ابن سبيل والعضيان!!!!!!

طي
X
 
  • التوقيت
  • إظهار
مسح الكل
المشاركات الجديدة
  • سيف العدل
    عضو فضي
    • Jun 2003
    • 287

    #1

    ابن سبيل والعضيان!!!!!!

    عبدالله بن حمود بن سبيل أميرحاضرة نفي والشاعر الذي تناقل شعره الركبان وشغل ليالي السمر في المجالس عاش في بلدته نفي وعينه الملك عبدالعزيز عام 1322 هـ أميرا لها وظل أميرا حتى توفي سنة 1352 هـ .
    وفي عام 1317 هـ اخذت غنم اهل بلدة نفي والذي اخذها هو بجاد الخراص من عتيبه ولحقها اهل نفي ولم يدركوها وكان ذلك في الوقت المرافق لاهل نفي هو صنيتان الضيط هو وجماعته (كانت كل قريه قبل توحيد المملكه تاخذ من كل قبيله رجل يسمى رفيق القريه يتكفل بحماية القريه من قبيلته واذا اخذ للقريه أي شئ يتكفل بإعادته وهكذا كان صنيتان الضيط وجماعته رفقاء اهل نفي ) وقبل الحادثه باربعة ايام توالى على الشاعر عبدالله بن سبيل ضيوف منهم وهم ستة رجال من الغنانيم فاواهم واكرمهم وعند رحيلهم اعطاهم زهاب للرحله واعطاهم لبنا من لبن غنمه وكانت في العوائد السابقه اذا اتى الضيف واكل من زاد أي بلد ياتيها فهو يحميها من جماعته أي قبيلته التي هو منها , وقال ابن سبيل هذه القصيده وارسلها الى صنيتان الضيط امير العضيان بطلب تادية غنم اهل نفي يقول ابن سبيل في قصيدته :

    قم يانديبي قربها0000 حمرا بيض محاقبها
    دور لك رود ٍ يقضبها0000 اركب مابيك تثنيها

    اركب مافيك مراواه 0000 باد ٍ لك درب ٍ تنصاه
    وارفع راسك واخذ وصاه 0000 مني للضيط اتوديها

    ترى غيرك ماوصيته 0000 درهم واوقف على بيته
    وارفع بالصوت الى جيته 000 قدام الهرجه تبديها

    ازهم مارق وصنيتان 0000 ومن الخمسه كل اسنان
    وازهم جميع العضيان 0000 ربع تعجب عزاويها

    والغبيوي لاتنساه 0000 والدماسين العصاه
    ربع مافيهم تلقاه 0000 الى وصلت قواصيها

    والمراشده القروم 0000 عوق العايل بالزحوم
    كم مال خلوه قسوم 0000 لاثار الملح بتاليها

    هقوه اني ماخليت 0000 من الحشمه راعي بيت
    زبن المضيوم من اطريت 000 اليا كربت مداليها

    والى سمعوك او لبولك 0000 ارفع راسك واوقف طولك
    حتى كل ٍ يسمع قولك 0000 عجب عين اللي شاكيها

    قله غنمنا تنخاكم 0000 ولاندري وش وراكم
    نشرب الما في رجاكم 000 وام الورعان انرجويها

    اخذ غنمنا الخراص 0000 واحتدانا بالرصاص
    اخسو مافيكم مفراص 000 ينقا به والا يديها

    ثلاثميه معدوده 0000 مافيها عنز ولاعوده
    اصغرها كبر المفروده 000 انسرحها وانضويها

    سود نجود الا روسه 000 خلفات واكبر اديوسه
    لامخفات ولامدسوسه 000 يشهد عليها راعيها

    حول بالقاع ووسمها 000 واشبع قومه من لحمها
    تثاغا يوم يقسمها 0000 كل ٍ يوحي تثاغيها

