يالله يامعطي العطايا الكبارا

طي
X
 
  • التوقيت
  • إظهار
مسح الكل
المشاركات الجديدة
  • يجيلك يوم
    عضو ماسي
    • Dec 2005
    • 795

    #1

    يالله يامعطي العطايا الكبارا

    السلام عليكم ورحمة الله وبركاته


    هذه قصيدة راكان بن حثلين عندما قدم له (الخيار) في سجن الاتراك , وكان راكان لا يعرف هذا النوع من الفاكهه, فسأل السجان: ماهذا؟ قال له : خيار .

    بعدها هاجت قريحة الفارس الشيخ راكان بن حثلين بهذه القصيده





    يالله يامعطـي العطـيـا الكـبـارا **يامعطي الجنه عبيـدك عـن النـار
    يالله يـاخـلاق لـيـل ونـهــارا ***سمر الليالـي فالفلـك يـوم تنـدار
    مدع القمر والشمس تمشـي جهـارا ***متعاقبـات(ن) دب الايــام سـيـار
    لياغابت شمس اليـوم بيـن سمـارا ***والليل ظبظب وانحشق شوف الابصار
    واليا طلعت شمسـه وبـان النهـارا***والناس تسعـى بالدلايـل والابصـار
    قالـوا خيـار وقلـت ماهـو خيـارا****ولاهي خيار(ن)كـل زينـات الاثمـار
    خيار المـلا اللـي تجيـه الـزوارا****محـمـد نـبـي الله ناتـيـه زوار
    وخيار البيـوت كبارهـا والصغـارا***الزين بيت الله حجاب(ن) عن النـار
    وخيار السبايـا مسرجـات المهـارا***ان روح(ن) مـع اول الخيـل عبـار
    وخيـار الابـل طيـبـات البـكـارا****وضح(ن) رجوح(ن)باول الذود معطار
    وخيار الرجال اريـد ربع(ن)شطـارا****يفرح بهـم قلبـي بعيديـن الاذكـار
    ان فـرع(ن) وان دلـع(ن) العـذارا***واليا اختلط حس الزغاريـد والثـار
    واليـا تعالـو فـوق قـب المهـارا***صيحاتهم تجلى عن الكبـد الامـرار
    ماقلطـو للضيـف كثـر الـعـذارا***واعذارهم مـا حاشـت اليـد للنـار
    صينية(ن) بهـا شحـم مـع فقـارا***ودلاال بيض ابه اختلط بـن وابهـار
    وانا لقيـت اخيـار بيـض العـذارا***حكي الـردا ماسولفـه كـل عبـار
    وابو قـرون(ن) زافتيـن(ن) تبـاراا***به اسود(ن) وابه اشقر(ن) كلهب نار
    واحجيجه خـط القلـم يـوم سـارا***بيض الطلاحي يصبغ الحبر وان سار
    والعيـن عيـن موحشـات الحـرارا***الحر الاشقر لبـرق الريـش حبـار
    وابريطماتـه كالبريـسـم صـفـارا***شبه الحرير اللي على الكبـد بـزرار
    واثنيـواتـه كالـوالـي عـفــارا***شبه البرد وان حدره هجل الامطـار
    يـازول ريـم(ن) لاجفـل واستـدارا***وخدود ضبي(ن) مرتعه عشب الاقفار
    ان خيرونـي عـارف(ن) للخـيـارا***لاخذ هـوى قلبـي وباقـول بختـار
    وصلاة ربـي عـد نبـت القفـارى***علـى نبـي(ن) للمخاليـق مختـار
  • أبو صقر

