قصيدة للشاعر أبوزيد الغبيوي رثاء في المرحوم عيد الحابوط

طي
X
 
  • التوقيت
  • إظهار
مسح الكل
المشاركات الجديدة
  • شبل الغبيات
    عضو ذهبي
    • Feb 2007
    • 368

    #1

    قصيدة للشاعر أبوزيد الغبيوي رثاء في المرحوم عيد الحابوط

    [poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
    فالنهار اللي على الله تعرض الأعمالــــي
    جتني علوم يضيق الصدر من طرياهـا
    طاح من راسي عقالي وأنكسر جوالـــــي
    ضربة يومين وانا اشكي شظا حماهــا
    مات أبو مسفر وأبو مسفر فقيد غالــــــي
    موتته عزوة عتيبة كلبوها أدهاهـــــــا
    بالشجاعة والكرم تضربه الأمثالـــــــــــي
    والبشاشة للضيوف مكملة لقراهـــــــا
    جود كفه كاس الرجلي مع الخـــــــــــيالي
    ما يمن الحاجه اللي من يداها أعطاها
    صاين نفسه ما يعرف قيل ولا قالـــــــــــي
    والرديه بالعلوم الطيبه يجزاهــــــــــــا
    يوم ابوه من الكبر طايح ولا ينـــــــــشالي
    طاعته فبوه قبله ما احد سواهـــــــــــا
    علمٍ موكد ويشهد له مية رجالـــــــــــــــي
    تشهد رجال على ما أقول بيض لحاهـا
    باني بيته على تقوى ولا هو خالــــــــــــي
    عقب رجال على فعل الوفاء رباهــــــا
    يا عساهم في الوجود ودوم بأحسن حالي
    الرجال اللي تحوش الكسب من يمناهـا
    يوم شفت القبر من فوق الكفن ينهالــــي
    والجماعة بالتراب يدينها تملاهــــــــــا
    لجت ضلوعي ودمعي من عيوني سالــي
    مثل همال المزون اللي عزيز ماهـــــا
    ما نسيت الجيرة اللي ذكرها لازالــــــــي
    لو يدور الوقت والأيام كيف أنساهـــــا
    في جنان الخلد يالله حط له منزالــــــــــي
    يا عسى رحمتك كل جنازته تغشاهــــا
    القدر مكتوب لو ضقنا وضاق البالـــــــي
    والسنين تدور والدنيا هذا مجراهــــــا
    آه يا دنيا العنا والهم والـــــــــــــــغربالي
    شكلها جذاب والنكبات وسط خباهـــــا
    من عرفها ما شراها لو بربع ريالـــــــي
    ما يطيع النفس رباها على تقواهــــــا
    ما ذبحنا إلا إتباع النفس والآمــــــــــالي
    الحظيظ اللي تبع سنة نبيه طاهـــــــــا
    يا بنادم لو عمرك في زمانك طالــــــــــي
    مقتفيك الموت واحذر كلمتي تنساهـا
    اعبد الله واتق الله ثم يطيب الفــــــــــالي
    قبل وسط النار رجلينك تزل خطاهــــا
    صوم شهرك واد فرض الله وزك المالي
    والصلاة الواجبة خسران من خلاهـــا[/poem]
  • أبوزيد الغبيوي
    شـــاعــر محـاوره معروف
    • Mar 2007
    • 11

    #2
    أشكرك والله لايهينك على ما قدمت

    تعليق

    • ابوبجاد الرويس
      عضو مميز
      • Feb 2006
      • 4205

      #3
      شبل الغبيات

      لاهنت يالذيب

      وصح لسان الشاعر ابوزيد الغبيوي

      تعليق

      • الغبيـــوي
        عضو ذهبي
        • Jun 2006
        • 386

        #4
        صح لسان الشاعر ابو زيد الغبيوي

        ويعطيك العافيه ولاهنت


        تقبلــــــ مروريـــــــ

        تعليق

        • الآد غابي
          عضو
          • Apr 2007
          • 23

          #5
          يعطيك العافيه....................
          وصح لسان الشاعر ابو زيد الغبيوي..........

          تعليق

          • شبل الغبيات
            عضو ذهبي
            • Feb 2007
            • 368

            #6
            اشكركم على مروركم الكريم ويعطيكم العافية

            تعليق

            • فواز الغبيوي
              عضو نشيط
              • Aug 2006
              • 60

              #7
              صح لسات ابو زيد

              مشكور شبل الغبيات

              تعليق

              • بدر بن ثعلي
                زبون المخاسير
                • Apr 2007
                • 283

                #8
                مشكوووووور والله يعطيك الف عافيه
                وصح السان الشاعر ابو زيد الغبيـوي

                تعليق

                • بندر الغبيوي
                  عضو
                  • May 2007
                  • 27

                  #9
                  نشكر شبل الغبيات على مجهوده وصح لسان الشاعر المتميز المبدع ابوزيد الغبيوي الذي عودنا على ابداعه وشكرا

                  تعليق

                  • fahad8088

                    رابطة محبي الهيلا

                    • Oct 2006
                    • 1742

                    #10
                    الله لا يهينك

                    تعليق

                    • ! القاضي !
                      عضو نشيط
                      • Apr 2007
                      • 87

                      #11
                      مشكور جدا على هذه القصيده الجميله

                      تعليق

                      العمل...