الله يـرحـم الشيـخ محمد ..



            وقحطـان وعتيبــه .. مافيه شكه بينهــم ..



            ’’,,


            مشـكور .. ياعيـــد ..





            .

            تعليق

            • البريماني

              رابطة محبي الهيلا

              • Jan 2008
              • 1684

              #7
              الله يرحمه ويرحم القحطاااني.....


              وقحطان وعتاابه جيران واحباب...وعواني .....

              تعليق

              • الدلبحيq8
                عضو
                • Sep 2008
                • 1

                #8
                ][®][^][®][[align=center]لا هنت وبيض الله وجهك يالدلبحي


                على الموضوع الجميل


                ونتمنى منك المزيد يالغالي[/align]
                ][®][^][®][

                تعليق

                • ابو دعج
                  عضو
                  • Nov 2006
                  • 10

                  #9
                  يعطيك العافيه ومشكور

                  تعليق

                  • ابو محمد الدعجاني
                    عضو مميـــز
                    • Aug 2008
                    • 3759

                    #10
                    الله يرحم جميع المسلمين ومشكور يالدلبحي على الموظوع

                    تعليق

                    • إستراحة محارب
                      عضو ماسي
                      • Jun 2008
                      • 430

                      #11
                      بيض الله وجهك

                      الله يرحم الحميع وفعلا مرثية رائعة

                      تعليق

                      • ابوزعبه

                        رابطة محبي الهيلا

                        • Dec 2006
                        • 3969

                        #12
                        الله يعطيك العافيه وماقصرت

                        تعليق

                        العمل...