    مشرف انساب وديار قبيلة عتيبه

    • Oct 2005
    • 1710

    #2
    عسى مايجي غير الأيام السعيده مشكور على القصيده

    تحياااااااااتي

    تعليق

    • عتيبي 2005
      عضو فعال
      • May 2005
      • 140

      #3
      وعليكم السلام ورحمة الله وبركاته:
      تسلم اخي يجيلك يوم على هذه القصه الطريفه وقصيدتها للشيخ الفارس المشهور راكان ابن حثلين .
      والحقيقه ان الشيخ راكان قد تعرض لعدد من القصص الطريفه اثناء فترة سجنه واسره بتركيا .
      ومنها انه اثناء حرب تركيا مع المسكون ( الروس ) كان هناك فارس ضخم الجثه والهيئه من المسكون قد بارز عدد من الفرسان الاتراك وقتلهم واحدا بعد الآخر وكان راكان مسجون في قلعة تطل على ميدان المعركه .
      فقال لسجانيه انا على استعداد لمبارزة هذا الفارس وقتله على ان تطلقوا سراحي اذا قتلته .
      فوافق الاتراك على ذلك على اساس اذا قتله يكون قد خلصهم منه واذا الفارس المسكوني قتل راكان يكونون قد تخلصوا من راكان .
      ولكن الاتراك اشترطوا ان يدربوا راكان على الفروسيه ويجتاز الاختبار حسب النظام المعمول به في تدريب واختبار فرسان الاتراك في سلاح الفرسان .
      فوافق راكان على مضض مضطرا . فبدأ بتلقي التدريب بطريقة كانت مضحكه للفارس راكان وكان العسكري في بداية التدريب يمسك بلجام الفرس ويقودها وراكان راكب ويدور به حول الميدان .
      عندها اخذ راكان يردد هذه الاحديه اثناء التدريب ويسند كلامه لاحد فرسان العجمان وكنيته ( ابو هلا) ويقول :

      يابو هلا ليتك تشوف
      الدوله حطتني نظام

      يقودني قود الخروف
      العسكري ولد الحرام

      الصبح ماكولي رغيف
      وفي الليل مااذوق المنام

      وفي اليوم التالي بارز راكان ذلك العلج فقتله راكان .. وقام الاتراك باطلاق سراحه مكافأة له . وآسف للاطاله مع الاختصار . تحياااتي .

      تعليق

      • يجيلك يوم
        عضو ماسي
        • Dec 2005
        • 795

        #4
        مشاركه

        مشكور اخوي سطام على مرورك العذب لاهنت يالغالي



        احتراااامي

        تعليق

        • يجيلك يوم
          عضو ماسي
          • Dec 2005
          • 795

          #5
          مشاركه

          اخوي عتيبي 2005 مشكور على مرورك وأضافاتك الرائعه التي تزيد من روعة الموضوع لاعدمتك



          تحياتي لك

          تعليق

          • ابـن نـعـيـس
            مشرف سابق
            • May 2005
            • 5666

            #6
            لاهنت يالغالي

            قصيده رائعه


            تحياااااااااااااااااتي
            [align=center][/align]

            تعليق

            • ((الدلبحي))

              رابطة محبي الهيلا

              • Mar 2003
              • 6010

              #7
              لاهنت يالغالي

              قصيده رائعه


              تحياااااااااااااااااتي

              تعليق

              • طراد
                عضو نشيط
                • Oct 2005
                • 36

                #8
                اخي 2006 راكان عندما سجن كان في زمن محمد بن رشيد
                وفي هذا الوقت كانت الدولة العثمانية امبراطورية من الدول العظمى في العالم
                فكيف تعجز عن فارس واحد
                ثم يأتي راكان ويقتله وبعد ذلك تفرج عنه السلطات العثمانية
                هذا الكلام غير واقعي
                الناس وخاصة العجمان اختلقوا هذه القصة نظرا لحبهم لراكان وشجاعته
                وقصصه الكثيره وبسبب سجنه اختلقوا هذه القصه
                وقالوا انها سبب اطلاق سراحه؟
                والكل يعرف ان اللذي سعى في اطلاق سراحه هو(الامير محمد بن رشيد)
                عندما دفع للاتراك جنيهات ذهب وطلب له العفو من الاتراك
                وهذا شي معروف حتى راكان عندما وصل الى نجد قادما من المدينه المنوره
                بعد اطلاق سراحه ووصوله عن طريق البحر الى المدينه المنوره
                كان اول شي يفعله هو الذهاب الى حائل وشكر الامير محمد بن رشيد
                يدل على ذلك قصيدة راكان
                يا فاطري ذبي خرايم طميه...... يوم اشمخرت مثل خشم الحصاني
                ذبي طميه والفياض العذيه...... وتنحري برزان زين المباني
                سلام اخو نوره لزوم عليه...... قبل القريب وقبل قاصي وداني

                اخيرا تقبل فائق احتراماتي

                تعليق

                • ابن ثريان
                  عضو فعال
                  • Apr 2005
                  • 103

