قصيدة الشمري في قبايل الروقه

طي
X
 
  • التوقيت
  • إظهار
مسح الكل
المشاركات الجديدة
  • مرزوق المغيري العطاوي
    شـــاعــر
    • Jul 2003
    • 176

    #1

    قصيدة الشمري في قبايل الروقه


    [poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
    هذه القصيده هديه 0لقبيلة الروقه من عتيبه0
    قالهاالشاعر الشيخ/عليق بن وبران بن مشرف الكتفاء الشمري00حايل امارة العدوه


    يقول من عبر بزينات الامثال =وزاهي القوافي جايبينه جزيله
    من جاش اديبٍ ينظم الشعر بالحال =اخذ جزيل القاف وارمي هزيله
    الفكر يحضر والحبر فوقهن سال =والقاف مازونٍ على مايبيله
    مثايلٍ ماولفوهن الانذال =ولا نقلوهن مدركين الفشيله
    شاقن لنظم الشعر ماضين الافعال =يوم الزياره للديار الجميله
    يوم الخميس اثنين وعشرين شوال =جينا الرجال اللي علومه نبيله
    اولاد( روق) الي عريبين وثقال = قبيلةٍ ياحي والله قبيله
    اولاد (روق) اللي لهم صيت وفعا ل =اهل السيوف المرهفات الصقيله
    واهل ابيوتٍ راسيه كنها جبال =عز الرفيق ومكرمينٍ نزيله
    ذباحت الحايل كريمين الاشبال =متوارثين الطيب نعم القبيله
    شرهاتهم ماهي على جمعت المال =فوق الصحون يقلطون الجليله
    كبار الصيانا والسمن فوقها سال =اللابه اللي يذبحون المحيله
    وبيوتهم لضيف مزبن ومدها =وديارهم كم واحدٍ يلتجيله
    لوننشد التاريخ ونشوف وش قال =يشهد لهم تاريخ نجدٍ وجيله
    تاريخهم واضح على راس ماطال =تاريخهم بين وكلٍ حكيله
    يومٍ على طلال مايبهج الحال =ثار الدخن من حر صلو الفتيله
    زادو على الهقوات يوم ادبر الفال =يوم الحرايب والعدو ترتكيله
    ميزانهم يرجح على عايلٍ عال =وحريبهم يوم القا عزتيله
    قبيلةس ماطاوعو شور عذال =قومٍ على الحراب تشفي غليله
    رجالهم ينطح ثلاثين رجال =وخيالهم ينطح جموعٍ وخيله
    للزين زينينٍ وللضد جهال =عوق الخصيم اليا بدا منه عيله
    قومس يعرفه عاقل الناس والضال =سقم الحريب ومقحمين الدبيله
    يشدون سيلٍ يضرب الجال للجال =واللي بوجه السيل لازم يشيله
    ودخيلهم يلقا المعزه مهو ذال =وعزالله انه داخل به دخيله
    وصديقهم لامن نشدته عن الحال =يقين مايعتاض فيهم بديله
    وصديقهم عنه المحاميل تنشال =تنشال لوا ن المحامل ثقيله
    وعدوهم يسقونه المر وذلال =باليل يسهر ماتهنا بليل
    وعدوهم يذوق تسعين غربال =خلوا على كبده حر ومليله
    وعدوهم لوهو من الجيش جمال =بالمعركه خلوه يطرق شليله
    يردون حوض الموت جسرين الاقبال =فرسان لاركبو ظهور الاصيله
    صولاتهم غدابها كم رجال =وياويل رجالٍ تعرض سبيله
    وكم من عقيدٍ وسدو راسه الجال =وشيوخ راحو بالمعارك قتيله
    ولو اباعد افعولهم مالها تال =يصعب علي اعداعها من حصيله
    يستاهلون المدح عربين الانسال =نسل الرجال اللي علو بالطويله
    شين لشوفه زاد مدحي بالاقوال =والقول عقب الفعل اكبر دليله
    وجعل الخيال اللي نشا فوقه اخيال =والغيث يمطر من حقوق المخيله
    على نفي امع القراره والاجبال =وتسيل كل اشعابها من مسيله
    حيث نها دار البطوله والابطال =ديار الكرم والطيب للي يجيله
    دار الهم حامينها ماض الاجيال =من دونها ترخص عمارٍ طويله
    يقولها اللي ماتغير والامال =قول الحقيقه والصراحه يبيله
    وصلات ربي عدماوادين سال =وعدادبراقٍ برق في مخيله
    على الذي سن الفرايض والأعمال =نبينا المختار راع الفضيله
    [/poet]

