سالفة العوارض من مطير وجيش ابن رشيد ... والكذب الواضح ..!!

طي
X
 
  • التوقيت
  • إظهار
مسح الكل
المشاركات الجديدة
  • شلاش العتيبي
    شــاعر
    • Aug 2005
    • 74

    #16
    السلام عليكم ورحمة الله وبركاته

    اخوي الشمري لو انها بالحمايا ابشر بنا ولا يهون اخوي المطيري

    ولاكن هذا تاريخ مايرحم احد اللي لك يذكره واللي عليك يذكره

    انت ذكرت دليلين على عدم صحت انه جيش ابن رشيد
    الاول قلة عدد المطران
    الثاني قول الشاعر(قام يرسل علينا خيله ارسالي)

    وهذي كلها غير مقبوله والسبب

    اما القله فقد حارب فريق من( ذي ربعي) من الحفاه من الروقه
    ابن رشيد على (النير) وكان عددهم لا يتجاوز العشرين
    ويقول اليابس من الحفاه
    [poem=font="Simplified Arabic,3,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    خيّل خيالٍ طلعت الشمس وامطر=سيله من الدم الحمر شختور
    ياذيب ياللي بايمن النير وايسره=تعال اكل من جثايا الخيل يامعثور
    تلقى على الساقه حصانٍ ومهره=وتلقى عيالٍ لابسين كمور
    كم صاح غب الكون من شمريه=حناها طناها حنية الباكور[/poem]
    وقد قتل من الحفاه مجموعه
    قال اليابس
    [poem=font="Simplified Arabic,3,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    وا ربعي اللي كل ما قلت اظنهم=لاكن يهدم في البلاد اقصور
    وابن لغيصم طاح منا على الثرى=وعيا على التالين ابن صمعور[/poem]

    وهناك وقعه اخرى مع ابن رشيد ايضا
    كان مغيرا على بعض القبايل
    وفي ذهابه لقى اباعر الدغالبه من برقا , وابلهم على الضعيّنه
    ولم يكن عندها الا سته من فرسان الدغالبه
    وكانت يتعزوون بـ(انا اخو بتلا)
    لا ادري هم اخوان او بني عم
    فلما عجز ابن رشيد عنهم قال كلمته المشهوره
    :::[اتركوها عيو عليها اخوات بتلا]
    وافتكوا ابلهم من ابن رشيد

    وهناك قصص كثيره مثلها
    واكثرها ضد ابن رشيد

    ولاتنسى ان المخطي ما ينصره الله

    اما الدليل الثاني:
    فهو ايضا غير صحيح
    لان الجيش الكبير لا يهجم على الجماعه القليله كله سوا كما هو معلوم
    بل يرسلون مجموعه من الفرسان ويسمونهم
    (سربه , كردوس , حثلوم , رِسل , زافه .....الى آخر المسميات)

    مثل يوم الرحا

    كان ابن رشيد يرسل على امير عتيبه ابن هندي وحده كراديس الخيل

    كل كردوس من خمسة عشر الى عشرين فارس

    وكان يكسرها

    وهذي علوم راحت ياخوان

    وتبقى المحبه والعلوم الطيبه بيننا

    اخوكم شلاش

    تعليق

    • سناعيس شمر
      عضو نشيط
      • Jun 2005
      • 88

      #17
      (( عطيب الضرايب )) يالله حيوو
      هلابك ومشكور على المرور
      _____________
      (( ذيبان )) هلابك نوبتن ثانية
      مشكوووور على مرووورك

      تعليق

      • سناعيس شمر
        عضو نشيط
        • Jun 2005
        • 88

        #18
        تم النشر في الأصل بواسطة محـــارب

        واقولهم ياعتيبه الرجال اخطى علينا يامطير بمحلكم وبعترافه
        ونزل موضوع باسلوب فيه استهزاء وكان من المفترض ينزله بمنتدى مطير
        ونزله عندكم
        لانه يشوف انكم منتم قايلين شي اذا سبت مطير عندكم
        وانتم ربعنا وخوالنا وبنيخينا واللي في مطير فيكم واللي فيكم في مطير
        وبينا دم ونسب
        عطونا حقنا وقولوا لشمري رح لمنتديات مطير وحاجهم
        وسلااام
        يابعدي انا ماغلطلت على مطير ولا بكلمة وحده
        ومطير قبيلة كبيرة والتاريخ يشهد له

