قصه للفارس عبيد العلي الرشيد وأخيه عبد الله

طي
X
 
  • التوقيت
  • إظهار
مسح الكل
المشاركات الجديدة
  • محمد الذيابـــي

    مشرف منتدى قصائد الاعضاء

    • Mar 2011
    • 12133

    #1

    قصه للفارس عبيد العلي الرشيد وأخيه عبد الله

    هذي سالفه حصلت بين عبيد العلي الرشيد وأخوه عبدالله الرشيد
    أمير حائل مع رفيق لهم يدعي عبدالمحسن بن سيف من عنز ه من أهالي بريده الملقب بالملا

    وللمعلوميه:فأن عبيد العلي الرشيد ( اخو عبدالله العلي الرشيد أمير حائل)
    امتاز عن اخيه بأمور ثلاثة بغلوّه في المذهب كما قيل، وبخشونة طبعة ، وبنزعتة شديدة إلى القتال في سبيل الله والتوحيد ،
    وكان رسول النجدييين الأكبر في الجبل وكان بيته محط رحال النجديين في حائل
    ومرجعهم الاعلى والصله بينهم وبين الرياض.
    وهو فارس من ابطال الفرسان وشاعر من فحول الشعراء .
    ---------
    قال عبيد العلي الرشيد في آخر ايامه هذه القصيده وكانت قصتها كالتالي :
    أن عبدلله واخوه عبيد كان لهم رفيق بدعى ( عبدالمحسن بن سيف.من عنزه.. الملقب بالملا)
    من أهل بريدة وكانوا يتجاذبون الحديث
    فقالوا له يا عبد المحسن علّمنا بما فينا من العيوب - حيث انه كما قيل في المثل كل بصير في عيوب غيره - فقال لهم : لن اخبركم بما فيكم إلا إذا امّنتموني ، فقالوا له لك الامان منا .
    فقال : اما انت ياعبدلله فعيبك عدم تقديرك للأجاويد. وأخيار الناس و ذلك يعتريك عند الغضب
    وهذه خصلة فيك غير حميدة.

    أما انت ياعبيد : فجميع مكارم الاخلاق حاويها ومداركها ولا فيك عدا عيب واحد وهو :
    عظم تقديرك للصلبي (ساهي ) إذا دخل في المجلس اقربته حولك وادنيته بجانبك .

    فقال عبيد : نعم أنا يا عبدالمحسن ان ساهي هذا رجل طيّب ، وفيه شجاعه وهمّه عاليه ونفس ابيّه عن الادناس فمن اجل ذلك قربت ساهي من مجلسي... ثم قال هذه القصيده :


    وهي :



    [poem=font="simplified arabic,5,black,bold,normal" bkcolor="transparent" bkimage="" border="none,4,white" type=0 line=0 align=center use=ex num="0,black"]
    طلبت ربّ يعلم السر والغيب = يقبل صلاةُ لي ويقبل صيامي
    ويجعل لنا عرض نزيه عن العيب = ويفكنا من شر سوء الاثامي
    إبن آدم ملفى الردى والعذاريب = لو ما فعل رميت عليه التهامي
    جلّيت عن نفسي شبا الشك والريب = ولا حسب يلقون العرب بي كلامي
    وربعي لقوبي عقب شيبي عذاريب = بتسطير كذب أمفسرين الحلامي
    قلت اخبروني ويش مغضا هاك العيب = قالوا على ساقت رفيقك تحامي
    قلت إن هذا من قديم لنا عيب = مستارثينه من خوال وعمامي
    العيب ترك المعرضه بالمواجيب = والاّ الرفيق إبفزعته ما يلامي
    رفيقنا كنّه بروس الشغانيب = يجبر بنا لو مكسره بالعظامي
    رفيقنا ما نجدعه للقصاصيب = في راس حيد نايف ما يظامي
    ورفيقنا لو هو من الجد بصليب = معلّق منا ذروة سنامي
    والشر ما نسعى بجرّه بتقريب = وندري إلى هبّت لنا بِالاَ ولامي
    هذي قدايمنا إلى عدو الطيب = وكل يريه الفعل أهله القدامي
    ويوم الوغى ما نستشير الزواريب = لا طار عن سود العيون اللثامي
    مركاضنا يشبع به الطير والذيب = ونروي معاطيش السيوف الظوامي
    نلحق على سرد يجنّك جناذيب = بمطارق مع مثل صف النعامي
    يتلون ابو بندر ربيع السعاييب = اللي على خيره تعيش اليتامي
    فإن سِلم راس امبيّد الكنّس النّيب = حريبنا ما يهتني بالمنامي
    غنّوا بها اركان عوج المصاليب = من مصر الغربي إلى دار يامي
    شارخ اخذنابه زبون المهاليب = وش جاب سطوة مطبر وبن لامي[/poem]


    ===
    التوقيع

    محمد الذيابـــي
  • متعب الند
    عضو ماسي
    • May 2011
    • 643

    #2
    سلمت ودمت يامحمد على النقل الثمين بمعناه...لمن يدركه



    تقبل مروري

    تعليق

    • محمد الذيابـــي

      مشرف منتدى قصائد الاعضاء

      • Mar 2011
      • 12133

      #3
      ,,


      لاهنت يالغالي متعب الند


      شرفتني بمرورك الجميل


      ,,,,,
      التوقيع

      محمد الذيابـــي

      تعليق

      • عبدالله جبارالعتيبي
        شــــاعــر
        • Jul 2011
        • 1271

        #4
        سلمت يامحمد على النقل
        دائما رائع
        [align=center]
        [poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
        يالله يامنجي نبيك من الحوت=وعالم بكل الناس واللي وراها
        تغفرذنوبي كلها قبل ماموت=أنته ملاج الناس ونت الإلاها[/poem][/align]

        [align=center]عبدالله المقاطي[/align]

        تعليق

        • محمد الذيابـــي

          مشرف منتدى قصائد الاعضاء

          • Mar 2011
          • 12133

          #5
          ,,



          لاهنت على المرور يالغالي


          ,,,,,
          التوقيع

          محمد الذيابـــي

          تعليق

          • قلب الرياض
            موقوف لمخالفة الأنظمة
            • Oct 2011
            • 157

            #6
            تسلم يمينك يامحمد على القصه والقصيده الرائعه

            تعليق

            • محمد الذيابـــي

              مشرف منتدى قصائد الاعضاء

              • Mar 2011
              • 12133

              #7
              ,,

              لاهنت يالغالي .

              ,,,,,,
              التوقيع

              محمد الذيابـــي

              تعليق

              العمل...