الشيخ/ حجرف و(الداب الاعمى)

طي
X
 
  • التوقيت
  • إظهار
مسح الكل
المشاركات الجديدة
  • عقاب الحويماني
    عضو ماسي
    • Dec 2006
    • 435

    #1

    الشيخ/ حجرف و(الداب الاعمى)

    حجـــــــــــــــــــرف الذويبي


    أنه هذا الشيخ حجرف الذويبي المشهور بالشجاعة والكرم شيخ بني عمرو من حرب وكان فيه كرم شديد وبسنه من السنين ذبح كل ماعنده وما بقى عنده شي وكان متعود ان ربعه وجماعته ما يخلونه لأنه ما يقصر مع أحد ولكن هذي المره قالو ربعه اننا نبي نترك المراح هذا ونرحل عنه وكان مقصدهم يبغونه يترك عنه العاده هذي الكرم الزائد إلى حد انه ما صار عنده شي ورحلو عنه جماعته وقعد هو ولا شد معهم ماعنده من الابل ما ينقل عليها عفشه وكانت زوجته دايم تلومه على الكرم الزايد وبهذاك اليوم كانت زوجته توبخه وتقوله شفت أول من تخلى عنك جماعتك وتركوك لحالك ليش ما تحتفظ بمالك وحلالك يفيدك بوقت الضيقه ولا همه كلامه وكان متوكل على الله يرزقه وسبحان الله شاف هاك الداب (حيه) عميا ماتشوف طلعت من وسط شجره اظهرت راسه وجاء هاك الطير اللي يحسبه غصن ووقع عليه وأكلته الداب وفي المرة الثانية جاء طير ثاني ووقع عليه وأكلته الداب نفس الشي وحجرف الذويبي يتابع هذا قدامه ويوم شافه قال أن هذا رزق من الله لهذي الحيه العميا وقال لزوجته : اللي يرزق هالحيه العميا ماهوب مخليني ان شاء الله , وراح يارد الماء القريب له ولقى سبحان الله إبل كثيره ضايعة وماله أحد وأسقاه وأخذه ويوم أصبح راح عليها يتتبع أثر ربعه ولحقهم وقال هالأبيات :

    يـقـول ابـن عـيـاد وإن بـات لـيله ... مانـيب مسكين ٍ هـمـومـه تـشـايله
    أنا إلى ضاقـت عـلـيـه تـفـرجـت ... يـرزقـنـي الـلـي مـاتعـدد فضايله
    يـرزقـنـي رزاق الحيايا بجحرها ... لاخـايـلـة بـرق ولاهـيـب حـايـله
    تـرى رزق غيري ياملا ماينولني ... ورزقـي يـجي لو كل حي يحايله
    جميع مـاحـشـنـا نـدور بـه الـثـنـا ... ومـاراح مـنـا عـاضـنـا الله بدايله
    نوب نحوش الفود من ديـرة العدا ... ونـخـزز اللي ذاهـبـات عـدايـلـه
    خز بالأيدي مـادفـعـنـا بـه الـثـمن ... ثمنها الدمي بمطارد الخيل سايله
    مـع لابـة فـرسـان ننطح بها العدا ... كـم طـامـع جـانـا غـنـمـنا زمايله
    نكسب بهم عز وننزل بهم الخطر ... ولاهـيـب مـن قـفر رعينا مسايله



    أخوكم/ عقاب الحويماني
  • العازمي 2007
    عضو ماسي
    • Jan 2007
    • 473

    #2
    تسلم والله
    مشكور جدا
    على القصه

    تعليق

    • الهضيباني
      موقوف لمخالفة الأنظمة
      • Jun 2007
      • 401

      #3
      لا هنت على الوضوع والقصيده وتقبل مروري

      مع تحيات زيــــاد الهضيباني

      تعليق

      • عبدالرحمن الهيلوم
        عضو
        • Apr 2007
        • 21232

        #4
        والنعم بالذويبي
        ومشكووور يالغالي

        تعليق

        • (البرقـاوي)
          فريق التصميم والتطوير
          • May 2007
          • 1162

          #5
          [align=center][grade="8B0000 FF0000 FF7F50 B22222"]لاهنت يا عقاب الحويماني

          بيض الله وجهك يالغالي


          تقبل مروري ...[/grade][/align]
          [align=center]

          [/align]
          [flash=http://up206.arabsh.com/s/49d78d3.swf]WIDTH=500 HEIGHT=300[/flash]

          خ ـالد الـ ش ـيباني

          تعليق

          • /عبد العزيز الجذع/

            رابطة محبي الهيلا

            • Apr 2008
            • 7289

            #6
            بارك الله بك , شكراً أخي الكريم

            تعليق

            العمل...