        متى انا استهزأت بمطير ومتى سبيتهم

        واذا شفاوا العتبان مني غلطة وحده على مطير لايلغون الموضوع وبس
        لأ انا اقولهم الغوا عضويتي بعد ؟؟

        فاهمن يالمطيري

        تعليق

        • صدوق
          عضو نشيط
          • Aug 2005
          • 58

          #19
          [align=center]اخوي عتيبي نجد مساك الله بالخير وشلونك عساك طيب [/align]انا مان مطاري
          لكن اسمح لي ابرد على مقالك يوم تقول :
          (انا ابعرف بس هل شيبان مطير ديناصورات كل ماجانا واحد من مطير قال الشياب الفلاني يقول كذا وكذا وكان الشياب الفلاني لاحقن على الاولين وهو عمره ماتعدا 60 سنه ودائما مايطعنون في المؤرخين واللذين عاصروا والاحداث ويعتمدون روايات ضعيفه ينقلونها ناس لم يحضروا هذه الاحداث الله المستعان )
          آلحين انا اللي اباسألك المؤرخين ومؤلفين الكتب اللي حنا دايم نضعها كمراجع مثل ابن بليهد وغيرة من اين جابو كلامهم اورواياتهم ؟؟؟؟
          اكيد من الشيبان ولولا الله ثم الشيبان كان ماحد عرف عن التاريخ شي !!!!!!!!
          الشايب لوماعاصر القضيه اوالمعركة اكيد انه ذاك الوقت طفل ويعلم بالشي ذا ولو لم يعلم يعلمونه اهله ثم تتناقل الحكاوي من الاب لابنه !!ولايخفاك انت اكيد عندك روايات ودراية بمعارك الاولين سواء عتيبة اوغيرها منين جتك من ابوك او جدك وابوك من ين جابها من ابوة وهكذا.
          الحق حق ياولد عمي
          ويكون بعلمك الشيبان هم اللي عندهم العلم ,
          لو سولف ولد شباب في مجلس عن احد المعارك القديمة جداً ورد علية شايب من تبي تصدق الشايب او الولد أكيد الشايب لانه اعرف (اكبر منك بيوم اعرف منك بسنه) وهواللي يوخذ منه العلم ,وانا شخصياً اعرف مؤلفين ومؤرخين يدورون كبار السن (الشيبان)للاستفسار عن بعض مايريدون ويأخذون بأقوالهم.

          هذا ماحبيت اوضحة لكم
          [align=center] وتقبلوا تحياتي ///////////////صدوق ابن روق [/align]

