من نشدني قلت مانيـب دعجاني .... من يمش الوسم من خـد المطيّه

طي
X
 
  • التوقيت
  • إظهار
مسح الكل
المشاركات الجديدة
  • ابن نجد
    عضو فضي
    • May 2003
    • 270

    #1

    من نشدني قلت مانيـب دعجاني .... من يمش الوسم من خـد المطيّه

    هذه القصيدة الشهيرة للشاعر المعروف سلطان الدعجاني العتيبي يتغزل بمحبوبته عشقا وقد ابدع في الوصف وكيف لا وهو من الزمان المجيد زمان الاجداد فالغزل طاهر كما قلوبهم ولكم القصيدة :

    فاطري خبي خبيبٍ بروجاني
    وأعذابك وان طرا خلـي عليّه

    عل يفدا فاطري ولد الهدانــي
    عل يفدا فاطري مزعل خــويّه

    وان تردت فاطري والليل جـاني
    يا هلي حطوا على قبري بنــيّه

    حالف ما انسى وليف ما نساني
    كود بدوان العرب تنسى النسـيّه

    او يروح الجدي لسهيل اليــماني
    أو يحدر ظلم يم الجندلـــــيّة

    غصن موز ناعم بارض طمـــان
    دونها الحيطان وغروس قــــويّه

    من نشدني قلت مانيـب دعجاني
    من يمش الوسم من خـد المطيّه

    واهني اللي يسـوقون السـواني
    يشربون الما وانا كبدي ظـــميّه


    ارجو ان تحوز على اعجابكم
    ----------------------------------------------------------------------
    زماننا غير زمانهم وحتى نتذكرالاولين
    اخوكم ابن نجد
  • ابو فراس
    مراقب سابق
    • Jun 2003
    • 1421

    #2
    اخوي نجد المعذره

    مساك الله بالخير يانجد..
    امل ان تسمح لي بهذا التصحيح
    1ـ القصيده التي ذكرتها محرف اكثر من 80% منها وبودي ان تخبرني عن من ترويها او ماهو مرجعها
    2ـ منهو سلطان الدعجاني الذي نسبت له القصيده فالتعريف لم يكن كاملا
    3ـ القصيده مشهوره ومعروفه عند عتببه وقصتها اشهر منها وهي ابعد مايكون عن الغزل وهي للشاعر/غازي بن عضيب الدعجاني وسبق ان نشرت في ديوان الشاعر/ احمد بن زيد الدعجاني والذي هو بعنوان زهور من الصحراء واوردها العصيمي في شعراء من عتيبه ومنها:ـ
    واعذابي من غرابيل الزمــــــاني .................. حتحت المزهب وعزبتنــــــا رديه
    والصديق من العدو اليوم بانـــــي ................. مثل ابن ماضي ومعروفه عليـــه
    ياهل الهجن المراديم الســـــماني ................. خبروبي عند صبيـــــان الحميــه
    في عيال العود ذربين اليمــــاني ................. .مكرمين الضيف يوم المعســريـه
    من تشدني قلت ماني بدعجانــي ................ .من يمش الوسـم عن خد المطيــه
    ليت جدي من هتيم اهل الهوانــي .................. كان انا مشره ولايشــره عليــه
    يازبون الحرد ياهيف الســــمـاني ................. .من زبنكــم عده الله في عليـــه
    مزبن اللي قطعت عنه العوانــــي ................... دام راســك حي فعزومي قويه
    ماندوبح في الغبا نعطي البياني ................. لازبنت اقطان مالــي في رحيـــه
    من ورد بحبالكم شرب اســمهاني ................. مايجلى كود مقطــــــــوع الدنيـه
    وان طويت الياس من كل المعـاني ................. اقطع الفرجه وانا نفســـي قويه
    ضربوا كوري على بنت العمانـي ................. والديار اللـي نبيــــــها في يديـه
    ماعليها الا المشوك والعمــــــاني ................. الخوي اللي يفرج عن خـــــــويه
    مافزعت الا بحرٍ صيرمــــــــــــاني................. ماذكرته لين دورني ســـــــــميه

    والقصيده موجهه للشيخ/ مناحي بن خالد الهيضل وهو . المقصود بقوله .. يازبون الحرد ،،،،،،،،

    هذا وتقبل تحياتي’’،،’’،

    تعليق

    • ابن مفلح-22
      عضو
      • Apr 2003
      • 17

      #3
      الاخ ( المتنبي )

