:- قصة الحربي وَ القبعه -

طي
X
 
  • التوقيت
  • إظهار
مسح الكل
المشاركات الجديدة
  • عقاب الحويماني
    عضو ماسي
    • Dec 2006
    • 435

    #1

    :- قصة الحربي وَ القبعه -





    أعضاء ورواد منتدى القبيله

    السلام عليكم ورحمة الله وبركاته

    يسعدني أن اضع بين أيديكم قصه واقعيه من لِسان ذاكرة الأخ [ تركي بن متلع القبــع ]
    على إخوانكم وَ أبناء عمومتكم [ القبعه ] وَ خويهم القحطاني ؛
    حدثت هذه القصه قبل 20 عاما ً تقريبا ً في موسم الحج في مكه المشرفه على مجموعه من فرقة المجاهدين حيث تعلمون دورهم وتواجدهم في هذا الموسم
    والقصه حصلت على 6 من فخذ القبعه وهم خالد بن ذعار و َ خالد بن سحمي وَ رحيم بن فهد وَ مشعل بن صنهات وَ متعب بن نايف وَ محمد بن خربوش وسابعم خويهم من قبيلة قحطان العريقه [ محمد السعدي ] ؛
    وكانت البدايه حين إستلموا الربع الموقع المُحدد لهم لتأديت أعمالهم المطلوبه منهم ؛
    وفي صباح أحد الأيام وكما جرت العاده من جلوس الربع في موقع إستلامهم وبطبيعة الحال لايخلو المجلس من فنجال الشاذليه وَ السوالف الجزله وَ العلوم الطيبه اللي تنومسهم و تونسهم ؛

    إلا أنه على حين غفله و إذا بشخص يقبل عليهم ومعه مجموعة نساء ويردد [ تكفون ياعتيبه تكفون ياشبابه يافزعة المضيوم ]
    وإذا بالربع يقفون وقفة رجل واحد على نخوة الرجل وكانوا على علم بأنه حربي حين قال تكفون ياشبابه وقالوا وصلت [ عسى ماباس ] كل أمر ٍ مقضي إسترح أقلط وخل النسوان يعدّن ف الظلال ؛ فقلط الرجل وعرف بنفسه أنا محمد الحربي من سكان مدينة حفر الباطن و [ العلم سلامتكم ] تخالفنا حنا وربعنا و ضعنا ف الزحمه ولانملك أي إثبات أو فلوس وربعنا مضيعينهم والا أنا بخير وستين نعمه ؛ قالوا الربع [ الأمر سهل ] وحاجتك مقضيه ؛
    ومدوا اليه الربع مدة ٍ جزله فوق اللي يسد حاجته وقالوا إذا ماتسدك والا بغيت زياده لايهمك [ حاضرين بالعلم الطيب ياحربي ] وقالوا تراها تلف ماهيب سلف واعتبرها
    قيمة قهوتك ؛ وراح الحربي على نية الخير ويسر الله أموره وَ الربع كملوا قهوتهم وسوالفهم لين مالت فية العصر وجددوا مجلسهم ف الجهه الغربيه يوم أخذوا شوي
    الا العين وماترى رفيقهم الحربي جايهم معوّد وجايبن ذبحيته معه وبادروه الربع بسلم عتيبه [ الترحيب ] و هبة الريح ؛ قال ربعي ورانا ينتظروني في سيارتهم [ عقلهم الله ] وَ أنا ماشيء وهاذي ذبيحتكم وهاذي فلوسكم وبيض الله وجيهكم وجمل الله حالكم وحلفوا الربع عن الفلوس وطلق الحربي و حرّم إنهم لياخذونها أخذوها الربع وقام مشعل بن صنهات وقدم له هديه بإسم الربع ؛




    والقصه ثمرتها القصيده وهاذي قصيده من الشاعر تركي بن نايف القبـــع بعد ماسمع قصة ربعنا : -








