القصيده التي أبكت قبيلة شمر!!

طي
X
 
  • التوقيت
  • إظهار
مسح الكل
المشاركات الجديدة
  • راجح النفيعي
    عضو ماسي
    • Apr 2007
    • 935

    #1

    القصيده التي أبكت قبيلة شمر!!



    السلام عليكم ورحمة الله وبركاته

    بعد مقتل الامير عبد العزيز بن متعب ال رشيد تنازع ال رشيد على امارة حائل وشمر فاستولى محمد بن طلال ال رشيد على حكم حائل بعد ما فر ابن عمه عبد الله بن متعب ال رشيد الى ابن سعود خوفا من ابن عمه محمد بن طلال ان يقتله وفي ظل تنزاع ابناء العمومه على الحكم زعلت قبيلة شمر على محمد بن طلال ال رشيد فرحلت قبيلة شمر الى بادية العراق تاركة منطقة حائل في ظل تلك الاحداث قام الملك عبدالعزيز ال سعود بارسال سلطان الدويش على راس جيش لمحاربة ابن رشيد فحاصر مدينة حائل فارسل ابن رشيد قصيدة كتبها محمد العوني يستفزع قبيلة شمر وعند سماع قبيلة شمر هذه القصيدة وهم في بادية العراق جاءوا يبكون كبيرهم وصغيرهم لفك الحصار عن مدينة حائل فقطعوا المسافة التي بين بادية العراق ومدينة حائل من ثلاثة شهور الى عشرة ايام وفعلت هذه القصيدة ما لاتفعله السيوف حيث أثرت في قبيلة شمر فانتصروا وانهزم الدويش امام ابن رشيد في موقعة ( ماء ياطب ) قال العوني مخاطبا قبيلة شمر على لسان ابن رشيد قصيدة أبكتني عندي قراءتها :