                  #9
                  والنعم بالفارس الشهم النبيل

                  تعليق

                  • عتيبي 2005
                    عضو فعال
                    • May 2005
                    • 140

                    #10
                    اخي طراد
                    اولا حياك الله وشكرا على الترقيه والتحديث للموديل حيث خليتني 2006
                    وثانيا شكرا لك انك لم تنكر وصحة تواتر القصه وما فشلتني وطلعتني كذاب على الاقل والتي يدعم صحة حدوثها (( احدية الشيخ الفارس راكان ابن حثلين )).
                    وثالثا انا لا انفي طبعا ان يكون للامير / محمد العبدالله الرشيد الدور الرئيسي باطلاق سراحه وهذا ايضا لايتعارض مع حدوث قصة مبارزة راكان للفارس المسكوني .
                    واعتقد ان راكان كان وفيا للامير ابن رشيد والدليل قصيدته التي تفضلت بكتابة مطلعها .. واعتقد ان صحة الابيات التي ذكرتها مع تكملة القصيده هي كالتالي :
                    يا فاطري خبّي خرايم طميّه
                    الى شمخرة مثل خشم الحصاني

                    خبي خبيب الذيب في جرهديه
                    الى طالع الزيلان والليل داني

                    خبي طميّه والرياض العذيه
                    وتنحري برزان زين المباني

                    ازور اخو نوره لزومٍ عليه
                    قبل الحبيب وقبل عالي وداني

                    وليا قضيت اللازم اللي عليه
                    اللازم اللي ما قضاه الهداني

                    احط الجدي من فوق ورك المطيّه
                    وافرق ايديها عن سهيل اليماني

                    نبغي نسير لديرة العسوجيه
                    ريحة نسمها كالزباد العماني

                    لومي على الطيّب ولومه عليه
                    وراه ياخذ عشقتي ما تناني

                    ليته صبر عامين والاّ ضحيه
                    حتى يشوف لغربتي ويش جاني

                    امّا قعد راكان بالمهمهيّه
                    والاّ يجي يصهل صهيل الحصاني

                    روحي وانا راكان زبن الونيّه
                    ما يقبل العقبات كود الهداني


                    واخيرا ونعم في راكان والعجمان .. ونعم بابن رشيد وشمر واظنك شمري وحياك الله ونعم فيك اخوي .

                    ملاحظه : اخي القصه لم تذكر ان الدوله العثمانيه عجزت عن فارس واحد وانما على طريقة الحروب القديمه كانت هناك مبارزه بين الفرسان فالقصه حدثت قبل اكثر من مائة وثلاثون عاما .. ولا تنسى ان روسيا القيصريه كانت دولة عظمى ايضا . تحياااتي

                    تعليق

                    • طراد
                      عضو نشيط
                      • Oct 2005
                      • 36

                      #11
                      شكرا جزيلا لك وما عليك زود يا بعد عيني

                      تعليق

                      • فواز الشيباني
                        موقوف لمخالفة الأنظمة
                        • Apr 2005
                        • 2001

                        #12
                        اخي الكريم

                        مشكور وماقصرت

                        على القصه الرائعه

                        تعليق

                        • يجيلك يوم
                          عضو ماسي
                          • Dec 2005
                          • 795

                          #13
                          مشاركه

                          مشكوور فواز على مرورك العذب ولاهنت


                          دمت ودام وجودك

                          تعليق

                          • مرزوق حمدان العتيبي
                            مشـرف عام
                            • Nov 2003
                            • 20403

                            #14
                            ..
                            .
                            شكرا لك يجي لك يوم
                            وشكرا للاخوان على مداخلاتهم القيّمه.
                            ..

                            .
                            كل الود ....
                            [align=center]
                            [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                            فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
                            حط حبه في كياني ماتغيّره السنيني = وانثني من دون عرضه بالذراع وباللساني[/poem]







                            @Marzouq_MHD
                            [/align]

                            تعليق

                            • يجيلك يوم
                              عضو ماسي
                              • Dec 2005
                              • 795

                              #15
                              مشاركه

                              اخي الكريم مرزوق

                              مشكور على مرورك المشرف لاهنت

                              ونورتني بحضورك الأكثر من رائع

                              أرجوك أن يدوم تواصلك


                              دمت ودام وجودك

                              تعليق

                              العمل...