قصة العتيبي وجاره القحطاني

طي
X
 
  • التوقيت
  • إظهار
مسح الكل
المشاركات الجديدة
  • فتى الهيلا
    (مصـمـم)
    • Jan 2005
    • 163

    #1

    قصة العتيبي وجاره القحطاني

    [align=center]بسم الله الرحمن الرحيم

    هذه القصه جرت على فارس الدويخ من الروسان من عتيبه ، كان المذكور جاراً لمحمد بن حشيفان من روق من قحطان ، كان محمد عنده فرس مشهور في ذلك الوقت وكسبوها ناس من عتيبه يوم أخذت الفرس قال صاحبها ابن حشيفان يافارس قال : نعم ، قال فرسنا عند جماعتك عتيبه وانا وانت جيران من حوالي ثلاث سنوات واليوم تراي مثورك فيها ، قال فارس : أبشر فركب فارس وفهد ولد محمد ابن حشيفان على أثر الفرس يوم امساهم الليل أضافوا عند واحد من قحطان في طريقهم فاستقبلهم ورحب بهم وذبح لهم خروف وعمل لهم القهوه وعندما تقهوو قال معزبهم وين رايحين يا فهد قال فرس الوالد ماخوذه البارح ومثورين فيها قصيرنا فارس ، وكان فارس قصير القامه ناحل الجسم وأذا رأيته احتقرته من صغر بنيته قال المعزب اللي هذا ثويركم أبشر في قلها . يوم سمع فارس كلام المعزب زرمت نفسه من مشاهد هذا الشخص وعن عشاه قال لخويه عطنا الذلول ومشو في سبيلهم . قال المعزب ذبيحتكم تطبخ تعشوا قال فارس الدويخ : ما نبي لك عشاء فواصلوا مسيرهم بإثر الفرس وبعد يومين وصلوا العرب الذين عندهم الفرس فعرفوا ان فارس الدويخ ثوير بالفرس قالوا يا فارس نبي نعطيكم أربع من الابل ثنتين لقحات وثنتين معاشير بدل عنوتكم تقديراً لك ولخويك ، قال فارس اللازم اللي جينا له ان شاء الله يبي يتم وقال لخويه القحطاني أركب الذلول ترى وعدك المحل الفلاني يوم جاء الليل وهو يا خذ سلاحه ويتم على الفرس ويلوذ بضهرها ويلحق بخويه ... جماعته يوم شأفوه جازم عطوه ما وطعام قالوا مار لا تهلك انت وياها

    وبهذه المناسبه قال فارس الدويخ أبياتاً طويله منها يقول عندما سلم الفرس لقصيره القحطاني :

    أبشر بها ما قلعن المسامير *** وهذا مثار امدربين العيالي
    حلفت انا ما اطلق رسنها ولا اسير *** يقع حدانا للمقابر يشالي
    والله ما اخذ في فرسك المخاسير *** لو قلطوا لقح وخلف متالي
    [/align]
  • فيصل المسعودي
    مشرف عام
    • May 2005
    • 8296

    #2
    [align=center]

    مشكوووووور أخوي على القصه


    الرائعه تحياااااااتي لك[/align]

    تعليق

    • فتى الهيلا
      (مصـمـم)
      • Jan 2005
      • 163

      #3
      العفو
      يا فيصل


      ولاهنت على المرور

      تعليق

      • فارس الدعاجين
        عضو فضي
        • Jun 2005
        • 201

        #4
        مشكور و ما قصرت على هالقصة الرائعة .

        تعليق

        • ((الدلبحي))

          رابطة محبي الهيلا

          • Mar 2003
          • 6010

          #5
          تسلم يمناك وماقصرت

          قصه رائعه

          تحيااااااااااااااااااتي

          تعليق

          • فتى الهيلا
            (مصـمـم)
            • Jan 2005
            • 163

            #6
            فارس الدعاجين

            العفو
            شاكراً لك مرورك

            تعليق

            • فتى الهيلا
              (مصـمـم)
              • Jan 2005
              • 163

              #7
              الدلبحــي

              الله يعطيك العافيه على المرور
              ولاهنت


              وتقبل تحيااااااااااااتي

              تعليق

              العمل...