$$$ تهيض على محل الامراح $$$

طي
X
 
  • التوقيت
  • إظهار
مسح الكل
المشاركات الجديدة
  • شيخ حرب
    عضو نشيط
    • Oct 2003
    • 41

    #1

    $$$ تهيض على محل الامراح $$$

    بالخير يالربع :

    هذه القصه اليوم تحكي معناة البدو وخاصتا اذا كان في وقت دهر الارض مافيها

    عشب هذا الشيخ/متعب ابن مضيان شيخ الظواهر من بني سالم من حرب كان

    مخوي على ابن سعود العرافه فالطايف المهم انه كان عند ربعه فالبر وهم يبي

    يشدون يدورون الربيع فالشمالالمهم انه قالهم احتروني ابى اروح لأبن سعود ابا


    اخذ شرهتي ونشد لمني جيت الوكاد انه وعادهم عقب 10 ايام وتأخر وشدو يوم

    تاخر عليهم المهم ان ابن مضيان جا يدور ربعه مالقى مغير محل شبت النار

    والأمراح وتهيض وقال هذه القصيده :


    هذي منازل ربعنا قبل الاجناب ** هذي مراكي دلالهم والاباريق
    يالله ياللي من ترجاك ماخاب ** انك تليم شملنا عقب تفريق
    انت طبيب الناس ماغيرك اطباب ** نرجيك وانت اللي عليك التوافيق
    انك تخلي للهماليل صباب *** من ادنى الرعون اللي الرياض وصعافيق
    والمزن كنه روس برق ورى هضاب ** واسافله سود من الما مدانيق
    ياخذثمان ايام والوبل صباب ** ومع مثلهن تشبع به البل زماليق























    وسلامتكم يالربع.
  • ابن مشيب
    إدارة أقسام القبيلة
    • Nov 2002
    • 9791

    #2
    جعلك سالم وغانم , قصة وقصيدة رائعة , امتعتنا بها ياشيخ حرب , وهذي سوالف الرجال الي مثلك وشرواك , وانا متابع لقصصك الشيقة.

    رحم الله الشيخ متعب بن مضيان , ورحم الله اموات المسلمين.



    تقبل تحياتي.

    تعليق

    • نهيان الحمادي
      عضو ماسي
      • Jul 2003
      • 677

      #3
      لاهنت على ها المشاركة

      تعليق

      • شيخ حرب
        عضو نشيط
        • Oct 2003
        • 41

        #4
        (*) يالله حيهم (*)

        (*) يامرحبا ترحيبت البدو بالسيل (*)


        # شرواك الطيب يابن مشيب وهلابك عد ماهلت مزون.


        # لاهنت نهيان الحمادي وهلابك عد من صام وصلى.

        تعليق

        العمل...