قصيدة مويضي البرازية في اميرها ابو شويربات المطيري

طي
X
 
  • التوقيت
  • إظهار
مسح الكل
المشاركات الجديدة
  • ابن نجد
    عضو فضي
    • May 2003
    • 270

    #1

    قصيدة مويضي البرازية في اميرها ابو شويربات المطيري

    شاعرتنا اليوم من قبيلة مطير من البرزان وهي الشاعرة مويضي البرازيه ، وحصل ان غضب عليها امير البرزان ( ابو شويربات ) وتوعدها لسبب ما ، وبعد مدة سمعت انه اصيب بجرح في احدى غزواته فأرسلت له قصيده تمتدحه وتطلب منه السماح وقالت:

    ياراكب ملحا تبوج اشهب اللال
    ايضا ولامعها رديف محنها

    اول نهاره بس مشي وزرفال
    وآخر نهاراه نفض البد عنها

    مافوقها الا الخرج ودويرع مال
    وقريبة تو المسوي عدنها

    ملفاك بيت ربعته كنها الجال
    واذا لفيت فحط عنها رسنها

    تبشر على قبل التناشيد فنجال
    وحايل ثلاث سنين يندى صحنها

    قل:كيف رجلك ياحمى كل مشوال
    ليا طار عن جرد السبايا يقنها

    وان جا نهار مثل يوم (ابن هذال)
    تشهر شياهينه وتجلد عدنها

    عسى مرضها ينقسم بين الأنذال
    حتى يطيب ويذهب الشر عنها

    ولقد ذكرت ابن هذال ، ونرجوا من يعرف اسمه ان يذكره لنا .


    نرجو ان تحوز على الاعجاب ومزيدا من تواصلكم .
    ------------------------------------------------------------------
    زماننا غير زمانهم وحتى نتذكر الاولين
    اخوكم ابن نجد
  • ابن داعج
    عضو فعال
    • Jun 2003
    • 151

    #2
    بيض الله وجهك ياولد العم

    ومويضي قصتها معروفه وهي ربي وربها الله
    ماهيب صاحيه
    وبيض الله وجهك

    تعليق

    • نهيان الحمادي
      عضو ماسي
      • Jul 2003
      • 677

      #3
      يعطيك العافية على ها المشاركة الطيبة
      اخوك
      نهيان الحمادي

      تعليق

      • ساري ليل
        عضو فعال
        • Apr 2003
        • 121

        #4
        تسلم على دوام الابداع .

        ملايين الشكر يا ابن نجد .

        تعليق

        العمل...