قصيدة ياسر التويجري من شاعر المليون

طي
X
 
  • التوقيت
  • إظهار
مسح الكل
المشاركات الجديدة
  • الغريب؟؟؟
    عضو فضي
    • Feb 2007
    • 230

    #1

    قصيدة ياسر التويجري من شاعر المليون

    السلام عليكم ورحمة الله وبركاته

    هذي قصيدة الشاعر ياسر التويجري في برنامج شاعر المليون , ولا ادري هي موجوده قبل فى المنتدى ولا لا , عاد كانهي مكرره سامحونا:-

    ولدت ساطي ومتغطرس وأحب الخصام
    ============ ولا أعترف في إدارة طبع والا مدير
    أوجدت نفسي من اللاشي والانعدام
    ============ نبذت فالمجتمع لاني صريح وفقير
    ماكان تفكيري الا كيف أخطف السنام
    ============ والحمد لله خطفت اليوم كل البعير
    إن لم يكن مركزي بالصف الاول أمام
    ============ ماعاد تفرق معي لو كنت قبل الاخير
    الله أكبر ولله البقاء والداوم
    ============ وهو الاله الاحدوهو السميع البصير
    أخذت من مدرسة أحمد عليه السلام
    ============ مالاخذيته من مخاوى وزير وامير
    وأخذت من تجربة عبدالعزيز الامام
    ============ وش يصنع العلم لاخاواه سيف شطير
    واخذت من فلسفة هتلرعدم اللالتزام
    ============ وكسبت نفسي وريحت القلق والضمير
    وابشرك حالتي دايم على مايرام
    ============ من ركعتين الفجر الين بعد الاخير
    صحيح عندي تحفظ على بعض الانام
    ============ مثل معمر وابو مازن وتوني بلير
    لكن انا مااحب اقلل الاحترام
    ============ واذهب ضحية طموح الغرب وانا صغير
    قومية المسلمين اللي عليها الكلام
    ============ راحت معا خالد وعمرو وعلي والزبير
    الله ولا ذل والتخوين والانهزام
    ============ ياعابدين العروش الوضع جدا خطير
    يابو خلف كيف حالك عل حالك تمام
    ============ انسى القصيدة وهات علوم اخوي الكبير
    شيخ عرفته وتقريبا لي اربع اعوام
    ============ يومني اجيه لا جاير ولا مستجير
    يشوقني له نشوق الوسم عقب الحيام
    ============ في صفرة جوها ماهو بفية هدير
    الشيخ ابو خالد محمد عداه الملام
    ============ اللي يصير من الاصرارمالايصير
    حد الثماله اعزه لاعلي الحرام
    ============ اني احبه وحبٍ لودرابه يطير
    يطير مثل الوحش لاضف ريشه وحام
    ============ وحول على الذايره بالجو مثل المغير
    ان الملوك اذا اعطوك حب وغرام
    ============ خلوك من سائر الخدام يعني خفير
    الا انت ياراعي التقدير والاهتمام
    ============ ياللي رحمت الصغير وشلت هم الكسير
    اذا البلاط الامير والكنب والرخام
    ============ له شاعر يدهله في صبح والا عصير
    فانادهلت الثرياوالقمر والغمام
    ============ وحولت اداهم طرف مشلحك مالي خشير
    كفرت بالناقصه والغدر والانتقام
    ============ وامنت باانك حزامي بالنهار العسير
    من لايقدر ثباتك مع عكاك الزحام
    ============ ماهوبوالله مقدر ويش معاني جرير
    يارا س عيطا بمسك البدء قبل الختام
    ============ يالنادر اللي على صيد المكارم شهير
    يالمهدي المنتظر بالحاجتين الجسام
    ============ المدة المسكته والاخذ بيد الضرير
    ياسيدي ودي افهق لك ضلوع العظام
    ============ واعطيك شي بصدري وانت رجل خبير
    اناتراني اعاني نوب من انفصام
    ============ يوثرعلى البرمجة في راسي المستدير
    واصير احس اني البارود والا الحسام
    ============ في ساحة الشعر من تبوك لاقصى عسير
    ممايسبب لبعض اعدائي الاحتدام
    ============ اللي يحسبون قرض الشعر مثل الشعير
    والشعر وان كانه المقصودباول مقام
    ============ فالله يرحم ابو الطيب ويرحم زهير
    روح التنافس وحب الشيخ والانضمام
    ============ ماهي بتعني لدى الكثرة نهاية مصير
    والشاعر اللي معه عزوة خوال وعمام
    ============ تفداه وايل وترقب مستعدة مطير
    والله فلا ينقهروالا يضيق ويضام
    ============ لاجاء اللززوالملاقى والقبس والنذير
    وجمع الدراهم ماهي باكبر طموح الغلام
    ============ اللي جمع من قلوب الناس شي كثير
    من حبني رغم تفويتي له الانخدام
    ============ واللي كرهني فهذا شخص ملعون صير
    دام المعارك صغيره ماعلينا لزام
    ============ ينوب عن سيفي البتار اصغرجفير
    قرات فيماقراته من بلوغ المرام
    ============ اللي ترك شي لله عاضه الله بخير



    مع تحيات اخوكم
    الغريب؟؟؟
  • الاد العسيلي
    عضو نشيط
    • Jan 2007
    • 76

    #2
    وعليكم السلام ورحمه الله وبركاته

    تصدق عاد يا اخوي الغريب اني ادورها ولا لقيتها علا العموم الله يعطيك العافيه وما قصرت وانا اخوك ومشكوووور

    تعليق

    • سطم العنزي
      عضو
      • Feb 2007
      • 13

      #3
      صح لسان ياسر التوجيري وتسلم يالغريب على النقل

      تعليق

      • الغريب؟؟؟
        عضو فضي
        • Feb 2007
        • 230

        #4
        ياحيا الله اخوي الاد العسيلي واخوي سطم العنزي , وشرفني مروركم , وانا كنت اظن انها مكرره والحمد لله.........

        الغريب

        تعليق

        • الهضيباني
          موقوف لمخالفة الأنظمة
          • Jun 2007
          • 401

          #5
          جزاك الله خير على الموضع

          مع تحيات زيــاد الهضيباني

          تعليق

          • عوني وخوالي روق
            عضو فضي
            • Jun 2007
            • 286

            #6
            كل الود لك اخوي الغريب نقل مميز والتويجري شعره حلو صراحه

            تعليق

            العمل...