          تعليق

          • سناعيس شمر
            عضو نشيط
            • Jun 2005
            • 88

            #20
            تم النشر في الأصل بواسطة صدوق
            بسم الله الرحمن الرحيم
            ياخواني هدوا الوضع السالفه معروفه وكلن خابرها
            انا يسولف علي مطيري من الحمادين يردها عن جده (اقضب العلم)
            يقول ان العوارض اللي جاهم مراسيل ابن رشيد ماجا ابن رشيد ولاجا كل جيشة اللي جاهم ولحقهم شوي من الجيش او ربع ابن رشيد ويوم العوارض حسوا بالخطر العوارض معروفين شجعااااان شجعااااان ماينطحهم احد المهم انهم يوم دريوا انهم في خطر ويقومون وكل واحد منهم يحط ظهرة على ظهر خوية ووجيههم مقابلة للعدو وهم عددهم عشرة وجلسو على شكل دائرة مقابلين ربع ابن رشيد ودافعوا عن انفسهم الرياجيل بالرمي كلن معه سلاحة وفشقة ويرمي وذبحو من ربع ابن رشيد واجد لكن ماش اللي معهم من فشق قضى وطول الله عمرك قاموا يموتون واحد واحد على حسب اللي يقضي مامعه من فشق لين مابقا منهم الا ثنين لكن فالنهايه ماتوا لكن موتت شرف ماستسلموا وسلموا انفسهم لابن رشيد فضلوا المقاومة لين الموت وفعلاً ذبحوا من ربع ابن رشيد واجد واجد وهذي وانا اخوك مابها شي هذي موتتن ترفع الراس ومن وقفات المطران المشهورة وهذا موقف من شجاعة المطران ,.لكن مسألة ان ابن رشيد جا بنفسة لا ومسألة ان العوارض مماتوا بس قاوموا وانحاشوا لا هذي حقايق كلن خابرها.
            اسمع ماقيل حاضراً في هالكلام :
            [align=center]عشرة عوارض من مطير السلاطين ..............ردوا جيوش ابن رشيد الغفيرة.[/align]هذا الكلام مصدرة شيبان مطير ماهوب مني .
            وحبيت افيدكم بما عندي
            [align=center] تقبلوا تحيااااتي / صدوق ابن روق [/align]
            صدوق مشكور على المداخلة
            مابوه اثنين يختلفون على شجاعة العوارض وعلى شجاعة وتاريخ مطير بكبره
            بس انا ضدك انوه جيش ابن رشيد واجههم كلوه
            لو سمحت رد اقرى موضوعي من الاول
            انا معاك ان العوارض ذبحوا من جيش ابن رشيد
            بس ابن رشيد كان يدز لهم مجموعات
            واخر شي واجههم ابن رشيد وذبحهم كلهم
            وهم هالسالفة مذكورة ببداية الموضوع
            كل الشكر لك على المرور

            مع التحية

            تعليق

            • سناعيس شمر
              عضو نشيط
              • Jun 2005
              • 88

              #21
              (( عتيبي نجد ))

              هلابك مليون
              ومشكور على المداخلة
              وعساك على القوة

              مع التحية

              تعليق

              • سناعيس شمر
                عضو نشيط
                • Jun 2005
                • 88

                #22
                (( شلاش العتيبي )) هلابك
                ياخوي السوالف اللي قلته اول مرة اسمع به
                بس هذا مو معناته اني انكرها .... لا ابد

                بس حبيت اوضح لك على مشذوبة مرتن ثانية

                اللي يثبت من قصيدة الرجال المطيري انهم ماواجهوا جيش ابن رشيد
                هاك هالبيت
                [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
                لحقت الخيل بالتومـان مركوبـه=مشتهين الطمع مرخيـن الأمالـي[/poem]
                هذا يدل ان اول المراسيل للعوارض جماعة من التومان من شمر



                [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
                كلما قلـت عنـا هـودوا نوبـه=الحقـوا سربـة تسعيـن خيالـي[/poem]
                "وبهذا يقصد الفتره الي بين المراسيل يعني يقول كل ماقلت انهم اتركونا يرجع ويرسل لنا مجموعه اخرى"




                [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
                ويوم لحق الأمير ولحقت الشوبـه=لا قرايـاولا مزبـن ولا جـالـي[/poem]
                واهنيه يقصد ان بعدين جاهم ابن رشيد ... الامير يعني عبدالعزيز الجنازة
                يعني ماكان موجود من البداية




                [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
                يحسب انا نعود عند مندوبه=يوم يرسل علينا خيله ارسالي[/poem]
                وهذا اكبر دليل ان المعركة كانت مجموعات
                وماكان حاضره كل جيش ابن رشيد



                وشكرا

                تعليق

                • سناعيس شمر
                  عضو نشيط
                  • Jun 2005
                  • 88

                  #23
                  تم النشر في الأصل بواسطة المنتقم
                  [align=center]
                  [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
                  يا اهل الرمك بالهونكم = خلو عمامي يلحقون
                  نثارة الدم الحمر = قطاعة ما يرحمون[/poem]
                  لمن؟
                  وما المناسبة؟
                  أكرر شكري[/align]
                  والله يابعد حيي اني سألت
                  وواحد من الشباب قال لي انوه قاري هالسالفة
                  بكتاب عشائر الشام واللي قايل هالقصيده
                  من عشيرة التركي من الهذال شيوخ مشايخ عنزة
                  وهالسالفة صارت بالشام

