قصيدة الشاعر مرزوق الغنامي العتيبي في صيد الضبان

طي
X
 
  • التوقيت
  • إظهار
مسح الكل
المشاركات الجديدة
  • ابن نجد
    عضو فضي
    • May 2003
    • 270

    #1

    قصيدة الشاعر مرزوق الغنامي العتيبي في صيد الضبان

    مرزوق الغنامي العتيبي (ابو نمر) يصف كيف انه متولع في صيد الضبان في قصيدة فكاهية رائعة وقد وصلت هذه القصيده من هلال العتيبي نقلا ، يقول :


    منوتي في البر يطرقني نسيمه
    في دكاك ما يجيني فيه نامس

    قوم يا أمجد روح شغلي هشيمه
    جهز البندق وعب إلنا الترامس

    مع خطاة التل يا ما أحلى رزيمه
    سايقه يبحث عن الضب الملامس

    ندور الضبان في هاك الخريمه
    يم دسمه من وراء منزال رامس

    في محام جاه عقب السيل ديمه
    ضبها فسقان يوم العشب طامس

    جيت اختله قالي هذي قديمه
    ابحر الختال لو الليل دامس

    يا طويل العمر انا ماني بهيمه
    وانت تدرقني ضحى والجو شامس

    ثم ركز ذيله وروعني وشيمه
    نكرة يوم انطلق ملعون خامس

    عقب جاء جحره على الاعضاء السليمه
    كن حامسني على الطحال حامس

    ربع دسته مار ما للرمي قيمه
    ما يجيه الا عباريد النيامس

    التفت لي قال يامال الغنيمه
    كبني واشبع من الفول المدامس

    من بغاني صيد يبشر بالحريمه
    لا آكل عكره ولا في الثرب غامس

    قلت والله لاكزمك وافعل جريمه
    واذبحك ذبح الهواجر للشوامس

    وشكرا لكم ولشاعرنا
    ------------------------------------------------------
    اخوكم ابن نجد
  • ابو وعيل
    مراقب سابق
    • Aug 2002
    • 1707

    #2
    لاهنت يابن نجد ...

    على القصيدة الجميله


    تحياتي

    تعليق

    • الشايب
      عضو نشيط
      • Feb 2003
      • 86

      #3
      تسلم والله يابن نجد على القصيده

      انا اشهد ان الضب صتيمه

      تعليق

      • الشاهر2000
        عضو فضي
        • Aug 2005
        • 212

        #4
        يعطيك العافيه يابن نجد على هذه القصيده وصح السانك والسان الشاعر

        تعليق

        • ((الدلبحي))

          رابطة محبي الهيلا

          • Mar 2003
          • 6010

          #5
          حيه وحي ماجاب

          تسلم يمناك ابيات فكاهيه بالفعل

          لاهنت

          تحيااااااااااااااااااااااااااااااااتي

          تعليق

          • ابن ثريان
            عضو فعال
            • Apr 2005
            • 103

            #6
            يعطيك العافية

            فعلاً فكاهية

            تعليق

            • مشاري النفيعي
              عضو ذهبي
              • Aug 2005
              • 309

              #7
              لاهنت يابن نجد

              تعليق

              • فيصل المسعودي
                مشرف عام
                • May 2005
                • 8296

                #8
                تشكر يالغالي


                على القصيده الفكاهيه


                صح لسان شاعرها


                تحياتي

                تعليق

                العمل...