يا كثر الاصحاب يوم اللعب والدشره

طي
X
 
  • التوقيت
  • إظهار
مسح الكل
المشاركات الجديدة
  • ABUYAZEED
    عضو نشيط
    • Jan 2003
    • 34

    #1

    يا كثر الاصحاب يوم اللعب والدشره

    يا كثر الاصحاب
    يا كثر الاصحاب يوم اللعب والدشره == يـوم المـلاهي تـدوّر مـن يلهيها
    مـن اول شقـتي بالنـاس محتشـره === يوم العـزوبية الي كنت مغـليهـا
    واليوم لا عـاد لا خوه ولا عشـره == الله ولا رفقة هـذي تــوالـيــهـا
    ناس مع المصلحه عشره على عشـره == وان حــدك الوقت حدة لك جنابيها
    اللي حـياته مـع البيلوت والنشره == واللي يحـب الدشــوش ولاهيٍ فيـها
    واللي على الخط دايم فاغر الكشره === سمّاعـته طول ليـله مـا يوطّـيـها
    واللي مزاجـه مع القصات والبشـره == ماله هـدف والنصـايح ما يدانيـها
    واللي مع الناس لا يفـقه ولا يشـره === شقـراً مع الخيل لا هجّت تباريـها
    ذي عيّنه في شباب اليوم منتـشـره == عسىالذي جابها فى الارض يـمحيها
    اهـل المصالح معرّفتهم كماالقشـره === لا نظّف الراس بالصابون ينهـيهـا
    هـذا كـلامٍ علينا واجـبٍ نشـره == وما تحـرق الجمـره الا رجل واطيها

    وســــــــــلامتكم

    اخوكم abuyazeed
  • @عريب الساس@
    عضو ذهبي
    • Mar 2003
    • 316

    #2
    واللي مع الناس لا يفـقه ولا يشـره === شقـراً مع الخيل لا هجّت تباريـها

    قصيده اكثر من رائعه الله يعطيك العافيه abuyazeed

    وتقبل تحياتي اخوك/
    @عريب الساس@

    تعليق

    العمل...