                  ..
                  يابعدي هذا اللي قدرت اجيبوه لك
                  واسمحلي على القصور

                  تعليق

                  • قاطع طريق
                    عضو ماسي
                    • Aug 2005
                    • 548

                    #24
                    [align=center]مشكور يالسنعوسي
                    بس حسب الروايات عندنا أنها تخص شمر
                    ومادامك من اهل الشأن
                    اعتقد انك حسمت الامر

                    /////////////////////////////////////////////////////////////////

                    أخوي شلاش
                    حنا يالعتبان لا نمتلك صلاحيات أثبات مشذوبه أو انكارها
                    وما نقول إلا حيا الله الطرفين ولهم ما شاءوا في حدود الادب
                    ولتعذرني الادارة

                    ومدام التاريخ لا يرحم
                    فرجاءً لا تقارن نطاق مع مشذوبة

                    (انطاق) غير
                    ومعترف بها من جميع الطرفين (عتيبة وشمر)
                    وتعتبر مجزرة حق وحقيق
                    وفخر لنا ولهم

                    [poem=font="Simplified Arabic,4,black,normal,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"]
                    أول كلامي طلبة الله وذكره = ذكرت ربي كل بادي نور
                    يقول ابن حافي بدا راس مرقب = في مرقبٍ عالي بروس القور
                    يرد من زين المثايل وينتقي = مثل العسل حلو بدون امرور
                    كلام احلى من لبن شمخ الذرا= لا روحت من حاجر ممطور
                    بعد جاء خيالٍ طلعت الشمس وامطر = ثعوله من الدم الحمر شختور
                    وبروقه بأيمان النشاما سيوفهم = ورعوده من افواه السلاح يثور
                    ( يعني سيوف وبنادق وليست بنادق فقط)
                    قبلي خشم (انطاق) لا طقه الحيا = شمالٍ من العد الهماج حدور
                    نطحنا العدا من يوم جتنا اجموعهم = على سردهم والبيرق المنشور
                    (يعني بعضهم ناطح بعض وجه لوجه ولم يكن هناك مراوغة)
                    وطاحوا به الفرسان منا ومنهم = وردوا هل العادة على الصابور
                    وسقيناهم السم الذحاح وسقونا = مثل انمور صادمت لنمور
                    وابن لغيصم طاح منا على الثرى = من طاح بالميدان ما يثور
                    يا ذيب ياللي بأيمن النير وايسره = كل من مداس الخيل يامعثور
                    واكل من الصبيان والجيش والرمك = وليا ضميت اشرب من المنجور
                    تلقا عل الساقه حصان ومهرة = وتلقا عيالٍ لابسين اكمور
                    و صوّت لذيبٍ يم حشة مليّة = وخلوا لغياب السباع جزور
                    كم صاح غبّ الكون من شمرية = حناها طناها حنية الباكور
                    من اولاد حافي لابتي ذي فعولهم = اهل ماقفٍ يوم اللقا مشهور
                    وردوا علينا وردة في عزيمة = وهج الحلال وزرفل المظهور
                    وحاطوا بنا قومٍ تهاذب مهارهم = ولجت حداويهم على المامور
                    ورمينا العمايم واعتزينا بحافي = وثبت لهم كل ابلج منعور
                    كروا علينا ثم رجعنا عليهم = واقفت بهم جرد المهار اعبور
                    وطاحن جياد الخيل من ضرب لابتي = والدم الاشقر بيننا منثور
                    عيا على أولنا سْمير وزايد = وعيا على التالين ابن صمعور
                    أيضا وبن هزاع وعميش قبلهم = وحزام شوق الجادل الغندور
                    وافتكت اللقوة بكثر الرزايا = وكل اخذ حقه من الميسور
                    جنايز الظفران حافي وشمري = أمسى بها سبع الخلا مسرور
                    واربعي اللي كل ما قلت اظنهم = كن يتهدم فالجبال اقصور
                    اهل مرحبا وان جت ليال الشدايد = واهل الكرم وان جت ليال اعسور
                    يا حيسفا يا ريف هجنن حفايا = يوم الردي عن خاطره مثبور
                    وجدي عليهم وجد من بات ساهر = يجر العوى من عظمه المكسور
                    والوجد الاخر وجد من باع ذمته = ولقوا عليه الطيبين اعقور
                    ولاّ وجودي وجد راعي هجمه = أخذها الذويبي من طرف مجرور
                    واستغفر الله قبل تكتب عليه = في كل عمري ما ذكرت الزور
                    تمت وصلى الله على صفوة الملا = اعداد ما يزهى الفلا بزهور[/poem]