    عزي لقب كل ما طرف الليل ،،،،،،،،،،،،،، عليه صارن الدقايق جلايل

    واعتاظ عن طيب الكرى بالتعاليل ،،،،،،،،،،،،، بافكار واذكار وقول وقايل

    والعين كن ابموقها يدرج الميل ،،،،،،،،،،،،،،،، عيت تطيق النوم من فور جايل

    على بني عمي اسنادي عن الميل ،،،،،،،،،،،،،، نطاحة الكايد اكبار الحمايل

    اقفوا كما مزنٍ ثقيل المخاييل ،،،،،،،،،،،،،،،،،،، من زاعج الغربي حدر له شعايل

    شمر مقابيس المنايا هل الخيل ،،،،،،،،،،،،،،،،،،، عصمان الاريا مقحمين الدبايل

    يا دار وين أهل المهار المشاويل ؟ ،،،،،،،،،،،،،،، هل النزول اللي تعز النزايل

    بكيتهم يوم ارتكى قوقي الشيل ،،،،،،،،،،،،،،،،، وذكرتهم يو اقبل الضد صايل

    وصاح الصياح وطوحن الهلاهيل ،،،،،،،،،،،،،، وهلت ادموع معكرشات الجدايل

    وقلت ابشرن ما دام بالعمر تمهيل ،،،،،،،،،،،،،،، ما دام ما رزت علينا النضايل

    لا تبكين الوحدة قِل الرجاجيل ،،،،،،،،،،،،،،،،،، ما دام عين الله علينا تخايل

    وظهرت أنا باسم العصاة المشاكيل ،،،،،،،،،،،،،،، لو هم قليل يدركون الجمايل

    هم حاصلي لا كملنّا المحاصيل ،،،،،،،،،،،،،،،، غوش الجبل خزني غلامين حايل

    باعوا عزيز العمر دون المضاليل ،،،،،،،،،،،،،، وحموا حماها مقدمين الفعايل

    قالوا عليهم قلت يزجوا اهل الخيل ،،،،،،،،،،،،، وقهرتهم غصب ووردوا غلايل

    واذنيت هجنٍ يقربن المحاويل ،،،،،،،،،،،،،،، هوج هجاهيج اهجاف نحايل

    عليكم يطرب قلوب المراسيل ،،،،،،،،،،،،،،،، خفقات رفقات صلاب جلايل

    قلايص عوص صعاصع شماليل ،،،،،،،،،،،،، من سلسة نسل السباق السلايل

    الصبح مدن كنهن جولة الريل ،،،،،،،،،،،،،،، رفيحٍ علت من فوقها ارجال حايل

    وصبح اربعٍ تلفي نزول كما الليل ،،،،،،،،،،،،،،، شمر إليا عدت فروع القبايل

    أدنى بالادنى خبروهم بتفصيل ،،،،،،،،،،،،،، لا تسفهون اصفارهم والجمايل

    ولازم إليا شافوا اركاب مقابيل ،،،،،،،،،،،،،،،، تلزمهم النشدات عن سكن حايل

    قولوا لهم يا مقبلين على خيل ،،،،،،،،،،،،،،،،،،، نجد واهلها يطلبون الاوايل

    وين الطَّنايا ؟ وين شرابة الهيل ؟ ،،،،،،،،،،،،،، وين الرجال اللي تشيل الثقايل

    وين السيوف اللي نعدل بها الميل ،،،،،،،،،،،،،،، وين الرماح اللي ترد كل عايل

    وين النشاما والعصاة المفاليل ؟ ،،،،،،،،،،،،،،،،،،،، وجميع من ضربه تضيع الدلايل

    نشرب بهم صافي القراح الشهاليل ،،،،،،،،،،،،،، وننزل بهم غصب على كل طايل

    تذكرتهم يوم ارتدم فوقي الشيل ،،،،،،،،،،،،،،،،،، ونخيتهم يوم اقبل الضد صايل

    غلبا ترى بلدانكم لبست النيل ،،،،،،،،،،،،،،،،،،،،، تنخى الرجال المكرمين الاصايل

    تنخى اهل العادة كرام الاسابيل ،،،،،،،،،،،،،،،،،، يوم التعازي والدخن له صلايل

    قلته وانا معكم على العدل والميل ،،،،،،،،،،،،،،، لعل ما نعتاظ عنكم بدايل

    تمت وصلوا عدد وبل المخاييل ،،،،،،،،،،،،،،،،،، على نبي الحق ما زال زايل



    أخــوكم راجـح الـنـفيـعي
  • ابن نور العضياني
    عضو فضي
    • Jun 2007
    • 206

    #2
    بيض الله وجهك ولا هنت وصح لسانك ولسان قايلها

    تقبل مروري وتحياتي

    تعليق

    • راجح النفيعي
      عضو ماسي
      • Apr 2007
      • 935

      #3

      أخوي ابن نور العضياني بيض الله وجهك على المرور
      الطيب وتقبل شكري وتحياتي

      تعليق

      • ابوبجاد الرويس
        عضو مميز
        • Feb 2006
        • 4205

        #4
        مشكور

        ويعطيك العافيه

        ولاهنت على الموضوع الرائع

        وصح لسان الشاعر

        تعليق

        • نفيع العتيبي
          منتظر رسالة تفعيل
          • Dec 2006
          • 642

          #5
          مشكووووووور
          على القصه الجميله ياجميل

          تعليق

          • الحزيمي2000
            عضو ماسي
            • Mar 2007
            • 502

            #6
            تمت وصلوا عدد وبل المخاييل ،،،،،،،،،،،،،،،،،، على نبي الحق ما زال زايل


            الرسول صلى الله عليه وسلم وهو القدوة بكى .

            شـكراً لكـ

            تعليق

            • مطرح البعارين
              عضو ماسي
              • Jul 2005
              • 798

              #7
              تسلم على النقل

              تعليق

              • محمد الزايدي

                رابطة محبي الهيلا

                • Mar 2007
                • 1388

                #8
                الف شكر على القصيده

                تعليق

                • راجح النفيعي
                  عضو ماسي
                  • Apr 2007
                  • 935

                  #9


                  أخواني
                  ابو بجاد الرويس_نفيع العتيبي_الحزيمي200_مطرح البعارين_الزايدي

                  شاكرلكم الـــف الشكر على المرور الطيب وبيض الــلـــه وجهكم
                  والله لا يهينكم تقبلو خالص شكري وتحياتي أخوكم راجح النفيعي


                  تعليق

                  • النصيف
                    عضو فعال
                    • May 2007
                    • 187

                    #10
                    يعطيك العافيه على الموضوع وتقبل مروري اخوك محسن الرويس

                    تعليق

                    • فهد العجمي
                      عضو ماسي
                      • Jun 2007
                      • 774

                      #11
                      مشكووووووور
                      على القصه الجميله ياجميل

                      تعليق

                      • @ الحر @
                        عضو نشيط
                        • Jun 2007
                        • 69

                        #12
                        [move=right] اقراهافي الجريده عتيبه عنيده اشكرك على النقل الممتاز[/move]

                        تعليق

                        • الماس الحساس
                          عضو
                          • Sep 2004
                          • 22

                          #13
                          مشكووووووور
                          على القصه الجميله ياجميل

                          تعليق

                          • الغيث العتيبي
                            عضو نشيط
                            • May 2005
                            • 53

                            #14
                            [grade="00008B FF6347 008000 4B0082"]عليك بالشجعان حصن الأطاليب.......سعد لعينك في الليالي العصيبه
                            اليا حداك الضيم راحوا جلاليب.......... فيهم طنا شمر ونخوة عتيبه
                            [/grade]

                            تعليق

                            • راجح النفيعي
                              عضو ماسي
                              • Apr 2007
                              • 935

                              #15


                              أخواني الأعزاء

                              (النصيف_فهد العجمي_الحر_الماس الحساس_الغيث العتيبي)

                              مشكووورين وبيض الله وجهكم على المروري الطيب تقبل شكري وتحياتي
                              أخوكم: راجح النفيعي

                              تعليق

                              العمل...