    منهن شاتي وآسفابه 000 ملاية كوز الحلابه
    عليكم منها جنابه 0000 والما ماينظف راعيها

    ببطون السته ملحتها 00000 وايدامهم اتلا حلبتها
    شالو مزهبهم علقتها 0000 ياعتيبه هذي وش فيها

    مقروره عند ابن صايل 000 تنخا وافين الخصايل
    والعاني يد الاصايل 00000 وانا مختار عانيها

    لا واشاتي راحت ظله 0000 خلوها لبجاد ارضي له
    يقول امه فيها عله 0000 يبون صخينه يبريها

    ماجتها مني وهيبه 0000 من ورى خشمي غصيبه
    عزل بجاد من الكسيبه 000 قدام القوم امهاويها

    ان ادوها ماتشناهم 0000 عن هرج الناس بقفاهم
    وان راحت من فداياهم 000 كن الذيب متعشيها

    لو جابو لي عشر عنها 0000 والا خسرولي ثمنها
    ان ما كرعت بلبنها 00000 مايبدي يوم ماطريها

    فان زل العشب الممدوح 000 خيبه تجي والا تروح
    لولا الزبده والصبوح 0000 وش ادور يوم اشريها

    كان العضيان الحمويه 0000 فكاكة راعي الجنبيه
    قامو في هذيك وذيه 0000 جت وارخيلتها تتليها

    ألا يفها خذهن طامي 0000 ابو ثنتين القسامي
    يوم احضرن الوسامي 000 خمس وعشرين ناقيها

    ركب فيها زبن الخايف 0000 ماستكفى بحنيف ونايف
    ماعقب مارق حسايف 0000 ياويلك ياللي مؤويها

    الى جاهم مايبدون 0000 مثل التمره بالماعون
    قدام ينخون يدون 0000 كل يدي ويزكيها

    ترى الطيب يدي لومه 000 خمسته اذراعه وعزومه
    يضوي الخايف على قومه 000 ويطلقها ويسريها

    واللي مزري باللي سارق 0000 ماعاد تثوره المطارق
    مثل اللي مكسور وذارق 0000 اراعيها وايخليها

    وقد قام صنيتان وجماعته باستعادة اغنام اهل نفي وفاء بالتزامهم القليدي ...........



    اخوكم000سيف العدل000
  • متعب العضياني
    عضو ماسي
    • May 2003
    • 707

    #2
    مشكور ياسيف العدل

    وبيض الله وجهك
    ومن هالمستوى لافضل

    تعليق

    • الباحث الصغير
      عضو نشيط
      • Nov 2003
      • 38

      #3
      سلمت ياسيف العدل
      والف نعم بالضيط
      نخاه بن سبيل ولاقصر

      تعليق

      • ابن سهاج
        شـــاعــر
        • Mar 2003
        • 172

        #4
        لااااااهنت ياسيف العدل

        مشكووووووور ..... ياسيف العدل على الحضور الطيب .........

        ودمت .....اخوك فهد العضياني

        تعليق

        • سيف العدل
          عضو فضي
          • Jun 2003
          • 287

          #5
          متعب لاهنت على التواصل

          وتقبل تحياتي0سيف العدل0

          تعليق

          • عطاوي نجد
            عضو نشيط
            • May 2010
            • 31

            #6
            الله يرحم جدي الخراص
            ابن سبيل ينخى بمزحم على الخراريص
            تم التعديل الأخير بواسطة عطاوي نجد؛ 26-Feb-2012, 03:40 PM.

            تعليق

            • محمد الذيابـــي

              مشرف منتدى قصائد الاعضاء

              • Mar 2011
              • 12133

              #7
              ...


              مشكوووووور يالغالي...
              التوقيع

              محمد الذيابـــي

              تعليق

              • عزارم

                رابطة محبي الهيلا

                • Dec 2010
                • 2691

                #8
                ونعم بالمذكورين ولاهنت ياطيب

                تعليق

                العمل...