قصيدة ابن جعيثن في مدح الامير هذال الشيباني (اخو همــــلا )

طي
X
 
  • التوقيت
  • إظهار
مسح الكل
المشاركات الجديدة
  • سيف العدل
    عضو فضي
    • Jun 2003
    • 287

    #1

    قصيدة ابن جعيثن في مدح الامير هذال الشيباني (اخو همــــلا )

    قصيدة لابراهيم بن جعيثن في مدح الامير هذال بن فهيد الشيباني وتحذيره من ابن رشيد يقول فيها:


    يامل جفن قازي تقل سبار0000والقيل ضيق خاطري بانزفـــــــــــاره

    عفت النعاس وصرت بافكار واذكار00وشاورت حي ياسعد مستشـــاره

    ادنيت حر كن زوله إلى ســــار0000دلو تسمح حبلـــــها بانحــــــــداره

    كن النضو مومي الجناحين الى طار0000مثل النجم اليا تطايـــر شراره

    بالدو كن النضو ياطى على حار0000ماينقهر لولا شكيـــــمة اعــــذاره

    ثم اركبه ياطارشي حل الاسحار0000راعي البرود امعزبه في نهــــاره

    سج القعود الى مشى عقب منشار0000عروى يمينه والرويضه يســــاره

    لياك عند ادنى الفراقين تحتار 00000 ولا يبرك الا عند راعي المنــاره

    هذال ذكره شاع في كل الاقطار 0000 يعرف كما تعرف بالارياف واره

    ابو جهز هو مكرم الضيف والجار 0000 ماهو عن الضيفان تكثر عذاره

    راعي دلال فيهن البن وابهار 000000 يقود سراي اول الليل نــــــــــاره

    في ضف اخو هملا رعى كل مضيار 000 بالضيق يفرح به مدرج حواره

    يطعن الى عج الرمك والدخن ثار 0000 تعرف مراكيضه بوسط الكراره

    يطعن بشلفا كنها ثاقب النار 00000 لعيون من كنه ظبي الزبـــــــــاره

    مع لابة تسقي العدو كاس الامرار 0000 هني من هم فزعته في مثـــاره

    قل له ترى ماني بالامثال هذار 00000 ولانيب همساع كثير بــــــواره

    بابو جهز خذ مني العلم والشار 0000 ترى محمد تحرق الضد نــــــــاره

    صر له صحيب وخذ على نجد تحيار 000 طوع بواديها بمثل النمــــاره

    هد الصقور وصر على الكور صقار 000 ودرج ظعون الاجنبي عن دياره

    ترى الى منه عطى الصدق مابار 00000 وعليك من بد البوادي مــــداره

    وانزل من الهجله الى النير وبحار 0000 وانحر اسدير وكل حلاي اثماره

    والا انحر الوادي وكن ابن جبار 0000 يم الشريف اللي بسوق البشـــــاره

    من شد عن دار لقا غيرها دار 00000 واللي يدور العافيه ويش كـــــــاره

    تراني لك من جملة البدو مختار 0000 وهرجك لطلاب الفوايد تجــــــــاره

    اعرف ترى الدنيا بها عسر وايسار 000 كلـن تجرع حلوها والمــــــراره

    اصدق ولاتامن ترى الوقت غرار 000 ماجا من الله ماتفك النــــــــــذاره

    وصلاة ربي عد هملول الامطار 0000 على محمد عد رمي الجمـــــــاره



    ولكم تحياتي00000سيف العدل00000


    امنيه:


    الا ياليت ربي يوم سوى 0000عبيده حط للطيب علامه

    علشان الذي بالناس جاهل0000يعرف الحر من برق الجهامه
  • ابن مشيب
    إدارة أقسام القبيلة
    • Nov 2002
    • 9791

    #2
    الف شكر على هذة القصيدة القويه والمعبرة ياخوي سيف العدل.



    تقبل تحياتي.

    تعليق

    • سيف العدل
      عضو فضي
      • Jun 2003
      • 287

      #3
      ابن مشيب الله يعافيك على مروووووووووووووووووووووووووووورك



      تحياتي 00000000سيف العدل0000000000

      تعليق

      • ابو فراس
        مراقب سابق
        • Jun 2003
        • 1421

        #4
        هذال ذكره شاع في كل الاقطار 0000 يعرف كما تعرف بالارياف واره

        الله يرحم اخوهملا ..

        ويرحم ابن جعيثن

        مشاركه رائعه اخوى سيف العدل كما عودتنا

        تعليق

        • سيف العدل
          عضو فضي
          • Jun 2003
          • 287

          #5
          المتنبيss مشكور والله يقدرنا على اللي فيه رفعة هالمنتدى0

          000000سيف العدل000000

          تعليق

          العمل...