جحيش السرحاني …وابنائه والحفره

طي
X
 
  • التوقيت
  • إظهار
مسح الكل
المشاركات الجديدة
  • ابن نجد
    عضو فضي
    • May 2003
    • 270

    #1

    جحيش السرحاني …وابنائه والحفره

    جرت هذه القصة على الشاعر جحيش السرحاني من اهالي الجوف وبعض الرواة نسبها لغيره ، وحصل انه عندما كان طاعن بالسن وكف بصره صار كثيرا ما ينصح اولاده ويوجههم الى طريق الخير والشهامه ، لان كل انسان يحب ان يكون اولاده احسن منه وطيب اجداده ، وفي يوم من الايام كان جحيش يقوده ولد ولده للصلاة بالمسجد ، ولصغر سن الولد ما كان يعرف قدر جده فأراد انه يدفعه في حفره بالطريق ، وكان جحيش يعرف مكان هذه الحفره قبل ان يكف بصره ، وعندما احس بالحفره رجع وجنب عنها ، فلما صلى بالمسجد رجع الى اولاده وقال ابياتا اولا يتشره على اولاده اللي يرسلون معه صبي صغير ، ثانيا يذكر انه تحمل متاعب وصعوبات في البحث عن لقمة العيش لهم ، كما ذكر انه يفز قلبه حين يبكي واحد منهم وحثهم فيها على العمل الطيب والمحافظة على الاخلاق والصدق ، وفعلا بعد ان قال شعره هذا لازمه ابنه الكبير وقام بخدمته باقي حياته حتى توفاه الله ، قال جحيش السرحاني :

    [poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    قال الذي يقرا بليا مكاتيب = ياللي تقرون العمى من عناكم
    ياعيال شوفوا لحيتي كلها شيب = وهذا محل اقعودنا في ذراكم
    قمت اتوكأ فوق عدل المذاريب = وقصرت خطانا يوم طالت خطاكم
    دينتكم دين وليـَه مواجيب = عطوني السلفه جزا ما وزاكم
    احبكم وارطب القلب ترطيب = ويفز قلبي يوم يبكي حداكم
    يما توشلعت القبايل تقل ذيب = من خوفتي يقصر عليكم عشاكم
    صيور ماهو عاوين بيننا الذيب = لامت ما افرق طيبكم من رداكم
    ياعيال انا ليَه عليكم مطاليب = نصيحة تبقى الكم من عماكم
    المذهب المذهب ترى المذهب الطيب = ترى ردا المذهب يبور نساكم
    وترى النمامه من كبار العذاريب = واكل البلاسه مايطول لحكام
    ياعيال وان صوتوا ضيوف ومعازيب = ترى الجواب الزين ملحة اقراكم[/poem]
    وشكرا لكم على التواصل
    --------------------------------------------------------------
    زماننا غير زمانهم وحتى نتذكر الاولين
    اخوكم ابن نجد
  • هلاوغلا
    عضو
    • Jun 2003
    • 17

    #2
    بقية للقصيدة

    خوالكم ياعيال هم ماكر الطيب
    ياعيال مادري هالردى منين جاكم
    وردتكم ياعيال وادي سلاحيب
    ولقيت بالصبخى مدافيق ماكم

    تعليق

    العمل...