شدوا مليح محرقين القهاوي … يتلون بن جرثام هيف السميني (سعد بن مجلد)

طي
X
 
  • التوقيت
  • إظهار
مسح الكل
المشاركات الجديدة
  • ابن نجد
    عضو فضي
    • May 2003
    • 270

    #1

    شدوا مليح محرقين القهاوي … يتلون بن جرثام هيف السميني (سعد بن مجلد)

    قصة تدور حول المحافظة على حقوق الجار ، وحصل ان الشاعر سعد بن مجلد من العرينات من قبيلة سبيع الشهيرة سكن وقتا من الزمن مع عرب مليح وحصل بينهم صداقة ومحبه ، يروحون للقنص معا ويغدون ويجلسون معا ، ويتبادلون الاشعار والسوالف ولايفرق بعضهم عن بعض الا النوم والراحه ، لكن هكذا الدنيا تجمع وتفرق ، فعرب مليح انحدروا جهة القطيف يتبعون مصالح حلالهم ، وسعد وجماعته سندوا فوق تجاه جماعتهم ، وتفرقوا بعد العشرة والانسجام.

    وتذكرهم ابن مجلد وتذكر ما شاهده منهم وقال ابياتا من الشعر ذكر فيها خصالهم وما يتمتعون به من مكارم الاخلاق وقال :

    [poem=font="Simplified Arabic,5,teal,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
    لاضاق صدري رحت انا الصبح داوي = اشرف المرقاب وازعج ونيني
    واليوم ياعبود كني خلاوي = من يوم شدوا نجعنا مشمليني
    شدوا مليح محرقين القهاوي = يتلون بن جرثام هيف السميني
    ابو ثويني شوق عين النداوي = ريف الجويع ومنوة الهاشليني
    شيال حمل اللي ثقيل وثاوي = ومن لاذ به عده بحرز مكيني
    وبدلالهم ما يشربون الثناوي = ويتبعون الاوله طبختيني
    ياهل الركاب اللي عليهن غداوي = بالله عليكم وينكم ناهجيني
    مليح وين اديارهم بالتهاوي = اللي يبيهم وينهم صايريني
    احبهم حب العرب للرواوي = اشنونهم يبسا وهم معطشيني
    مع غيرهم كني غريب جلاوي = وان جيت معهم خاطري مايشيني
    اهل امهار عربت بالعلاوي = عرج لراع التالية ملحقيني
    وان جاء نهار فيه شهر العزاوي = ربع على حوض الدرك وارديني
    ذولا بني عمي ماهيب الهقاوي = سبعان يروون الغلب والسنيني
    اقفوا وانا قلبي عليهم شفاوي = اهل الصخا اللي يذبحون السميني
    لاقاصد شي ولا لي دعاوي = مير ان قلبي للسبيعي يليني[/poem]

    وهذا دليل على محبة الجيران قديما لبعضهم البعض ويحزنون عندما يتفرقون.
    ------------------------------------------------------------------
    زماننا غير زمانهم وحتى نتذكر الاولين
    اخوكم ابن نجد
  • لــيــل
    إداري سابق
    • Nov 2002
    • 409

    #2
    سعد بن مجلد العريني


    معروف شاعر جزل ومن فحول الشعراء, لكن قصايده قليله.

    تعليق

    • ابن فرحان

      رابطة محبي الهيلا

      • Jul 2003
      • 1264

      #3
      تسلم يا ابن نجد .. الله يعطيك العافيه ..

      تعليق

      • فيصل محمد

        رابطة محبي الهيلا

        • Apr 2003
        • 1079

        #4
        مشكور يا ابن نجد
        قصص رائعه من شخص متميز في قسم قصة وقصيدة

        تعليق

        • نهيان الحمادي
          عضو ماسي
          • Jul 2003
          • 677

          #5
          ما قصرت يا ابن نجد الله يعطيك العافية

          تعليق

          • عين العقل
            ناقد ومحلل
            • Jun 2003
            • 1968

            #6
            شدوا مليح محرقين القهاوي *** يتلون بن جرثام هيف السميني
            ألف شكر يابن نجد ... جزل ماتجيب ألا الجزلات ... الف شكر يالقرم

            تعليق

            • الرويس515
              عضو
              • Sep 2003
              • 14

              #7
              نعم الاختيار يابن نجد
              خصال نفتقدها في هذا الزمن
              ولا تطول علينا بالجديد

              تعليق

              العمل...