نورة بنت حوشان ،،،، قصة وقصيده

طي
X
 
  • التوقيت
  • إظهار
مسح الكل
المشاركات الجديدة
  • عتيـ4everـبه
    عضو نشيط
    • Jul 2003
    • 91

    #1

    نورة بنت حوشان ،،،، قصة وقصيده



    قصيدة رائعة نسمع بعض ابياتها دائما واليكم قصة هذه القصيدة:-

    هي نوره بنت حوشان كانت تعيش مع زوجها عْبود بن علي بن سويلم وقد وقع بينهما خلاف ادى الى طلاقها طلاقاً لا

    رجعت فيه وبعد طلاقها تقدم الكثير طالبين الزواج منها حيث انها امرأه جميله ومن عائله معروفه ومحافظه وقد رفضت

    الزواج بعد زوجها عبود وذات يوم كانت تسير على طريقاً يمر بمزرعة مطلقهاوبصحبتها اولادهـــــــــا منه وعندما مرت

    مزرعته رأته فوقفت على ناصية المزرعه وانطلق الاولاد للسلام على ابيهم وبقيت تنتظرهم الى ان رجعو من ابيهـــــــم

    فأخذتهم واكملت مسيرها وقد تذكرت ايامها معه وتذكرت من تقدم الى خطبتها بعدطلاقها ورفضها له فقالت هــــــذه

    القصيده الّتي تحتوي على اخر بيت اصبح مثلاً دارجا يقال على السنة الكثير من الناس



    [poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    ياعين هللي صافي الدمع هليــه = واليا انتها صافيه هاتي سر يبه
    ياعين شوفي زرع خللك وراعيـــه = شــــوفي معـاويده وشوفي قليبه
    امـنـولٍ دايم الـ رايـه انماليــه = والـيوم جـيتهـم عـلينا صعيبه
    وان مرني بالدرب ماقدر احاكيه = امصيبتٍ يا كبرها من مصـيبـه
    اللي يبينا عـيّـت النفـس تبغيه = واللـي نبي عيا البخت لا يـجيبه[/poem]

    تحياتي
  • ابن فرحان

    رابطة محبي الهيلا

    • Jul 2003
    • 1264

    #2
    مشكور طال عمرك على الطاعه بس ليه حاط البيت الاخير غير عن اخوانه

    تحياتي لك

    ابن فرحان

    تعليق

    • عتيـ4everـبه
      عضو نشيط
      • Jul 2003
      • 91

      #3
      عالي والطلب رخيص

      ياهلااااااااا والله بالعزيز الغالي

      ولك تامر امر

      ياطويل العمر والسلامة هذا في سنته(ن) هنيا كان به مرة(ن) يقالها نوره بنت حوشان وحصل يوم(ن) وجاها النصيب عبود بن سويلم وتزوجوا وعاشوا سنين طويله وخلفوا عيال وبنات

      وش اطولك من العلوم جاء يوم(ن) من الأيام وحصل خلاف بينهم على عدة خلافات سابقة وحصل الطلاق بالثلاث ( طلاق البدوان اول زي تسذا)<<< حلوه تسذا |4|

      ويجي يوم(ن) من الايام وتمر نوره على مزرعة عبود عشيرها ( تراها متعمدة تمر ولا تعلم احد ) المهم شافت شوقها وتذكرت ايام(ن) قضتها معه وتهيظت وقالت القصيدة اللي باعلى الصفحه



      الزبدة البيت ذا غيرت لونه لانه صار مثل فيما بعد بس

      وسلامتك


      تحياتي

      تعليق

      العمل...