قصة وأبيات جميلة جدا (وأنت الحكم)

طي
X
 
  • التوقيت
  • إظهار
مسح الكل
المشاركات الجديدة
  • صدوق المخايل
    عضو نشيط
    • Jan 2008
    • 43

    #1

    قصة وأبيات جميلة جدا (وأنت الحكم)

    السلام عليكم ورحمة الله وبركاته: هذه قصة أعجبتني وأردت أن أشارككم بها وهي تدور حول رجل اسمه عايز من قبيلة الزراريق من عتيبة جارت عليه الدنيا وحدته الحاجة انه ينصى واحد من بني عمه الزراريق (خواله الهبشان من ذوي عالي)وكان اسمه رشيد وكان صاحب مال وفير لكنه للأسف طلع ردي وبخيل (وهذه ملاحظة مهمه :ان الردي كل الأطراف تتبرأ منه سواء أبناء عمومته أو خواله وكل طرف ينفي الصلة برداه ويرميه على الطرف الآخر) المهم ان عايز هذا بعد ماصده رشيد ولاقضى حاجته رجع لبيته وشب ناره وتهيض بالقصيدة هذي:


    [poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
    هيض عليه يوم انا نازل لحالـي فالخـلا=نازل لحالي مامعي معزا ولا لـي ضانيـا
    ياكود عشر من الغنم في عدهن عشر سوا=لو اجتلبها في مراحي ماقضت لي شانيـا
    ويابوي ياكم ليلة شبيـت نـاري فالعشـا=سويت لي فنجال كايف لو مني ضرمانيـا
    قلته وانا ربعي ذوي زراق حاميـن القـرا=ربعي ذوي زراق اهل ضين كما الربانيـا
    اقول والشرهة على اللي مرزقه فيه الضفا=مثل الهبيش اللي تـردى ميـت النيرانيـا
    يقول ليه مرجله وابـوك يامـال الخطـا=لافايد المحتاج مـن ربعـه ولا شبعانيـا
    مايسقي الضميان عد فوق ضباح الصفـا=عد على صم الصفا مايسقـي الضميانيـا
    لايحسبنا نانموت المـوت مـاأدري متـى=يموت من تقصر شبوحه عن هذا والثانيـا
    [/poem]



    مشت القصيدة مع الناس وصاروا يقولون (مثل الهبيش اللي تردى ميت النيرانيا)ويرددونها وسمعها واحد من الهبشان من ذوي عالي يقاله عارف بن موصوص ورد عليها يقول:



    [poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
    ياراكب حمرا موجهـة علـى قـد النحـا=وان جيت احليها كما ذيب الخلا سرحانيـا
    مسراحها من كشب واللازم ورا راس القرا=وتلفين عايز في جلال مدسـم الضيفانيـا
    تلقى منازيله ليامنـه نـزل راعـي نحـا=اليا نزل ينزل من الهضبة اليـا العدلانيـا
    نادى ولد عمه رشيد اللي وزانه باسمنـا=وانا اسمنا ماارضى عليه برجحة الميزانيا
    هوه بناخينا ليامنه على على الغيبه حمـا=وان ماحمى حنا حماية بـارد الذرعانيـا
    وان ماحمانا يالعـل تـرداه حمـى الوبـا=تاخذ عليه الثلث حوليـة وترجـع ثانيـا
    وان كان جايه نسر خايع مايجي من يمنا=تقفره تلقى عليـه مـن النسـور الثانيـا
    قعدت له فالريع واليا مشيته فيها الرخـى=وابطى علي ورحت انا في لازمي عجلانيا
    مايحتمل عود البكاة اليا دخل فيـه النـدى=الحاتها تنطف حليـب وعودهـا خرثانيـا
    وان سلتني خاله شعيل الحر مقطوع الغيا=واخاف من هرج يسير به مـع العربانيـا [/poem]





    وسلامتكم.
  • @ـايل

    مشرف المنتديات العامة

    • Jan 2008
    • 9251

    #2
    اخوي صدوق المخايل لاهنت وقواك الله

    اشكرك على القصيده والقصه الطيبه والتي تحكي

    معاناة رجل من رجال القبيله رحمهم الله في رحمته

    اخوي صدوق الله يعافيك والى الامام
    تويتر : AlHooL@

    تعليق

    • صدوق المخايل
      عضو نشيط
      • Jan 2008
      • 43

      #3
      عافاك الله ياولد العم / هـايـل الـعـتـيـبـي : شاكر لك مرورك الجميل وتفاعلك الطيب.

      تعليق

      • سفن اب
        عضو ماسي
        • Dec 2007
        • 493

        #4
        عافاك الله ياولد العم / هـايـل الـعـتـيـبـي : شاكر لك مرورك الجميل وتفاعلك الطيب.

        تعليق

        • @ـايل

          مشرف المنتديات العامة

          • Jan 2008
          • 9251

          #5
          اخوي سفن اب الانتعاش الموضوع مهو لي حق صدوق المخايل

          وانا واياه اخوان مافيه فرق ان شاء الله

          عافاك الله ولاهنت
          تويتر : AlHooL@

          تعليق

          • محب الهيلا
            عضو ممـــيز
            • Nov 2007
            • 20292

            #6
            [align=center]مشكور وماقصرت علىالقصة والقصيدة[/align]

            تعليق

            • عبدالرحمن الهيلوم
              عضو
              • Apr 2007
              • 21232

              #7
              اتمني ان تكون صدوق ياصدوق المخايل !!!
              مواضيعك التي حذفت من اول مشاركاتك !!! تثير امور انت بها ادري !!


              عموما مشكور علي القصيد يالغالي

              تعليق

              • Man من العتبان

                رابطة محبي الهيلا

                • Oct 2007
                • 2397

                #8
                مشكور وماقصرت على القصه و القصيده الرائعه

                تعليق

                • صدوق المخايل
                  عضو نشيط
                  • Jan 2008
                  • 43

                  #9
                  أخي العزيز/ سفن اب : الظاهر من كثر روقانك نسخت تعليق غيرك عشان مانت فاضي تكتب عموماً مشكور وماقصرت على المشاركة.

                  تعليق

                  • صدوق المخايل
                    عضو نشيط
                    • Jan 2008
                    • 43

                    #10
                    العفووووووووو أخي الكريم / محب الهيلا : جزاك الله خير وشاكر لك مرورك الجميل.

                    تعليق

                    • صدوق المخايل
                      عضو نشيط
                      • Jan 2008
                      • 43

                      #11
                      الأخ / عبدالرحمن الهيلوم : جيت وجابك الله ,أنت سبق ان تهجمت علي على الخاص وشتمتني بغير وجه حق ولا دليل ,والآن تقولي مواضيعي انحذفت لأسباب أدري عنها ممكن تقولي وش السبب في الهجوم والشتائم علي منك وانا لا أعرفك ولا تعرفني ولا بيني وبينك أي خلاف أو مشاكل؟وعلى أي أساس ودليل قلت اني مطيري؟وياليت توضحلي (ومنكم نستفيد)سبب حذف جميع مواضيعي ومشاركاتي وتعليقاتي من منتدى شاعر المليون؟ومن البطل الضرغام اللي قام بحذفها؟
                      هل عندك جواب ولا بتلتزم صمت القبور مثل الآخرين.

                      تعليق

                      • صدوق المخايل
                        عضو نشيط
                        • Jan 2008
                        • 43

                        #12
                        الأروع تعليقك أخي الكريم / Man من العتبان :أسعدتني بمرورك الجميل.

                        تعليق

                        العمل...