قصيدة المعلمه شافت حبيبها جاي يسجل ابنته بنفس المدرسه

طي
X
 
  • التوقيت
  • إظهار
مسح الكل
المشاركات الجديدة
  • الغضنفر
    عضو ماسي
    • Dec 2011
    • 700

    #1

    قصيدة المعلمه شافت حبيبها جاي يسجل ابنته بنفس المدرسه

    مما راق لي





    قصيدة المعلمه سارة يوم شافت حبيبها جاي يسجل بنته :

    يانوره بالله اسمعي لاتصدين
    يابنت حرن مركزه بالصداره

    شي جرالي قسم القلب قسمين
    وابلا ملامه افهمي للعبارة

    باول دوام المدرسه يوم الأثنين
    معلمه في وجه باب الأداره

    وقفت باللجنه على سادس اثنين
    مثل المجند ينتظر للأشاره

    هاذي تنادي وهاذي ابله انا وين
    زحمه وتو اليوم بأول نهاره

    اصوت لثنتين وبيدي ثنتين
    نوره مضاوي عايشه مي ياره

    وسمعت صوتن رجع القلب لسنين
    صوت الذي اسمه بنقش السواره

    اختي عن اذنش ناقل البنت هالحين
    تفضلي الأوراق والأستماره

    عجزت لا اجاوب ولا ارمش العين
    طول سكوتي وهو طال انتظاره

    حسيت ان الدم مثل البراكين
    شريان قلبي وصل حد انفجاره

    ورفعت راسي وصارت العين بالعين
    ولمحت في عينه سواة الشراره

    هو هو والا واهمه ياالرزينين
    زوله ورفعة حاجبه مع سماره

    لا ماتغير فيه ياكود شيين
    حف الشنب والشيب زاد بوقاره

    اتلا علاقتنا ثلاثه وتسعين
    باول حلاة العمر قبل انكساره

    الشاهد الله ماحصل بيننا شين
    ولا يخدش احساس بنت وعذاره

    نعم الحبيب اللين الطيب الزين
    ونعم الرفيق اللي حفظ حق جاره

    ياوجه ابوي الوجه مرحب وسهلين
    لا يابعد روح ومعاليق ساره

    ودي المه وودي اصيح بس وين
    مثل الكسير اللي نشب وسط غاره

    مايستطيع المشي من دون رجلين
    وحوله جنودن تشتهر بالشطاره

    ياللأسف هالحين صرنا غريبين
    حكم القدر واصدر علينا قراره

    الهم والغربال والفقد والبين
    وانا اسيره تنتظر للزياره

    ويلي على لاماك ويلاه ياحسين
    يامن يجمعنا واسوق البشاره

    ساره وسكت له لحظه كنها سنين
    واقفا واشوفه يوم شب الزقاره

    رد حسين على قصيده معشوقته القديمه ساره
    يامرحبا ياغايتي ياهلاوين
    يابنت عودن فيه طيب ونعاره

    لا يابعد كل البنات المزايين
    يافرحت المظلوم يوم انتصاره

    من يوم ماغبتي وانا ماني بزين
    ضايق واحس القلب طال انتظاره

    دايم على بالي وانتي تمرين
    واقول يفدوها جميع العذاره

    لو الليالي ترجع لعشرة اسنين
    ماكان شفتي الشيب زاد بوقاره

    لا مانسيتك من ثلاثة وتسعين
    وشلون ابنسى حب واضح مساره

    تدرين شاللي هزني يوم الأثنين
    واللي ذبح قلبي بأول نهاره

    زولك لمحته يوم كنتي تمشين
    بين الصفوف اقبال باب الأداره

    وفز الخفوق وقلت ياربي تعين
    هي هي ولاهي شبيهه لساره

    جيتك وقلت ابنقل البنت هالحين
    تفضلي الأوراق والأستماره

    طول سكاتك والبلا العين بالعين
    ضقت واحس بضغط مدري حراره

    وخانتني الدمعه وطاحت من العين
    كني طفل يبكي مضيع دياره

    بحط بنتي عندك بسادس اثنين
    عشان اكثر جيتي بالزياره

    واليا دخلت الصف لازم تخشين
    اسمي لانه مسجلن بالسواره

    وامانتك انك عليها تخافين
    لحدن يضايقها بأيت عباره

    بصارحك في شي يمكن تحسين
    ان الزمن اقفى علينا قطاره

    انا سمعت ان اكبر عيالك حسين
    وانتي اكيد انك سمعتي بساره
    تم التعديل الأخير بواسطة الغضنفر؛ 26-Mar-2012, 09:49 PM.
  • محمد الذيابـــي

    مشرف منتدى قصائد الاعضاء

    • Mar 2011
    • 12133

    #2
    ..