  • الشايب
    عضو نشيط
    • Feb 2003
    • 86

    #2
    لاهنت يامرزوق على الابيات وبيض الله وجهك وصح لسانك ولسان قائلها

    تعليق

    • مرزوق المغيري العطاوي
      شـــاعــر
      • Jul 2003
      • 176

      #3
      الشايب

      صح بدنك والاهنت على كل حال

      لك تحياتي

      تعليق

      • ابن سقيان التوم
        عضو نشيط
        • May 2003
        • 51

        #4
        ونعم والله باولاد روق

        والشاعر ما عد شي من عنده بل فعلهم الطيب وما ضيهم

        الشاعر صورها وابدعها في صورة تليق بأولاد روق

        واشكرك يا اخي مرزوق


        ابن سقيان

        تعليق

        • مرزوق المغيري العطاوي
          شـــاعــر
          • Jul 2003
          • 176

          #5
          الاخ العزيز بن سقيان

          طابت اوقاتك بكل خير

          اهل الطيبه من مثلك وشرواك0وامثال الشيخ0عليق بن وبران الشمري00

          لايزلون فيايقولون0 ومن طيبهم بفخرون بطيب الطيبين

          صح بدنك ياخي بن سقيان

          تقبل تحيات

          اخوك

          مرزوق العطاوي

          تعليق

          • ابن جدعــان
            عضو ذهبي
            • Mar 2003
            • 362

            #6
            مرزوق العطاوي

            بيض الله وجهك.

            ويستاهلون الا روق مرجحين الموازين.


            ولا يسعني الا ان اقول: اجتمع الابداع.

            اختيارك موفق

            والشاعر مبدع من قبيله لها وزنها.

            وفي اهل القول والفعل.

            [ان شاء الله يجوز لك الشكل الجديد للقصيده]

            تعليق

            • الشــــــعف
              عضو نشيط
              • Oct 2003
              • 70

              #7
              اخ مرزوق

              الله يعطيك العافيه ؛؛؛؛؛؛

              بس ليتك صغرت الخـــط حتى نعرف نقراها زين الله يحفظك ...

              تقبل تحياتي ؛؛؛؛

              تعليق

              • الشــــــعف
                عضو نشيط
                • Oct 2003
                • 70

                #8
                اسف على الرد المتأخــــــــــــر

                تعليق

                • العطاوي.
                  عضو
                  • Nov 2003
                  • 24

                  #9
                  هلا مرزوق

                  بيض الله وجهك يالعطاوي مرزوق
                  والله لايهينك
                  وصح لساااااااااان الشمري ( وعز الله ماعد إلا الصحيح)
                  قصيده واافيه في ناس وافييييييين ويستحقووونها
                  .................................................. .................................................. ........
                  وعندي سؤال بسيط للأخ مرزوق؟؟؟
                  مارد أحد على الشاعر الشمري؟؟؟ من شعار الروقه؟
                  ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟
                  مع تحياتي

                  أخوك وأبن عمك

                  ( العطاوي===== الدوادمي)

                  تعليق

                  • عتيبي 0نت
                    عضو فعال
                    • Jun 2003
                    • 124

                    #10
                    مشكـــــــــور ما قصرت اخوي0 مرزوق 0 الله يعطيك العافية

                    تحيـــــــــــــــــــــــــــــــــــــــــاتي000 00000

                    تعليق

                    • ابو وعيل
                      مراقب سابق
                      • Aug 2002
                      • 1707

                      #11
                      مشكوووور ويعطيك الف عافيه

                      ونعم والله بااولاد روق ......

                      تعليق

                      • ولد روق
                        عضو مهم
                        • Apr 2003
                        • 528

                        #12
                        والنعم والله أخوي : مرزوق العطاوي ...
                        شكراً لك على هذه القصيده ..
                        وصح لسانك ولسان قائلها ....

                        تحياتي ..

                        تعليق

                        • متعب العضياني
                          عضو ماسي
                          • May 2003
                          • 707

                          #13
                          الاخ مرزوق بيض الله وجهك

                          قصيده جزله بالحيل
                          والشاغر ابدع فيها

                          وانت تسلم

                          والظاهر اني قد سمعت هالقصيده
                          من قبل
                          واظنها مساجله بين الشمري وشقير بن عقيل

                          وتقبل تحياتي
                          متعب

                          تعليق

                          • مرزوق المغيري العطاوي
                            شـــاعــر
                            • Jul 2003
                            • 176

                            #14
                            اشكر جميع الاخوه الكرام التي قامو بالرد
                            لون كل واحد يستحق ردلوحده ولاكن

                            للجميع تحياتي

                            تعليق

                            • الشاهر2000
                              عضو فضي
                              • Aug 2005
                              • 212

                              #15
                              صح السانك يامرزوق وصح السان الشاعر الشمري

                              تعليق

                              العمل...