                    لا مقارنه
                    ( نمور واجهت نمور مثل ما قال الشاعر )

                    يقول
                    [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
                    عيا على اولنا (سمار) وزايد = وعيا على التالين ابن صمعور[/poem]

                    سمار من الصقور وليس من ذوي ربعي واخوه سمران
                    وسمران جد الشاعر خلف ابن هذال بن محمد ابن سمران الحافي العتيبي
                    يعني المعركة فيها ذوي ربعي والصقور فلا تبخس الصقور حقهم[/align]

                    تعليق

                    • عتيبي نجد
                      عضو فعال
                      • Jan 2005
                      • 136

                      #25
                      صدوق

                      تم النشر في الأصل بواسطة صدوق
                      [align=center]اخوي عتيبي نجد مساك الله بالخير وشلونك عساك طيب [/align]انا مان مطاري
                      لكن اسمح لي ابرد على مقالك يوم تقول :
                      (انا ابعرف بس هل شيبان مطير ديناصورات كل ماجانا واحد من مطير قال الشياب الفلاني يقول كذا وكذا وكان الشياب الفلاني لاحقن على الاولين وهو عمره ماتعدا 60 سنه ودائما مايطعنون في المؤرخين واللذين عاصروا والاحداث ويعتمدون روايات ضعيفه ينقلونها ناس لم يحضروا هذه الاحداث الله المستعان )
                      آلحين انا اللي اباسألك المؤرخين ومؤلفين الكتب اللي حنا دايم نضعها كمراجع مثل ابن بليهد وغيرة من اين جابو كلامهم اورواياتهم ؟؟؟؟
                      اكيد من الشيبان ولولا الله ثم الشيبان كان ماحد عرف عن التاريخ شي !!!!!!!!
                      الشايب لوماعاصر القضيه اوالمعركة اكيد انه ذاك الوقت طفل ويعلم بالشي ذا ولو لم يعلم يعلمونه اهله ثم تتناقل الحكاوي من الاب لابنه !!ولايخفاك انت اكيد عندك روايات ودراية بمعارك الاولين سواء عتيبة اوغيرها منين جتك من ابوك او جدك وابوك من ين جابها من ابوة وهكذا.
                      الحق حق ياولد عمي
                      ويكون بعلمك الشيبان هم اللي عندهم العلم ,
                      لو سولف ولد شباب في مجلس عن احد المعارك القديمة جداً ورد علية شايب من تبي تصدق الشايب او الولد أكيد الشايب لانه اعرف (اكبر منك بيوم اعرف منك بسنه) وهواللي يوخذ منه العلم ,وانا شخصياً اعرف مؤلفين ومؤرخين يدورون كبار السن (الشيبان)للاستفسار عن بعض مايريدون ويأخذون بأقوالهم.

                      هذا ماحبيت اوضحة لكم
                      [align=center] وتقبلوا تحياتي ///////////////صدوق ابن روق [/align]
                      تبقا هذه وجهة نظرك وانا احترمها ولكن يجب ان لا نصدق كل مايقوله الشيبان لان هناك مصادر اقرب للحدث من الشيبان فالشيبان فيهم من يتجاهل فعل بعض القبايل لغرض ماء في نفسه وفيهم من ينسى وفيهم من يزيد من عنده ولكن المؤرخين يصورون ماكان يدور في ساحة الميدان وكانك تعيش معهم في وقتهم خلاصة الكلام يجب ان نعتمد على المصادر الموثوق فيها مثل ابن ابن بشر وغيره وغيره وغيره واما كلام الشيبان فتسعين بالميه منه كذبوخرافات وتقبا هذه وجهت نظري انا ايضا وتقبل تحياتي

                      تعليق

                      العمل...