    صح لسااانه


    قصة حزينه واظن ان حسين هو ابو سعود


    هههههههههههههههههههه
    التوقيع

    محمد الذيابـــي

    تعليق

    • عزارم

      رابطة محبي الهيلا

      • Dec 2010
      • 2691

      #3
      القصيدة والقصه أحس أنها من نسج خيال
      من شاعر واحد

      س/ كيف يزور بنته في المدرسه ؟ مايدخل ممنوع






      أما ان كانها قصيدتها عز الله ما قصرت يالغضنفر وشكر لك ياطيب

      تعليق

      • الغضنفر
        عضو ماسي
        • Dec 2011
        • 700

        #4
        مرورك شرف لي يامشرفنا المبدع وحلوه منك يامحمد ههههههههههههه

        تعليق

        • الغضنفر
          عضو ماسي
          • Dec 2011
          • 700

          #5
          اخوى عزارم جننتني جننتني انت ماتكب التحاليل عنك من طرف واحد انت ماتمشى شى ابك هاذى سالفه
          حصلت باالفل علي المعلمه ساره ولاخ حسين.......... عقتني يامسلم هههههههههههههههههههههههه

          تعليق

          • محمد الذيابـــي

            مشرف منتدى قصائد الاعضاء

            • Mar 2011
            • 12133

            #6
            ياعزارم لا تدقق على شايبنا


            هههههههههههههههههههه
            التوقيع

            محمد الذيابـــي

            تعليق

            • ابو ضيف الله
              مشرف عـام
              • Feb 2003
              • 8888

              #7
              تم النشر في الأصل بواسطة عزارم عرض المشاركة
              القصيدة والقصه أحس أنها من نسج خيال
              من شاعر واحد

              س/ كيف يزور بنته في المدرسه ؟ مايدخل ممنوع



              أما ان كانها قصيدتها عز الله ما قصرت يالغضنفر وشكر لك ياطيب

              لا تدقق يا عزارم

              اشك انها قصة خيالية ويمكن تكون في الكويت

              او المدرسة حسب الضوابط الشرعية 2012

              ]
              قال الشافعي رحمه الله: أركان الرجولة أربع: الديانة والأمانة والصيانة والرزانة.

              قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة.




              اللهم أنصر من نصر الدين وأخذل من خذل الدين

              تعليق

              • محمد الذيابـــي

                مشرف منتدى قصائد الاعضاء

                • Mar 2011
                • 12133

                #8
                تم النشر في الأصل بواسطة ابو ضيف الله عرض المشاركة
                لا تدقق يا عزارم

                اشك انها قصة خيالية ويمكن تكون في الكويت

                او المدرسة حسب الضوابط الشرعية 2012

                ]



                هذا التحليل والا بلاش
                التوقيع

                محمد الذيابـــي

                تعليق

                • عزارم

                  رابطة محبي الهيلا

                  • Dec 2010
                  • 2691

                  #9
                  تم النشر في الأصل بواسطة الغضنفر عرض المشاركة
                  اخوى عزارم جننتني جننتني انت ماتكب التحاليل عنك من طرف واحد انت ماتمشى شى ابك هاذى سالفه
                  حصلت باالفل علي المعلمه ساره ولاخ حسين.......... عقتني يامسلم هههههههههههههههههههههههه

                  ههههههه لازال ابو ضيف الله موافقني يالغضنفر وتحليله خطير وانا هه ماعاد اني قايل شي
                  لك مني أسكت


                  تم النشر في الأصل بواسطة محمد الذيابـــي عرض المشاركة
                  ياعزارم لا تدقق على شايبنا


                  هههههههههههههههههههه


                  ماعاد ورى تدقيقك يامحمد ماشاء الله عليك صبت الهدف

                  وشايبنا الله يطول في عمره غضنفر كلنا نهابه


                  تم النشر في الأصل بواسطة ابو ضيف الله عرض المشاركة
                  لا تدقق يا عزارم

                  اشك انها قصة خيالية ويمكن تكون في الكويت

                  او المدرسة حسب الضوابط الشرعية 2012

                  ]



                  ههههههه لا تدقق وزودت التدقيق الله يعطيك العافيه

                  تعليق

                  • الغضنفر
                    عضو ماسي
                    • Dec 2011
                    • 700

                    #10
                    بسم الله الرحمن الرحيم ولا حول ولا قوة الاباالله حلحين افردن عزارم يطلعلي ابو ضيف الله ذولي ويش يرضيهم يانس هههههههههههههههههههه وبعدين الكويت وسعوديه ماهي كلها دول خلبجيه ههههههههههههههههههههههههه


                    مع الشكر ل محمد الذيابي ولخ الي معقدنى عزارم النشمي والمشرف الغالي ابو ضيف الله
                    تم التعديل الأخير بواسطة الغضنفر؛ 27-Mar-2012, 09:39 PM.

                    تعليق

                    • ابو طارق الشمري
                      عضو نشيط
                      • Feb 2013
                      • 76

                      #11
                      هلابك الغضنفر ولك الشكر والتقدير على النقل الرااائع
                      لاعــــــــــدمنا وجووودك.

                      تعليق

                      • راشد النفيعي

                        رابطة محبي الهيلا

                        • May 2012
                        • 2339

                        #12
                        المعلمه تقول جندي ينتظر اشاره
                        الظاهر انها خدمة فالعسكريه خدمه الزاميه قبل التعيين
                        هذي قصيده الفها شخص على لسان امرأه
                        ورد على نفسه

                        تعليق

                        العمل...