    [poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    بعض المواقف تحرج رجال و زحول = لو ظرفها اللي حدها نص وريال
    يقوله الجاهل فلا هوب معقول = واللي ماجرّب ينقد أمثال عقال
    كم ماقف ٍ حد الغني كان ذلول = على فقير ٍ ملكه شماغ و عقال
    الفرق فرق الناس في فعول وعقول = وطيب المكارم عند الأجواد مازال
    الرزق عند اللي باالارزاق مكفول = مشبع فقارن ماتعشي لها عيال
    بعض المواقف ودك إنك لها تقول = قول ٍ لتعبيره على الصدق مدخال
    فعل ٍ ينومس مرحباً به ومقبول = وقصته بفعول المطاليق تنقال
    في شرحها ماودي إني لها أطول = يومنه الحربي شكى لربعي الحال
    جاء ضايعن بمعوره مامعه زول = غريب دار ٍ لاقريب ٍ ولا خال
    تقطعتبه سبل الأقدار مذهول = و ماخاب يومنه عليهم شكى الحال
    قالوا هلا يامرحبا سلّم وَوصول = أبشر بسعدك ومطلبك جاه ٍ ومال
    دامك نصيت عتابه تقول و طول = سته ومعنا من بني مضيم شيال
    فل الحجاج وعقال الافعال مفتول = فصل ونلبس ماتفصله تفصال
    ويومه قضى لازمه ماهوب دعبول = عوّد عليهم بالثناء طيب الفال [/poem]
  • محمد الذيابـــي

    مشرف منتدى قصائد الاعضاء

    • Mar 2011
    • 12133

    #2
    صح لساااااااااااانه والطيب غير مستغرب من اهله
    التوقيع

    محمد الذيابـــي

    تعليق

    • متعب الند
      عضو ماسي
      • May 2011
      • 643

      #3
      صح اللسان الشاعر............وهو من عرب مافيها كلام ................وقصتاً جميله وتشوش الراس



      وشكراً ..متعب الند

      تعليق

      • حد الرهيّف
        موقوف لمخالفة الأنظمة
        • Dec 2010
        • 117

        #4
        اللهم أدم المحبه بيننا وهذا هو الفعل وهذه هي الشهامه الحقيقيه لحرب الوفاء والجود وعتابه الكرام الابطال زحازيح الرجال لله در حرب ولله در عتيبه.

        تعليق

        • فيصل المسعودي
          مشرف عام
          • May 2005
          • 8296

          #5
          لا غرابة كلهم أهل نخوة وشيمة وشهامة

          مهما تطور الزمان واختلفت ظروف الوقت

          تبقى الأخلاق العربية الأصيلة في قلوب الرجال

          لا هنت ياعقاب على نقل هذه القصة والقصيدة

          وبارك الله في هذه القصة التي عادت بقلمك إلينا بعد غياب ليس بالقصير

          تقبل تحياتي

          تعليق

          • عقاب الحويماني
            عضو ماسي
            • Dec 2006
            • 435

            #6
            محمد الذيابي
            لاهنت على المرور والكلام الطيب

            تعليق

            • مرزوق حمدان العتيبي
              مشـرف عام
              • Nov 2003
              • 20403

              #7
              ..

              .

              والله ومليون نعم بربعنا .. عوايدهم العلوم الطيبه ومتميزين بها ..

              يستاهل الحربي وعز الله انه سند وبلغ مراده ..
              كل الشكر .....
              [align=center]
              [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
              فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
              حط حبه في كياني ماتغيّره السنيني = وانثني من دون عرضه بالذراع وباللساني[/poem]







              @Marzouq_MHD
              [/align]

              تعليق

              • علي الدعجاني
                عضو ماسي
                • Oct 2010
                • 556

                #8
                والله وسبعين نعم بالاد منعر

                لاهنت على القصه المشرفه

                تعليق

                • طير الفرح
                  عضو
                  • Aug 2011
                  • 10

                  #9
                  ووالله ونعععم بربععي الدغالبه.......وغغير ممستغرب مننهم
                  لاههنت ع النقل يالغالي..... لاعدمنااك

                  تعليق

                  • عقاب الحويماني
                    عضو ماسي
                    • Dec 2006
                    • 435

                    #10
                    لاهنت على الكلام الطيب ومرور المشرف

                    والشكر موصول ( الراوي تركي متلع القبع )

                    تعليق

                    • مهجرس
                      عضو فضي
                      • Jun 2011
                      • 210

                      #11
                      و الله و نعم فيهم و بيض الله وجيههم و هاذي عوايد عتيبة الهيلا و لايهون القحطاني و ربعه

                      فعلوا الواجب عليهم و لاجاء منهم قصووووووووووووووووووور...

                      و بيض الله وجه الحربي اللي رد الجميييييييييل و هاذي عوائد الرجال

                      تعليق

                      • ساطي .. الحربي
                        عضو
                        • Sep 2011
                        • 9

                        #12
                        صح لسانه

                        ولاهي غريبه على حرب وعتيبه اخوتهم عمر


                        تحياتي

                        تعليق

                        • عقاب الحويماني
                          عضو ماسي
                          • Dec 2006
                          • 435

                          #13
                          محمد الحميدي

                          لا هنت على المرور المشرف
                          والكلام الطيب

                          تعليق

                          العمل...