      الف شكر على توضيحك للقصيده وقصتها 0 وهذا هو المعروف عن القصه عند عتيبه

      وتوضيحكم 0 هو الصحيح 0 ميه بالميه

      ونشكر الاخ 0 ابن نجد على اجتهاده 0

      تعليق

      • راعي الحامدية
        عضو فضي
        • Jun 2003
        • 294

        #4
        أول شي يشكر ابن نجد

        الذي كتب القصيدة لين عرفنا من هيله ومنهوا قايلها ولولا الخطاء ماحصل الصواب

        ثاني شي أشكرالمتنبي بكل تقدير وحترام على توضيحه ونقله من المصدر الموثوق
        به,ديوان الشاعر/ احمد بن زيد الدعجاني والذي هو بعنوان زهور من الصحراء واوردها العصيمي في شعراء من عتيبه هكذا رجع الحق لاصحابه وعرفنا اقصيده الجميله الذي لم نعرفها قبل كتابة أخي ابن نجد شكرآ لكم جميعاً

        تعليق

        • ابو فراس
          مراقب سابق
          • Jun 2003
          • 1421

          #5
          مشكور يأبن مفلح وياراعي الحماديه والشكر موصول لابن نجد

          وكما قال راعي الحماديه لولا الخطا ماعرف الصواب

          وكلنا مكملين لبعض في سبيل توضيح تاريخ القبيله ونبذ مادخل به من شوائب وتحريف

          وللعموم الشكــــــــــــــــــــــــــــر مره اخرى ’,’,

          تعليق

          • فيصل محمد

            رابطة محبي الهيلا

            • Apr 2003
            • 1079

            #6
            توضيح للجميع

            توضيح للجميع

            حصلت على ديوان زهور من الصحراء الجزء الأول الطبعة الثانية 1410 هـ للشاعر زيد بن غازي بن عضيب الدعجاني العتيبي
            فوجدت القصيدة الأولى بعنوان (قصيدة الوفاء)
            ذكر المؤلف هذه المقدمة للقصيدة

            في عام 1352 هـ إحتاج المرحوم الوالد غازي بن زيد بن عضيب الدعجاني لصديقه عبدالعزيز بن عبدالعزيز بن ماضي. فقام ابن ماضي بواجبه على أكمل وجه.. وقال المرحوم الوالد هذه القصيدة إعترافا بجميل ومعروف إبن ماضي:

            [poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
            واعذابي من غرابيل الزماني = حتت الزهب وقربتنا رديه
            والصديق من العدو اليوم باني = مثل ابن ماضي ومعروفه عليه
            ياهل الهجن المراديم السماني = خبروا بي عند صبيان الحميه
            في عيال العود ذربين اليماني = مكرمين الضيف يوم المعسريه
            من نشدني قلت مانيب دعجاني = من يمش الوسم عن خد المطيه
            ليت جدي من هتيم أهل الهواني = كان لا نشره ولا يشره عليه
            يازبون الحرد ياهيف السماني = من زبنكم عدة الله في عليه
            مزبن اللي قطعت عنه العواني = دام راسك حي فعظامي قويه
            ماندوبح فــ لغباء نعطي البياني = لازبنت قطان مالي بالرحيه
            من ورد بحبالكم شرب اسمهاني = مايجلي كود مقطوع الدنيه
            وإن طويت الياس من كل المعاني = أقطع الفرجه وانا نفسي قويه
            ضربوا كوري على بنت العماني = والديار اللي نبيها في يديه
            ماركب بأكوارهن خطو الهداني = لو أرد الشور له ضيم عليه
            ماعليها إلا المشوك فــ الماني = الخوي اللي يفرج عن خويه
            مافزعت إلا بحر صيرماني = ماذكرته لين دورني سميه
            [/poet]

            تعليق

            • ابو فراس
              مراقب سابق
              • Jun 2003
              • 1421

              #7
              قصيدة ابن عضيب القضيه

              قصيدة ابن عضيب

              شكرا ابو محمد على الرد ولكن ودي انك تتأمل وتتمعن بالقصيده إذا كان لك في الشعر

              كما يقال لاثبت لك صحة كلامي

              قال ابن عضيب في البيت الثاني: (والصديق من العدو اليوم باني** مثل ابن ماضي

              ومعروفه عليه)

              معناه ان لابن ماضي معروف عليه ولكن ماهو هذا المعروف وهنا انتهى كلامه عن

              ابن ماضي لانه وفي البيت الذي يليه مباشره قال ( ياهل الهجن..... ) وهو طلب من

              اهل الهجن بإخبار قبيلته عندما قال :ـ خبروبي عند صبيان الحميه) . ولكن إخبارهم

              بماذا ؟؟؟؟ وماهي القضيه؟؟؟؟

              في البيت الذي يليه مباشره قال :ـ في عيال العود..................) فمن هم عيال العود

              ؟؟؟؟

              هم الدعاجين والشاهد قول عبد المحسن البدراني : مقدم عيال العود ذكره

              بالامصار.........الخ والقصيده كامله في كتاب العصيمي ج 2

              في البيت السابع بعد ان خرج ابن عضيب من موضوع ابن ماضي ثم مناداته لاهل

              الهجن بإخبار قبيلته عما حصل قال ( يازبون الحرد ياهيف السماني ** من زبنكم عده

              الله في عليه)

              فمن هو زبون الحرد الذي اذا زبنه احد كأنه في عليه تلك الجبال الشاهقه؟؟؟؟ ثم

              ماهي الضروف التي تدعوا ابن عضيب الى ان يزبن عليه؟؟؟؟؟؟؟

              وبعدها يأتي الدليل القاطع اذا لم تقتنع بما سبق حيث قال ابن عضيب ( مزبن اللي

              قطعت عنه العواني ) فمن هو اللي قطعت عنه العواني؟؟؟ ولماذا قطعت عنه

              العواني؟؟؟ ومن الذي زبنه ادخله في وجهه الى ان انتهت مشكلته؟؟؟

              في البيت العاشر يقول ابن عضيب (......................... مايجلى كود مقطوع الدنيه)

              واسالك هنا سؤال هل ابن ماضي وهو من قبيله اخرى يملك بان لايجلى ابن

              عضيب؟؟؟؟؟؟ واعتقد بانك تعرف معنى الجالي والاسباب الذي تدعوا الشخص للجلا

              في ذلك العصر ؟؟؟؟؟؟؟؟؟؟؟

              واخيراً ماهي الحاجه التي عند ابن ماضي والتي ذكرت بانها سبب القصيده وكذلك ذكر

              الديوان الذي استشهدت به والتي دعت ابن عضيب ليقول ( من نشدني قلت ماني

              بدعجاني ******** من يمش الوسم من خد المطيه) ؟؟؟؟؟؟؟؟؟؟؟

              أؤكد للجميع بأن القصيد موجهه للدعاجين والشيخ/ مناحي الهيضل وهو ماقصده ابن

              عضيب بقوله يأزبون الحرد...... ومزبن اللي قطعت عنه العواني وهي قصه مشهوره

              واعتذر عن عدم ذكر سبب القصيد مع آن بها من الفخر الكثير لابن عصيب ولكن من

              هم أولا مني بذكرها لم يتطرقوا لها وأولهم احمد بن زيد بن غازي بن عضيب الدعجاني

              واخيراً انا ودي اقصر الموضوع والهدف كان تصحيح اسم من قال القصيده فقط.......

              وشكراً

              تعليق

              • ابو فراس
                مراقب سابق
                • Jun 2003
                • 1421

                #8
                للرفع

                وامل مرور الاخ / ابن مشيب على الموضوع

                تعليق

                • ابن مشيب
                  إدارة أقسام القبيلة
                  • Nov 2002
                  • 9791

                  #9
                  مشكور ياخوي المتنبيss , وتفسيرك للابيات عقلاني ومنطقي , ومرة اخرى اشكرك على توضيح الحقيقة والمقصود.


                  اخوك:
                  ابن مشيب.

                  تعليق

                  • ساري ليل
                    عضو فعال
                    • Apr 2003
                    • 121

                    #10
                    شكــــــرا لابن نجــــــــد


                    والشكــــر لجميع الاعــــــــزاء على هذا التوضيح .

                    فكل منكم مكمل للآ خـــــر .

                    تعليق

                    • محمد الهدفي
                      عضو نشيط
                      • Oct 2006
                      • 36

                      #11
                      بيض الله وجهك يا ابو فراس كفيت وفيت

                      ولكن انا اشره على عيال عمي الي يجيبون القصيده فرحانين كانهم جابو مسبه علينا ما يعرفون قصتها

                      القصه الي نعرفه حنا يالهدف هي:

                      غازي كان متجه السدير اذا مانيب وهم ولمح ثلاثه يلحقونه خلا حلاله وجاء من ورهم وهم ما شفوه وذبح الثلاثه وبعدين جاء خويا الملك عبدالعزيز كان يدوره على غازي بسبت الي سواه وغازي راح لابن ماضي ابن ماضي قاله: رح لعيال عمك هم ينفعونك و انا بجهز لك الذلول برى الديره اركبها ورح لهم . المهم ابن ماضي ضيف خويا عبد العزيز لين رح غازي. غازي رح لامير الهدف العميدي وعلمه القصه العميدي قال: مالك لا مناحي الهيظل هو قريب من عبد العزيز رح له( لحظو ترى قصة السبله توها ما بردات ) . المهم رح غازي لاشيخ مناحي الهيضل وقال الشيخ: ابشرى بسعدك. وراح الشيخ مناحي للملك عبد العزيز قال للملك القصه وقاله : الرجل كان يدفع عن حلاله . رد عليه الملك : هو من قبل السبله ولا بعدها اذا هو قبلها يقوود واذبعدها ما يقود. رد الشيخ مناحي: لا من ورى السبله. قال الملك : الي من قبل السبله عفينا عنهم. وعف عنه الملك عبد العزيز ودفع الملك الديه للمقتولينو وقال غازي هلقصيده.


                      وقال :
                      من نشدني قلت مانيـب دعجاني
                      من يمش الوسم من خـد المطيّه

                      قصده ان وسمه معروف مايقدر يخفي وسمهم الحلقه والمدرق للدعاجين والهدف

                      هذا الي اعرف عن القصيده


                      وسلمتو ياخوان...... اخوكم الهدفي

                      تعليق

                      • ذيب السبايا

                        رابطة محبي الهيلا

                        • Oct 2005
                        • 1794

                        #12
                        لاهنت يالغالي

                        تعليق

                        • مرزوق حمدان العتيبي
                          مشـرف عام
                          • Nov 2003
                          • 20403

                          #13
                          نذكر القصه كما سمعناها امس كنا في مجلس يحضره
                          احد شيبان المقطه عمره قد ناهز السبعين ...
                          الرجل يقول كان بن عضيب مع الدويش والاخوان
                          تحرك القوم وتاخر عنهم وعندما ركب ذلوله يريد ان يكمل مسيره
                          واذا بثلاثه من الهرشان فقالوا حوّل عن الناقه ياولد وللرجال معه بندق
                          وومره الله ان يقتلهم قبل ان يقتلوه فاخذ بنادقهم الثلاث
                          وعندما لحق بالجيش كانوا الاخوان لايكذبون وكانت هذه الكسيبه تسمى قلاعه
                          مالها علاقه فالغنايم ولكن ابن عضيب اراد ان يخبر الدويش فقال انا اعترضوني ثلاثه
                          وومرني الله وذبحتهم وهذي بنادقهم فسكت الدويش
                          ثم خرج بن عضيب وكان احد العصمه جالس بعد خروج بن عضيب فتبين له ان الدويش
                          يريد ان ياخذ البنادق فخرج الى بن عضيب وقال الرياجيل يبون ياخذون بنادقك ولكن لاجا الليل
                          اسر .... فسرا بن عضيب حتى وصل الى ابن ماضي في سدير واكرمه وزوده بالزاد
                          وكمل مسيره حتى وصل الى اهله ... وهو من خلال هذه القصيده يذكر معاناته
                          وماتعرض له من مصاعب .... والله اعلم
                          هذا ماسمعت والعهده على الراوي ...
                          [align=center]
                          [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                          فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
                          حط حبه في كياني ماتغيّره السنيني = وانثني من دون عرضه بالذراع وباللساني[/poem]







                          @Marzouq_MHD
                          [/align]

                          تعليق

                          • محمد الهدفي
                            عضو نشيط
                            • Oct 2006
                            • 36

                            #14
                            احسنت يا مرزوق

                            انا ما عندي اي معلومه عن الدويش وما مر علي شي عنها ولكن اعرف القصه من بعد ما ذبحهم رح لابن ماضي في حوطة سدير


                            لاهنت يا اخوي

                            تعليق

                            • عبدالعزيز الدعجاني
                              عضو فضي
                              • Sep 2007
                              • 298

                              #15
                              نعم كلام صحيح اللي قال القصيده غازي بن زيد بن عضيب الدعجاااني
                              واللي هو من خوالي ويعطيك العافيه اخوووووي على التوضيح الصحيح






                              تقبلو مروري
                              ابووووبدر

                              تعليق

                              العمل...